Gríðarleg ásókn í IPA-styrki

Í áhugaverðri frétt á MBL.is kemur fram að gríðarleg ásókn er í svokallað IPA-styrki, sem Ísland fær aðganag að vegna aðildarumsóknar landsins að ESB:

"Mætingin á þessa fundi hefur verið langt umfram væntingar. Það voru haldnir tveir fundir í Reykjavík og síðan fundir á Akureyri, Egilsstöðum og Ísafirði sem voru allir vel sóttir. Ég gæti trúað því að þetta væru um þrjú hundruð manns.“

Þetta segir Aðalsteinn Þorsteinsson, forstjóri Byggðastofnunar, í Morgunblaðinu í dag um áhuga á umsóknum um IPA-styrki.

Um er að ræða nýja lotu slíkra styrkja upp á 8,3 milljónir evra, alls 1.350 milljónir króna á núverandi gengi, og eru að þessi sinni styrkt verkefni á sviði atvinnuþróunar, byggðamála og velferðar- og vinnumarkaðsmála. Er fénu ætlað að styrkja stjórnsýslu og styðja við tilraunaverkefni vegna undirbúnings fyrir þátttöku í uppbyggingarsjóðum ESB."

Hér á landi eru margir sem hafa barist með kjafti og klóm gegn þessu. Sömu aðilar hljóta því að vera á móti þeirri framþróun sem hægt er að stuðla að með þessu fjármagni!

Athugasemdir

[Jón Valur Jensson, 11.11.2012 kl. 20:56]

Við ESB-andstæðingar sjáum í gegnum þetta, þegar skattfé almennings í ESB-löndum er notað -- ekki af einhverri gæzku Brussel-herranna og jarnfrúnna (er ekki Damanaki ein af þeim, gagnvart Íslendingum í makrílmálinu, enda sjálf fyrrv. kommúnisti?!) -- til að mýkja upp ýmsa landsmenn hér til að standa ekki gegn yfirráðastefnu Evrópusambandsins. En svo miklu máli skiptir innlimun Íslands, með hjálp ESB-taglhnýtinga hér á landi, að þeim í Brussel þykir þetta skynsamleg fjárfesting! Eflaust vita þeir af því, að margir hér sækjast eftir slíkum fjármunum á silfurfati án þess að vilja selja sannfæringu sína um að fullvelda vegni Íslandi bezt, en það er einungis fórnarkostnaður sem þeim í Brussel þykir þess virði (enda kosta aðrir fórnina en ráðamenn í Brussel!), því að alltaf sé þó von til þess, að þessir gjafastyrkir hafi sín áhrif á suma aðra einstaklinga og fjölskyldur þeirra.

Og ef allt þetta er rétt, er það enn ein augljós sönnun fyrir því, hve mikið keppikefli þeim í Brussel og ráðandi ESB-löndunum er að fá Ísland inn í net yfirráða sinna.

[Þorsteinn Briem, 11.11.2012 kl. 22:54]

Nefndarálit meirihluta utanríkismálanefndar Alþingis um aðildarumsókn Íslands að Evrópusambandinu:

"Meiri hlutinn telur rétt að benda á að Ísland greiðir árlega háar fjárhæðir til stofnana EES-samningsins og í þróunarsjóð EFTA-ríkjanna."

"Beinn kostnaður árið 2007 var áætlaður rúmlega 1,3 milljarðar króna. Vegna gengisbreytinga telur meiri hlutinn raunhæft að tvöfalda þá upphæð og því megi segja að rúmlega 2,5 milljarða króna útgjöld falli niður á ári verði af aðild Íslands að Evrópusambandinu."

[Þorsteinn Briem, 11.11.2012 kl. 22:56]

Það eru sem sagt "LANDRÁÐ" í viðkomandi Evrópuríkjum að þiggja ÁRLEGA 2,5 milljarða króna frá íslenskum skattgreiðendum!!!

[Þorsteinn Briem, 11.11.2012 kl. 22:58]

"Á undanförnum 15 árum hafa nærri 14 þúsund Íslendingar farið utan í starfsþjálfun og nám á vegum Menntaáætlunar Evrópusambandsins.

Og mun fleiri hafa tekið þátt í margvíslegum verkefnum.

Samtals eru STYRKIR Menntaáætlunar Evrópusambandsins og forvera hennar um FIMM MILLJARÐAR KRÓNA á þessu tímabili."

Afmælishátíð Menntaáætlunar Evrópusambandsins 2010

[Þorsteinn Briem, 11.11.2012 kl. 23:00]

Það eru sem sagt "LANDRÁÐ" hjá þúsundum Íslendinga að þiggja alla þessa styrki frá Evrópusambandinu!!!

Og hverjir ætli hafi nú staðið fyrir öllum þessum "LANDRÁÐUM"?!

Ætli það hafi ekki verið Davíð Oddsson, fyrrverandi forsætisráðherra, og Björn Bjarnason, fyrrverandi dóms- og menntamálaráðherra, sem þegið hefur styrki frá íslenska ríkinu til að skrifa um Evrópusambandið!!!

[Jón Valur Jensson, 12.11.2012 kl. 03:52]

Íslendingar hafa lagt fram allt þetta EES-samings-fé, sem komið hefur að hluta til sem styrkir til baka. Þetta átt jafnvel þú að vita, Steini Briem!

Svo er ég ekkert að eltast við þínar nafngiftir um þetta fólk, sem sumt hvert er í standandi vandræðum sem forsvarsmenn sveitarfélaga, sem lent hafa í úlfakreppu vegna fjárlagastefnu ríkisstjórnar sem er það EKKI á móti skapi, að sveitarfélögin leiti á önnur mið til að bjarga sér frá skuldafangelsi.

Haltu svo áfram að cópypeista. Fimm eða fleiri quót í viðbót af raðinnleggjum sýna kunnugum, að þú hljótir að vera í vandræðum staddur.

PS: Þarna ofar átti að standa: "... án þess að vilja selja sannfæringu sína um að fullvalda vegni Íslandi bezt ..."

[Þorsteinn Briem, 12.11.2012 kl. 05:57]

27.10.2011:

"Gert er ráð fyrir því í fjárlagafrumvarpi ríkisstjórnarinnar vegna næsta árs að samtals verði tekið við 376 milljónum króna frá Evrópusambandinu vegna umsóknar Íslands um inngöngu í sambandið í svonefnda IPA-styrki í ýmis verkefni á vegum einstakra ráðuneyta."

"Gert er ráð fyrir því að verkefni á vegum mennta- og menningarmálaráðuneytisins, sem stýrt er af Katrínu Jakobsdóttur, fái á næsta ári 124 milljónir króna frá Evrópusambandinu í gegnum IPA-styrkjakerfið og samtals 309 milljónir króna til ársins 2015.

Samtals er reiknað með að 468 milljónir króna renni úr IPA-sjóðum Evrópusambandsins til Náttúrufræðistofnunar Íslands, sem heyrir undir Svandísi Svavarsdóttur umhverfisráðherra, fram til ársins 2015 og þar af 125 milljónir á næsta ári.

Af fjármunum frá Evrópusambandinu rennur stærstur hlutinn í krónum talið til verkefna sem heyra undir ráðuneyti sem stýrt er af ráðherrum í Vinstrihreyfingunni – grænu framboði, mennta- og menningarmálaráðuneytisins og umhverfisráðuneytisins, eða um 2/3 sé miðað við þá styrki sem gert er ráð fyrir á næsta ári en 77,5% sé miðað við heildarupphæðina til ársins 2015."

Meirihluti styrkja frá Evrópusambandinu vegna VG

[Þorsteinn Briem, 12.11.2012 kl. 06:31]

Ísland greiðir árlega rúmlega 2,5 milljarða króna til stofnana EES-samningsins og í þróunarsjóð EFTA-ríkjanna, samtals tæplega fimmtíu milljarða króna á núvirði frá því Ísland fékk formlega aðild að Evrópska efnahagssvæðinu 1. janúar 1994.

Og við Íslendingar höfum engan veginn fengið alla þessa fjárhæð til baka sem styrki frá Evrópusambandinu.

[Jón Valur Jensson, 13.11.2012 kl. 00:37]

Hvað er að því, að Björn Bjarnason, fyrrverandi dóms- og menntamálaráðherra, hafi tekið við styrkjum frá íslenzka ríkinu sem nýtast m.a. til að koma á framfæri skrifum hans o.fl. um Evrópusambandið? Það er ekki það sama og að hann hafi fengið laun til þess í eigin vasa, enda leyfist það ekki samkvæmt skilmálum styrkjanna. Og það er einkennilegt að sjá þessa ásökun á vef Evrópusamtakanna, sem sjálf taka við drjúgum ríkisstyrk -- já, frá ísl. ríkinu! -- í gegnum þátttöku sína í "Já Ísland!" sem ná yfir allmörg innlimunarsinnuð samtök, en "Já Ísland!" fekk mjög stóran styrk.

[Jón Valur Jensson, 13.11.2012 kl. 00:52]

Þið getið ekki etið kökuna og átt hana á sama tíma!

Annars vegar ber hér í byrjun mikið á monti ykkar yfir því, að ESB hafi stutt okkur svo rausnarlega!. Síðan kemur loks í ljós, að Ísland hafi samtals greitt tæplega fimmtíu milljarða króna á núvirði til stofnana EES-samningsins og í þróunarsjóð EFTA-ríkjanna, frá því að Ísland fékk formlega aðild að Evrópska efnahagssvæðinu 1. janúar 1994, eins og þú sjálfur vitnar um, Steini Briem!

Í huga Steina þjóna þessar upplýsingar þeim tilgangi hans að mæla gegn EES-samningnum og með ESB-innlimun, af því að hún eigi að vera hagstæðari! Nettóframlagið til ESB á tæpum 19 árum yrði reyndar margföld þessi upphæð!

Sjálfur mæli ég eindregið gegn EES-samningnum; við höfum ekki í heildina haft eina einustu nettókrónu út úr honum!

[Þorsteinn Briem, 13.11.2012 kl. 01:47]

Jón Valur Jensson,

Það væri nú harla einkennilegt ef við Íslendingar værum á móti því að fá styrki frá Evrópusambandinu þegar við höfum greitt samtals tæplega fimmtíu milljarða króna á núvirði til stofnana EES-samningsins og í þróunarsjóð EFTA-ríkjanna.

Við Íslendingar höfum GRÆTT mun hærri fjárhæð en þessa fimmtíu milljarða króna á því að eiga aðild að Evrópska efnahagssvæðinu, til að mynda með lægri tollum á svæðinu en ella.

Norðmenn hafa einnig HAGNAST VERULEGA á aðild sinni að Evrópska efnahagssvæðinu og þeir hafa greitt MUN HÆRRI fjárhæð til stofnana EES-samningsins og í þróunarsjóð EFTA-ríkjanna en við Íslendingar.

Ég skrifa ekki þessa pistla Evrópusamtakanna og hef aldrei verið í samtökunum.

Og þarf heldur ekki að svara þér eða öðrum sem skrifa hér athugasemdir.

Þar að auki hef ég langoftast ekki nennt að lesa ruglið í þér.

Ég lít á þig sem snarruglaðan fáráðling en ekki vegna afstöðu þinnar til Evrópusambandsins.

[Þorsteinn Briem, 13.11.2012 kl. 01:55]

"Fjórfrelsið gildir á öllu Evrópska efnahagssvæðinu en það felur í sér frjáls vöru- og þjónustuviðskipti, frjálsa fjármagnsflutninga og sameiginlegan vinnumarkað.

Að auki kveður samningurinn um Evrópska efnahagssvæðið á um samvinnu ríkjanna á svæðinu í til dæmis félagsmálum, jafnréttismálum, neytendamálum, umhverfismálum, menntamálum og vísinda- og tæknimálum."

[Þorsteinn Briem, 13.11.2012 kl. 02:27]

"STÓRRÍKIÐ":

"Í reglum Evrópusambandsins er tiltekið að velta sambandsins megi ekki vera meiri en 1,27% af þjóðarframleiðslu aðildarríkjanna en hún er nú rúmlega 1%.

Evrópusambandið fer með samanlagt 2,5% af opinberu fé aðildarríkjanna og ríkin sjálf þar af leiðandi 97,5%."

[Þorsteinn Briem, 13.11.2012 kl. 02:31]

"Vergar þjóðartekjur (GNI) á Íslandi árið 2005 voru 977 milljarðar króna og því má áætla að ef Ísland gengi í ESB gætu heildargreiðslur ríkissjóðs til ESB orðið um 10,5 milljarðar króna á ári (þ.e. 1,07% af 977 milljörðum króna) en að hámarki um 12,1 milljarðar króna á ári."

"En hafa verður í huga að stór hluti þess fjármagns sem greitt er til ESB mun skila sér til baka til þjóðarbúsins í styrkjum til landbúnaðar, uppbyggingarverkefna og rannsóknar- og þróunarverkefna.

Í því sambandi má nefna að 86% af tekjum ESB árið 2002 skiluðu sér aftur til aðildarríkjanna í styrkjum og þar af fóru 46% til landbúnaðar, 34% til uppbyggingarverkefna og 6% til rannsóknar- og þróunarverkefna og annarra innri málefna."

[Af 12,1 milljarði króna eru 86% um 10,4 milljarðar króna og mismunurinn er 1,7 milljarðar króna.]

Nýju aðildarríkin, auk Portúgals, Grikklands, Írlands og Spánar, fá hins vegar meiri greiðslur frá ESB en þau greiða til sambandsins."

Beinn kostnaður Íslands vegna samningsins um Evrópska efnahagssvæðið (EES) var um 1,4 milljarðar króna árið 2007 og 1,7 milljarðar króna að frádregnum 1,4 milljörðum króna eru allt að 300 milljóna króna kostnaður íslenska ríkisins á ári vegna aðildar Íslands að Evrópusambandinu.

Sjá hér töflu 2.4 á bls. 51 um árlegan kostnað íslenska ríkisins vegna EES-samningsins:

Ísland og Evrópusambandið - Evrópunefnd