Sparnaður vegna Evru um 5-15 milljarðar á ári

Eyjan segir frá: "Seðlabankinn áætlar að með upptöku evru sparist 5 til 15 milljarðar króna á ári í beinan viðskiptakostnað. Þá getur sjálfstæð mynt ein og sér virkað sem viðskiptahindrun. Í 6. kafla skýrslu um gjaldmiðilsmál leitast Seðlabanki Íslands við að meta mögulegan ábata af sameiginlegum gjaldmiðli. Þar kemur fram að beinn viðskiptakostnaður vegna sérstaks gjaldmiðils sé kostnaður sem fylgir því að skipta úr einum gjaldmiðli yfir í annan, það er þegar evrur eru keyptar fyrir krónur og öfugt. Þessi kostnaður lendir bæði á fjármálafyrirtækjum sem eiga viðskipti sem erlendan gjaldeyri fyrir innlendan og einnig hjá einstaklingum og fyrirtækjum sem þurfa að kaupa eða selja erlendan gjaldeyri til að greiða fyrir tiltekin viðskipti."

Athugasemdir

[Sigurgeir Jónsson, 18.9.2012 kl. 21:22]

Hver er sparnaður Grikkja vegna evru.Þeir eiga kanski tugi miljarða evra vegna sparnaðar.Ekki hefur það komið fram í fréttum.Lygaáróður ESB er engu líkur.Nei við ESB.

[Sigurður M Grétarsson, 19.9.2012 kl. 20:54]

Grikkir greiða nú mun lægri vexti ef skuldum sínum en þeir væru að gera ef þeir væru ekki í ESB og ekki með Evru. Erlendar skuldir Grikkja hafa ekki hækkað upp úr öllu valdi vegna gengisfellingar eigin gjaldmiðils vegna þess að þeir eru ekki með eigin gjaldmiðil.

Staða Grikkja væri mun verri en hún er í dag ef þeir hefðu ekki stigið það gæfuspor á sínum tíma að ganga í ESB og taka upp Evru.