Vandræðalegt með Matís-málið - mæla átti meðal annars PCB og þungmálma með styrkfé sem var afþakkað!

Í jólaútgáfu Bændablaðsins (sem stundum hefur verið að detta inn með Mogganum!) er fjallað um Matís-málið og annað því tengt, en það vakti athygli fyrir skömmu þegar Matís dró til baka umsókn um 300 milljóna IPA-styrk til rannsókna of eftirlits með leifum vanarefna í matvælum. Varnarefni eru meðal annars skordýraeitur, illgresiseyðir og þess háttar.

Ísland hefur verið með undanþágu í sambandi við þetta, sem felur í sér að Ísland þarf aðeins að skima eftir 60 efnum í stað 170. Sú undanþága rennur út um næstu áramót. Með þeim styrk sem hafnað var átti meðal annars að mæla þungmálma, PCB og PAH, sem og þörungaeitur í skelfiski. PAH-efni innihalda meðal annars svokölluð PaP-efni, sem eru mjög krabbameinsvaldandi.

Matís var opinber rannsóknaraðili í sambandi við þessi efni, en umsóknin um 300 milljónirnar var dregin til baka vegna þess sem í Bændablaðinu er sagt vera ..."óvíssa um viðskiptalegar forsendur og pólitísk afstaða sjávarítvegs og landbúnaðarráðherra." Sá er Jón Bjarnason, eins og flestir vita.

Fjármunina átti að nota til þess að byggja upp tæknibúnað til að sinna þessum rannsóknum og hinum lögbundnu mælingum.

Í grein Bændablaðsins kemur fram að nú sé ætlunin að reyna ð byggja þetta upp með innlendu fé en að það komi til með að taka nokkur ár! Samvæmt blaðinu hefur slík umsókn verið send inn, en það má líka lesa út úr fréttinni að allsendis óvíst sé hvort peningar fáist!

Þessvegna þarf að leita til aðila erlendis til að gera þessar (lögbundu!) mælingar og það þýðir aukinn kostnað! Sem hlýtur að lenda að lokum á skattgreiðendum!

Í lokin á grein Bændablaðsins segir:

"Þá hefur þegar verið lögð fram ný ósk frá Matís eins og fyrr segir um uppbyggingu frekari mælinga hér á landi á sviði varnarefna- og aðskotaefnamælinga. Ef ekki er vilji til eða möguleiki á að koma upp slíkri aðstöðu hér á landi gæti komið til þess að heilbrigðiseftirlitið og MAST yrðu að senda fleiri sýni út til rannsókna. Nýleg löggjöfum merkingar og rekjanleikaerfðabreyttra matvæla og fóðurser dæmi sem nefna má í þessu sambandi. Kostnaður mun þá að líkindum aukast og rannsókn tæki lengri tíma. Þá yrði hið opinbera um leið að leggja fram meira fjármagn í rannsóknir en nú er gert, nema sýnum verði fækkað. Það væri ekki góð lausn og sem dæmi má nefna að til þess gæti komið að núverandi rannsóknabúnaður hér á landi vegna varnarefna stæði lítið notaður í stað þess að byggja hann upp til að tryggja lögbundnar skyldur og matvælaöryggi og neytendavernd til frambúðar." (Feitletrun og undirstrikun, ES-bloggið)

Málið er í allt hið ótrúlegasta, því skoðanir EINS manns ráða hér mjög miklu! Og það bara vegna andúðar hans á ESB!

Sami Jón Bjarnason er sifellt að tala um hvað MATVÆLAÖRYGGI sé mikilvægt!!

Athugasemdir

[Héðinn Björnsson, 16.12.2011 kl. 17:56]

Þetta er nú meiri vitleysan. Ísland er ríkt samfélag sem ræður vel við að fjármagna það eftirlit sem hér á að vera með eigin skatttekjum og á ekki að þurfa að treysta á skattfé erlendisfrá til að standa undir eðlilegum mælingum.

Þessir IPA styrkir voru búnir til vegna þess að fátæk ríki voru að sækja um aðild að sambandinu sem ekki höfðu efni á að standa undir þeim breytingum sem þurftu að verða á stjórnsýslunnitil að geta orðið meðlimir að bandalaginu. Ísland er með þjóðartekjur á mann sem eru hærri en meðaltalið í sambandinu og því algerlega siðlaust af okkur að taka fé úr þessum sjóðum sem geta þá stutt færri verkefni í Austur Evrópu.

Þetta minnir mann á Marshallaðstoðina sem við fengum þrátt fyrir að hafa hagnast á seinni heimsstyrjöldinni. Við erum fullvaxið hagkerfi sem á vel að standa undir að fjármagna eigin stjórnsýslu.

[Þorsteinn Briem, 16.12.2011 kl. 19:10]

"Á undanförnum 15 árum hafa nærri 14 þúsund Íslendingar farið utan í starfsþjálfun og nám á vegum Menntaáætlunar Evrópusambandsins.

Og mun fleiri hafa tekið þátt í margvíslegum verkefnum.

Samtals eru STYRKIR Menntaáætlunar Evrópusambandsins og forvera hennar um FIMM MILLJARÐAR KRÓNA á þessu tímabili."

Afmælishátíð Menntaáætlunar Evrópusambandsins 2010

[Þorsteinn Briem, 16.12.2011 kl. 19:42]

RÍKA RÍKIÐ:

Íslensku bankarnir OG Seðlabanki Íslands, með Davíð Oddsson sem bankastjóra, urðu GJALDÞROTA haustið 2008.

Og ríki Evrópusambandsins, til að mynda Pólland, Danmörk, Svíþjóð og Finnland, hafa lánað okkur Íslendingum GRÍÐARLEGAR FJÁRHÆÐIR eftir bankahrunið hér, meðal annars til að ÍSLENSKA RÍKIÐ geti greitt erlend lán og verði ekki gjaldþrota.

Pólland er í Austur-Evrópu.