Bresk yfirvöld íhuga herferð gegn Bretlandi

Samkvæmt frétt í The Guardian eru bresk yfirvöld að velta því fyrir sér að hefja herferð, gegn, já Bretlandi, í Rúmeníu og Búlgaríu. Þetta vegna hræðslu að bylgja fólks frá þessum löndum flæði yfir Bretland þegar takmörkunum þess efnis verður aflétt um næstu áramót.

Ætlunin er því að draga upp óaðlaðandi mynd af Bretlandi í þessum löndum, að þar rigni t.d. mjög mikið, störf séu fá og illa borguð, svo eitthvað sé nefnt. Boðskapurinn eigi að vera: Ekki koma hingað!

Alls ekki er þó vitað hvað geríst í þessum efnum og um allar tölur í þessu sambandi er deilt.

Ef til vill má skoða ræðu Davids Camerons um Evrópumálin um daginn í þessu ljósi.

En hafa ekki "allra þjóða kvikyndi" alltaf búið í Bretlandi og Bretar sjálfir verið úti um allt?

Ætla þeir kannski að loka landinu?

Athugasemdir

[Örn Johnson, 29.1.2013 kl. 23:13]

Ágætu samtök.

Nýlega birtist hér á síðu ykkar færsla um hvaða áfanga Möltubúar hefðu náð í samningum sínum við ESB um varanlegar undanþágur frá þeirra reglum varðandi sjávarútvegsstefnu ESB. Svona skrif gefa lesendum vonir um að við Íslendingar geti fengið varanlegar undanþágur og hafa þessar línur ykkar náð eyrum forsetisráðherra okkar. Því er ekki úr vegi að þið birtið hér á þessari síðu nánari upplýsingar um sjávarútveg á Möltu, enda fenguð þið ráðherra þessara mála á Möltu og stjórnarmann í ESB hingað á fund til að lýsa aðferðum þeirra til að ná þessari undanþágu fram á fundi í HR fyrir rúmu ári. Segið t.d. frá hvernig floti Maltverja er, hvað eru margir í áhöfn á hverjum báti, meðalveiði í hverri ferð og heildarafli yfir árið og árslaunum hvers skipverja og berið þessar tölur beint saman við tölur fyrir okkar land. Eftir þennan samanburð bendið á rök okkar gagnvart ESB fyrir því að halda um aldur og ævi okkar þjóðareign í okkar eigu. Skoðið t.d. á netinu "fisheries in Malta"

Svar óskast sem fyrst.