Gjörgæslugjaldmiðill!

"Fá dæmi eru um að gjaldmiðill hafi verið jafn ofmetinn og íslenska krónan á árunum 2004-2007." Þannig hefst frétt á Mbl.is.

En í dag er varla hægt að meta íslenska gjaldmiðilinn, því blessuð Krónan er jú á gjörgæslu!

 

Athugasemdir

[Örn Ægir Reynisson, 15.8.2011 kl. 21:57]

Evrusvæðið er allt í gjörgæslu og aðildarsinnar sérstaklega þeir sem fá borgað fyrir, með allt niðrum sig

[Þorsteinn Briem, 15.8.2011 kl. 22:04]

Sjálfstæðisflokkurinn VILL ÁFRAM íslenska krónu og VERÐTRYGGINGU:

"Bjarni Benediktsson, formaður Sjálfstæðisflokksins, segir að hann hafi lengi verið þeirrar skoðunar að erfitt sé að vera með lítinn gjaldmiðil líkt og krónuna en hann er enn þeirrar skoðunar að Íslandi sé betur borgið utan Evrópusambandsins."

[Þorsteinn Briem, 15.8.2011 kl. 22:06]

VERÐTRYGGT 20 milljóna króna jafngreiðslulán tekið hjá Íbúðalánasjóði til 20 ára með 5% vöxtum, miðað við 5% verðbólgu á lánstímanum og mánaðarlegum afborgunum:

ÚTBORGUÐ FJÁRHÆÐ:

Lánsupphæð 20 milljónir króna.

Lántökugjald 200 þúsund krónur.

Útborgað hjá Íbúðalánasjóði 19,8 milljónir króna.

Opinber gjöld 301 þúsund krónur.

Útborguð fjárhæð 19,5 milljónir króna.

HEILDARENDURGREIÐSLA:

Afborgun 20 milljónir króna.

Vextir 11,7 milljónir króna.

VERÐBÆTUR 22,1 MILLJÓN KRÓNA.

Greiðslugjald 18 þúsund krónur.

SAMTALS GREITT 53,8 MILLJÓNIR KRÓNA.

Meðalgreiðslubyrði á mánuði allan lánstímann 224 þúsund krónur.

Eftirstöðvar byrja að lækka eftir 72. greiðslu, eða sex ár.

[Þorsteinn Briem, 15.8.2011 kl. 22:17]

Frá áramótum hefur gengi evru gagnvart Bandaríkjadollar HÆKKAÐ um 7,8%, Kanadadollar um 7,24%, íslensku krónunni um 6,66%, breska sterlingspundinu um 2,42%, japanska jeninu um 1,83%, sænsku krónunni um 3,62% og norsku krónunni um 0,97%.

Og frá því evruseðlar voru settir í umferð í ársbyrjun 2002 hefur gengi evru gagnvart Bandaríkjadal HÆKKAÐ um 59%.

[Jón Frímann Jónsson, 15.8.2011 kl. 22:40]

Örn, Í dag styrktist evran gagnvart USD. Það er nú öll gjörgæslan sem þar er á ferðinni.

Þú þekkir ekki málið og neitar síðan að kynna þér staðreyndinar um hvernig ESB og aðildarríki ESB vinna í þeirri efnahagskreppu sem nú ríkir.

 Blaður andstæðinga ESB um eitthvað annað er bara það sem það er. Innantómt blaður og ekkert annað.

[Þorsteinn Briem, 15.8.2011 kl. 22:54]

"Bandaríkjamenn eru að draga sig út úr stríðinu í Írak og Afganistan.

Osama bin Laden er dauður og ríkissjóður Bandaríkjanna að sökkva í skuldafen.

Þetta þýðir minni umsvif í hergagnaiðnaði í Bandaríkjunum og það sést á þróun hlutabréfa í fyrirtækjum sem framleiða hergögn.

Fox-news fjallar um þetta mál í fréttaskýringu sem ber yfirskriftina "Gullni áratugur fyrirtækja í varnarmálum að ljúka.""

Niðursveifla í bandarískum hergagnaiðnaði

[Grásleppan, 16.8.2011 kl. 01:10]

Sjáiði Grikkland! Sjáiði Írland! Sjáiði Spán! Sjáiði Portúgal!!
Er það svona ástand sem þið viljið koma íslendingum í !!
Krónan hefur reynst okkur vel alla tíð og er að bjarga okkur frá því að vera löngu gjaldþrota!!!

[Þorsteinn Briem, 16.8.2011 kl. 02:38]

Evrópusambandsríkin Pólland, Finnland, Svíþjóð og Danmörk, ásamt fleiri ríkjum, forðuðu íslenska ríkinu frá gjaldþroti með háum lánum eftir bankahrunið hér haustið 2008 en EKKI íslenska krónan.

Seðlabanki Íslands varð hins vegar gjaldþrota undir "stjórn" Davíðs Oddssonar.

En Bandaríkin og sum ríki í Evrópu, þar á meðal Ísland, skulda það mikið erlendis eftir OFÞENSLU á árunum 2006-2007 að þau þurfa að draga saman seglin í ríkisútgjöldum sínum.

Evran er hins vegar ekki gjaldmiðill Íslendinga og Bandaríkjamanna.

[Stefán Júlíusson (IP-tala skráð) 16.8.2011 kl. 06:48]

Grásleppan:  Sérðu ekki að íslenska ríkið hagar sér eins og að það sé gjaldþrota.  Engin skjaldborg um heimilin heldur lánadrottna sína og bankanna.  Það eru gjaldeyrishöft og skattahækkanir upp úr öllu valdi og niðurskurður.  Það eru engar fjárfestingar.  Atvinnuleysi hátt og kaupmáttur lélegur.

Ég get ekki séð hvernig ástandið á Íslandi sé eitthvað skárra en á Írlandi, Portúgal eða Grikklandi.

[Jón Frímann Jónsson, 16.8.2011 kl. 19:01]

Grásleppan, Það eru engin gjaldeyrishöft í Grikklandi, Portúgal, Spáni eða Ítalíu. Þar eru vissulega mikil efnahagsleg vandræði á ferðinni, en ekkert sem ekki er hægt að leysa.

Nú, skoðum Ísland. Þar eru gjaldeyrishöft. Verðbólga fer vaxandi, er væntanlega í kringum 5,4% núna í dag. Erlendar fjárfestingar eru ekki neinar vegna gjaldeyrishafta á Íslensku krónunni.

Stýrivextir eru 5.25% og því eru raunvextir hjá bönkum orðnir neikvæðir núna í dag miðað við verðbólgu (svona eins og verðbólgan er áætluð í dag).

Það eina sem talað er um til þess að örva erlendar fjárfestingar á Íslandi þessa dagana er að reisa fleiri og meiri virkjanir.

Ég bara spyr. Hvað er að þessu fólki ?