Valda höftin "spekileka" ?

Í frétt Eyjunnar segir: "Áhrif gjaldeyrishafta felast í hægfæra hnignun frekar en skyndilegu áfalli. Vegna þeirra gæti sú staða hæglega komið upp að annað hvort flytur framtakssamasta fólkið af landi brott, eða stjórnmálamenn fá hugmyndir um að setja höft á fleira en bara gjaldeyrinn.

Þetta segir Hjálmar Gíslason, framkvæmdastjóri Data Market, í grein sem hann skrifar í tilefni greinarflokks Árna Páls Árnasonar um gjaldeyrishöft og birtir á heimasíðu sinni.

Hjálmar segir að gjaldeyrishöftin séu mikilvægasta mál íslensks samtíma, mun mikilvægara en flestir gera sér grein fyrir. Þótt meðalfólkið geti enn keypt sér bíla, farið í frí erlendis og keypt alla innflutta vöru, þá mun það hins vegar breytast smám saman, segir Hjálmar.

Það sem er „hrollvekjandi“ að hans mati er að á meðan aðrir þrír hlutar fjórfrelsisins eru óskertir, þá er hætt við því að fleira og fleira ungt fólk átti sig á því að möguleikar þeirra eru takmarkaðri en jafnaldra þeirra í nágrannalöndunum."

Athugasemdir

[Stefán Júlíusson, 12.4.2012 kl. 20:41]

Eins og ég hef oft bent ykkur á og eitthvað sem þið ættuð að vita sem Evrópusamtökin, stuðningsmenn aðildar að ESB, að aðeins helmingur fjórfrelsisins er virkur.

Frjálst flæði fólks og fjármagns er í höftum.

[Sigurgeir Jónsson, 12.4.2012 kl. 21:21]

ESB hefur ekki komið með neina tillögu um afnám gjaldeyrishafta á Íslandi, en gefið það út að það hafni því að Ísland taki upp evru, sem stendur ekki til, og er ekki hægt að óbreyttu og þótt gengið yrði að öllum skylirðum ESB yrði það ekki hægt fyrr en í fyrsta lagi eftir 10 ár.En ESB er öllum stundum að níða niður íslenska gjaldmiðilinn og notar til þess sendiboða sína á Íslandi.Nei við kúgunartilburðum ESB.