Fíllinn í stofunni!

Þegar menn á borð við Jón Sigurðsson í Össuri h/f tala um gjalmiðilsmál, leggja menn við hlustir. Hann talaði á Viðskiptaþingi í dag og óhætt er að segja að krónan hafi fengið falleinkunn. Á RÚV stendur:

 "Vandamálið sé ónýtur gjaldmiðill sem hafi átt þátt í gríðarlegum eignatilfærslum milli hópa hér á landi í gegnum tíðina. Besta leiðin til að auðgast á Íslandi hafi löngum verið sú að vera á réttum stað þegar ósköp dynja yfir. Þetta hafi slævt vitund Íslendinga um hvað í raunverulegri verðmætasköpun felist. Erlendri fjárfestingu er hér illa tekið og við glímum enn við afleiðingar þess að enginn treysti krónunni sagði Jón. Krónan þurfi bakhjarl til að auka tiltrú og því verði Íslendingar að tengjast stærra gjaldmiðilssvæði."

Og á www.visir.is segir ennfremur:

"Jón Sigurðsson, forstjóri Össurar, sagði í ræðu á Viðskiptaþingi í dag íslensku krónuna vera uppsprettu illinda í íslensku samfélagi. Hún væri eins og fíll inn í stofu á heimilum fólks og það eina sem fólkið gerði væri að moka því út sem kæmi úr afturenda hans. Nauðsynlegt væri að tengjast stærra myntsamstarfi.

Jón Sigurðsson sagði íslensku krónuna valda miklum óstöðugleika í íslensku hagkerfi. Hann líkti því við stíflu í tómatsósuflöskum, þar sem annað slagið gusaðist út sósa á meðan oft gengi erfiðlega að koma sósunni úr flöskunni. Miklar sveiflur í hagkerfinu væri birtingarmynd krónunnar. Hann sagði reiðina í samfélaginu, ekki síst eftir hrunið, væri að miklu leyti vegna krónunnar. Hún skapaði hraða og öfgakennda fjármagnsfutninga á milli fólks, sem væri ekki boðlegur nútímasamfélögum, og væri eins óhentugur fyrirtækjarekstri og hægt væri að hugsa sér."

Þarf að segja meira?

Athugasemdir

[Örn Ægir Reynisson, 16.2.2012 kl. 01:48]

Jón getur sjálfur verið fíllinn í stofunni Íslendingar láta nokkra menn selja heildarhagsmuni þjóðarinnar fyrir eigin hagsmuni!! Þjóðini gekk ágætlega áður en efnahagsböðlar Evrópusambandsins fóru ránshendi um þjóðfélagið og reyndu að gera þjóðina gjaldþrota til að búa í haginn fyrir innlimun í Evrópusambandið!!!Niður með Evrópusambandið!

Undir hæl Þjóðverja Paste/

Aþena: „Nýfátækum“ fjölgar-súpueldhús hafa ekki undan-fjöldi sjálfsmorða tvöfaldast

15. febrúar 2012 klukkan 09:48

Súpueldhús í Aþenu hafa ekki undan. Heimilislausum á götum borgarinnar fjölgar stöðugt og eru nú taldir um 25 þúsund. Fólk sefur á götunni eða í tjöldum. Fjöldi sjálfsmorða hefur tvöfaldast. Nýtt hugtak er komið til sögunnar í Grikklandi. Það er „nýfátækt“. Frá þessu segir þýzka tímaritið Der Spiegel, sem hefur kynnt sér ástandið og talað við hjálparfólk, sem dag hvern dreifir út matabögglum til fólks. Í einu tilviki fannst fimm manna fjölskylda í tjaldi í hliðargötu.

[Örn Ægir Reynisson, 16.2.2012 kl. 01:50]

Villa :Átti að vera: Íslendingar láta ekki nokkra menn í viðskiptaráði selja heildarhagsmuni þjóðarinnar fyrir eigin hagsmuni!!!!

[Þorsteinn Briem, 16.2.2012 kl. 02:32]

Skoðanakannanir varðandi aðild Íslands að Evrópusambandinu eru harla lítils viirði þegar samningur um aðildina liggur ekki fyrir.

Tugþúsundir Íslendinga hafa ekki tekið afstöðu til aðildarinnar og aðrar tugþúsundir geta að sjálfsögðu skipt um skoðun í málinu.

Fólk tekur afstöðu til aðildarinnar fyrst og fremst út frá EIGIN HAGSMUNUM, til að mynda AFNÁMI VERÐTRYGGINGAR HÉR, mun LÆGRI VÖXTUM og LÆKKUÐU VERÐI á mat- og drykkjarvörum, fatnaði og raftækjum með AFNÁMI ALLRA TOLLA á vörum frá Evrópusambandsríkjunum.

Og harla ólíklegt er að meirihluti Íslendinga láti brjálæðinga taka frá sér allar þessar KJARABÆTUR.

En fyrir ÖFGAÞJÓÐERNISSINNA skipta þær að sjálfsögðu engu máli.

[Sleggjan og Hvellurinn, 17.2.2012 kl. 14:26]

Örn

Það væri ennþá meiri fátækt ef Grikkland væri ekki í ESB. Í rauninni væri þetta land löngu orðið gjaldþrota.

[Sleggjan og Hvellurinn, 17.2.2012 kl. 14:28]

En það ber að taka Jón alvarlega. HAnn er að skapa milljarða í gjaldeyristekjur fyrir Íslendinga á hverjum degi. Og Össur HF er að hugleiða að flytja úr landi. Þetta fyrirtæki er t.d kominn í kauphöllina í Köben.

Svo er fleiri mikilvæg íslensk fyrirtæki sem vilja ganga í ESB.

http://www.forsaetisraduneyti.is/media/Evropumal/Ossur.pdf

http://www.forsaetisraduneyti.is/media/Evropumal/Marel.pdf

http://www.forsaetisraduneyti.is/media/Evropumal/CCP.pdf