Þorsteinn Pálsson í Silfri Egils: Reglan um hlutfallslegan stöðugleika tryggir veiðireynslu Íslands

Þorsteinn Pálsson, fyrrum forsætisráðherra, ræddi Evrópumálin í Silfri Egils í dag og kom þar meðal annars fram að reglan um ,,hlutfallslegan stöðugleika" myndi tryggja yfirráð og veiðireynslu Íslands yfir staðbundnum stofnum hér við landið. Þetta var bara eitt af mörgum atriðum sem bar á góma.

Hlusta má á viðtalið hér (í miðju klippunnar).

Athugasemdir

[Haraldur Hansson, 16.10.2011 kl. 17:44]

Það myndi ekki vefjast fyrir Þorsteini að útskýra hvað það er gott fyrir Íra að ráða einungis yfir 18% aflaheimilda í sinni eigin landhelgi.

[Örn Ægir Reynisson, 16.10.2011 kl. 18:39]

Þettað er mikil lygi og blekkingar. Með tímanum mun Evrópusambandið yfirtaka Íslenskan sjávarútveg.Algjörlega óþolandi að horfa uppá hvernig ríkisútvarp allra landsmanna er misnotað í þágu Evrópusambandsins!!!

[Örn Ægir Reynisson, 16.10.2011 kl. 18:43]

Nú þegar er 33% hlutur í einu stærsta útgerðarfyrirtæki landsins í höndunum á útlendingum. Efnahagsböðlarnir skiluðu sinni vinnu FYRIR EVRÓPUSAMBANDIÐ!

[Örn Ægir Reynisson, 16.10.2011 kl. 18:55]

Og Steingrímur J og Samfylkingin hafa líka skilað sínu fyrir Evrópusambandið með því að afhenta kröfuhöfum bankana með bolabrögðum og pukri og þar með veðin í fyrirtækjum og heimilum landsins

[Örn Ægir Reynisson, 16.10.2011 kl. 19:00]

Íslenskir Kratar og Vinstri Grænir eru einir eftir til að dásama Evrópusambandið enda hefur þeim öllum verið mútað og ganga þeirra erinda en ekki Íslendinga!

Stoltenberg jarðar nánast norska ESB-drauminn!

16.10.2011 | 15:15

„Ég ætla að eyða lífi mínu til gagnlegri hluta en þá að fá evruna til Noregs" sagði forsætisráðherra Noregs í gær. Þar með jarðaði hann nánast draum norskra ESB-sinna um evru en einnig drauminn um ESB-aðild því að sérhvert land sem nú sækir um aðild er jafnframt skuldbundið til að taka upp evru ef til aðildar kemur.

Segja má að yfirlýsing Stoltenbergs marki tímamót í norskri sögu eftir 40 ára átök þar í landi um hugsanlega aðild að ESB (áður aðild að EB og EBE, fyrirrennurum ESB). Í viðtali sagði formaður Nei til EU í Noregi, Heming Olaussen, um yfirlýsingu forsætisráðherrans:

„Ég hef ekki heyrt Stoltenberg ræða áður um evruna. Þetta merkir að hann hefur gefist upp í ESB-málinu. Nú er því útlit fyrir að það sé einungis Hægriflokkurinn sem áfram vill að Noregur gangi í ESB".

Það var dagblaðið Klassekampen sem hafði þessi athyglisverðu orð eftir forsætisráðherranum í gær (15. okt.) en hann var þá að koma af fundi norska seðlabankastjórans og forstjóra fjármálaeftirlitsins þar sem rætt hafði verið um stöðu alþjóðlegra efnahagsmála. Í frétt blaðsins eru ummæli Stoltenbergs þannig orðuð:

„Det er et sammensatt bilde, men jeg kommer til å bruke mitt liv på mer fruktbare ting enn å arbeide for at Norge skal ha noe med euroen å gjøre, var Stoltenbergs tørre kommentar til Klassekampen i går."

Í fyrradag sögðum við hér á síðunni frá viðhorfum Trond Giske, efnahags- og viðskiptaráðherra Noregs, til evrunnar en hann sagðist vera því feginn að Noregur hefði ekki gengið inn í evrusamstarfið.

Jens Stoltenberg er formaður norska Verkamannaflokkins, bræðraflokks Samfylkingarinnar, og Trond Giske er ráðherra fyrir sama flokk. Verkamannaflokkurinn hefur lengi stutt ESB-aðild en þó hefur lengi verið sterkur andstöðuarmur í flokknum gegn aðild. Þessi nýju tíðindi í Noregi hljóta að vera lærdómsrík fyrir forystumenn Samfylkingarinnar sem halda áfram að berja hausum sínum við steininn og tala um evruna sem sinn æðsta draum, eins og ekkert hafi gerst eða breyst seinasta árið.