Slæmur dagur fyrir krónuaðdáendur

Karl Th. Birgisson, Eyjubloggari, skrifaði þann 19.2 pistil um gjaldmiðilsmálin, sem eru mörgum hugleikin þessa dagana og verða sennilega eitt af kosningamálunum í vor:

"Þetta var ekki góður dagur fyrir íslenzku krónuna og aðdáendur hennar.

Seðlabankastjóri staðfesti enn einu sinni að „sjálfstæð“ króna verður aldrei gjaldgeng mynt í frjálsum alþjóðlegum viðskiptum. Með öðrum orðum: Krónan verður alltaf í höftum. Það verða ekki frjálsir fjármagnsflutningar til og frá landinu á meðan hún er við lýði.

Skoðanir Seðlabankastjóra þurfa svosem ekki að koma á óvart – hann er þekktur róttæklingur og kommúnisti.

En það kom líka hljóð úr annarri átt. Í grein í Fréttablaðinu nánast grátbað Ragnar H. Hall hæstaréttarlögmaður Sjálfstæðisflokkinn að láta af krónublæti sínu:

„[Flokkurinn ætlar] eftir kosningar í vor gera það sem í hans valdi stendur til að berja niður alla viðleitni til að koma annarri skipan á þau mál. Jafnframt beri að stöðva viðræður við Evrópusambandið þannig að örugglega verði ekki í ljós leitt hvað gæti komið út úr slíkum viðræðum.“

Þessi Ragnar Hall hlýtur að vera þjóðhættulegur landsölumaður.

Svar Bjarna Benediktssonar og Sigmundar Davíðs við þessum og öðrum rökum er alltaf það sama: „Við sitjum uppi með krónuna um ókomin ár. Það var niðurstaða þverpólitískrar nefndar sem skilaði skýrslu nýlega.“"

Þetta er rétt svo langt sem það nær – en það nær ósköp skammt. Það er til önnur leið.

Athugasemdir

[Sigurgeir Jónsson, 20.2.2013 kl. 22:06]

Seðlabankastjóri sagði á Sprengisandi að það lægi fyrir að Ísland yrði með krónu á næstu árum ,þótt gengið yrði strax í ESB.Ragnar Hall á að einbeita sér að því að verja fjárglæframenn sem voru í útrás, og vilja ganga í ESB.Þar stendur hann sig eins og komið hefur fram.Nei við ESB.