Guðni og gosdrykkurinn!

Guðni Ágústsson, fyrrum ráðherra í ríkisstjórn Íslands og formaður Framsóknarflokksins ritaði grein um Evrópumál (!) í Fréttablaðið um helgina. Þar líkir hann ESB við fyrirtæki sem færir okkur ákveðinn gosdrykk! Þetta er umfjöllunarefni dálksins Frá degi til dags í Fréttablaðinu í dag og þar segir:

"Staðreyndir skipta engu
Guðni Ágústsson, fyrrverandi ráðherra Framsóknarflokksins, ritar grein um ESB í Fréttablaðið á laugardag. Guðni fellur þar í sama pytt og margir aðrir þegar kemur að Evrópumálum; staðreyndir hætta að skipta máli. Þannig segir hann: "Stærstur hluti mannafla stjórnarráðsins er undirlagður í vinnu við aðlögunina og kostnaðurinn hleypur á milljörðum króna." Guðni færir engin rök fyrir þessari fullyrðingu, hann trúir því einfaldlega að svo sé, eða veit betur, en beygir sannleikann að málstað sínum."

Og síðar segir: "Rétt skal vera rétt
Nú ber svo við að kostnaður við aðildarviðræðurnar er ekki leyndarmál. Í meirihlutaáliti utanríkismálanefndar um aðildarumsóknina er kveðið á um hver kostnaðurinn verður. Á árunum 2010 til 2012 nemur hann 800 milljónum króna. Viðræðurnar eru innan þessara heimilda. Og að láta sér detta í hug að stærstur hluti starfsmanna stjórnarráðsins sé upptekinn í viðræðunum er í besta falli barnalegt. Það góða fólk hefur nóg annað að gera í vinnunni."

Athugasemdir

[Ómar Bjarki Kristjánsson, 20.9.2011 kl. 09:45]

Bjálfalegt rugl hjá framsóknarmanninum sem vonlegt er. Þetta Kóka Kóla dæmi er eldagmalt asnalegt rugl úr einhverjum eu skeptíkara samtökum. Var strax hlegið útaf borðinu. þeir taka bara nánast allt inn og kalla það ,,auglýsingar" fyrir EU o.s.frv. Sem dæmi þá er Erasmus prógrammið tekið inn. þarf ekki að segja meir til að sjá hvaða vinnubrögðum er beitt.

Skrítið hve margir ísl. kaupa bara einhverja hvaða vitleysu sem er - bara ef þeir sjá það einhversstaðar á prenti.

[Sleggjan og Hvellurinn, 20.9.2011 kl. 10:57]

Já er Erasmuns skiptinemaprógrammið ekki bara auglýsing fyrir ESB?

Ég er viss um að Ásmundur og Guðni og fleiri Framsóknarplebbar taka undir það.

Þetta er bara hlægilegt.