Nei-sinnar æfir vegna könnunar Fréttablaðsins - brandari!

Nei-sinnar eru æfir vegna þess að um 65% landsmanna vilja klára aðildarviðræður við ESB og fá að kjósa um aðildarsamning í þjóðaratkvæðagreiðslu.

Það var Fréttablaðið sem greind frá þessu í gær, en blaðið tók 800 manna slembiúrtak úr þjóðskrá.

Nei-sinnar byrja í fyrsta lagi á að draga aðferðafræði könnunarinnar í efa með órökstuddum dylgjum um hana, að "sérvaldir" hafi verið spurðir !

Í öðru lagi leyfa þeir sér að draga ótrúlag langsóttar og hlægilegar ályktanir um niðurstöðuna, í þeim tilgangi einum að brengla útkomu könnunarinnar, sér í hag.

Þetta er fyndið í meira lagi og túlkunin svo langsótt að það hálfa væri nóg! En segir mikið um aðferðafræði Nei-sinna!

Og sú staðreynd að önnur könnunin í röð sýnir að mikill meirihluti landsmanna vill klára samningaferlið er einfaldlega eitur í beinum Nei-sinna.

Þeir hljóta að vera svona lafhræddir við vilja þjóðarinnar!

Athugasemdir

[Hans Haraldsson (IP-tala skráð) 13.12.2011 kl. 14:16]

Úr því að Evrópusamtökin hafa fulla trú á niðurstöðunum úr könnun fréttablaðsins þá geta þau varla haft mikið á móti þjóðaratkvæðagreiðslu um framhald aðildarferlisins.

Raunar ættu þau að styðja þjóðaratkvæðagreiðslu því að úr henni kæmi, gefi könnunin rétta mynd, svo skýrt umboð til að klára ferlið að Jón Bjarnason hefði enga möguleika á að tefja það og Sjálfstæðisflokknum yrði illa stætt á að setja umsóknina til hliðar eftir kosningar.

Eða eru það kannski ekki bara við "nei-sinnar" sem sjáum eitthvað vafasamt við aðferðafræðina?   

[Valgeir , 13.12.2011 kl. 18:30]

Hvaða vitleysa er þetta? Það verður kosið um inngöngu og þá um leið samninginn. Við hvað eru þið hræddir nei sinnar. Eru þið ekki búnir að hamra á því að meirihluti þjóðarinnar vilji ekki inn. Sem er í raun stórundarleg afstaða því það er ekki eins og landið standi vel að vígi hérna hangandi á horreiminni, atvinnulaus, húsnæðislaus og án allrar aðstoðar bara af því að við missum yfirráð yfir svo mörgu, sem enginn hefur geta sagt með vissu að við gerum.

Hver eru svo þessi við. Ég fæ engu ráðið frekar en þorri þjóðarinnar um hvernig farið er með auðæfi landsins. Nærtækasta dæmið er að ekki er enn er búið að tryggja að vatnsréttindi séu í almannaeign og það þrátt fyrir að kommarnir séu komnir. Hversu mikil ítök hafa peningaöflin í landinu þegar ekki er hægt að tryggja almenningi vatn. Er ekki nóg að fá að höndla með rafmagnið, matvælin og húsnæðið þarf að teygja sig með skítugum krumlum í vatnið - þið viljið sjálfsagt regnvatnið líka og jafnvel loftið.

Mér nægir húsnæði (það kerfi er ónýtt), vinna (ég og ansi margir aðrir) matur og pínuponsu afgang hver mánaðarmót. Það er allstaðar hægt í kringum okkur nema hérna. Hversvegna???

Hvaða maður með réttu ráði stendur auk þess á gangstétt og öskrar nei, nei, nei eins og smákrakki mánuðum saman eftir að rútan er farin með hina krakkana í leikhús. Það gat vel verið að sýningin væri slök en það er óþarfi að væla svona án þess að vita nákvæmlega um hvað leikritið er.

Sættið ykkur við að ferlið er hafið, það á eftir að koma eitthvað út úr þessu ferli sem mönnum líkar eða líkar ekki við. En að væla yfir því að það hafi ekki verið kosið um að ræða við einhvern er með ólíkindum. Eigum við næst að setja það í þjóðaratkvæðagreiðslu að setja málin í nefnd nú eða segja okkur úr efta og rifta EES bara af því að það var ekki kosið um það???

[Sleggjan og Hvellurinn, 13.12.2011 kl. 18:45]

NEI sinnar eru hræddir við vilja þjóðarinnar.

Enda gera þeir allt til þess að svifta almennings að kjósa um samninginn.

[Ragna Birgisdóttir, 13.12.2011 kl. 19:17]

Heyr,heyr Valgeir.