Þórður Snær í FRBL: Tvær þjóðir

Þórður Snær Júlíusson, blaðamaður á Fréttablaðinu, skrifaði afar áhugaverðan leiðara um efnahagsmálin þann 16.2 og veltir þar því upp að krónan og því sem henni fylgir sé smám saman að mynda tvær þjóðir í landinu. Við birtum hér niðurlag leiðarans:

"Það er því hægt að segja að til séu tvær þjóðir á Íslandi. Sú fyrri býr hérlendis, þiggur laun í íslenskum krónum og lýtur gervigengi gjaldmiðilsins sem höftin búa til. Sú síðari þénar í gjaldeyri eða á erlendar eignir. Hún getur keypt í íslenskum fyrirtækjum, fasteignir eða bara fjárfest á 20 prósent lægra verði en fyrri hópurinn. Nú þegar liggur fyrir að gjaldeyrishöft verða ótímabundin mun eignamyndunarbilið á milli þessara tveggja hópa breikka. Hratt."

Er það virkilega svo að staða galdmiðilsmála ýtir hér undir stéttaskiptingu og óeðlilega hópamyndun í samfélaginu, sem grundvallast á aðgengi að erlendum gjaldmiðli?

Athugasemdir

[Lúðvík Júlíusson, 17.2.2013 kl. 16:59]

Árni Páll Árnason lagði þessa leið til ásamt Seðlabankastjóra vorið 2011.  Áður voru ekki til tvær þjóðir í þessum skilningi að önnur væri að fá 20-40% afslátt af fjárfestingum sínum hér á landi.

Ég benti forsætisráðherra og Árna Páli á afleiðingar þess sem lagt var til og síðar þingmönnum.  Þau vildu hins vegar, og vilja líklega enn, fara þessa leið tveggja þjóða.

Þegar Árni Páll lagði til að þessi leið yrði farin þá var alveg ljóst hvaða afleiðingar hún myndi hafa.

"Samtök iðnaðarins og aflandskrónur"

Um aflandskrónur í mars 2010

Það er því ekki gjaldmiðillinn sem ýtir undir stéttaskiptingu heldur stjórnvöld eins og vanalega og til þess nota þau gjaldmiðilinn.  Hér verður að hafa hlutina í samhengi og þekkja orsök og afleiðingu.