Fínasta aðlögun!

Orðið AÐLÖGUN er notað af andstæðingum ESB-málsins og þá gjarnan þannig að það sé eitthvað hræðilegt fyrir Ísland og Íslendinga að aðlagast regluverki ESB (sem við erum í raun búin að aðlagast í nokkra áratugi).

Einn þeirra sem talar á þessum nótum er Styrmir Gunnarsson, fyrrum ritstjóri Morgunblaðsins einn af áhrifamestu aðilum innan Sjálfstæðisflokksins - og einn helsti andstæðingur ESB hér á landi.

Hann ritar hinsvegar pistil á vefsvæði sitt um aðlögun og þar er sú aðlögun sem hann ræðir hið besta mál.

Það er nefnilega ekki sama, AÐLÖGUN eða AÐLÖGUN! 

Stefán Ólafsson, háskólaprofessor gerir þetta að umtalsefni á bloggi sínu og segir þar um þetta:

"Þetta er mjög óvenjulegt og opinskátt. Ég minnist þess ekki að menn hafi talað svona áður á Íslandi. Sjálfstæði og fagmennska í stjórnsýslunni og hjá RÚV eru einskis metin í Valhöll.

Sjálfstæðismenn ætla greinilega að setja eigin pólitíska kommissara inn á RÚV, til að stýra fréttaumfjöllun í eigin þágu.

Það á sem sagt að beinstýra þessu öllu úr Valhöll, ef Sjálfstæðisflokkurinn kemst til valda.

Þöggun og pólitísk handstýring er aftur komin á dagskrá. Bláa höndin virðist ætla að vera athafnasöm – ef færi gefst!"

Athugasemdir

[Helga Kristjánsdóttir, 1.3.2013 kl. 02:44]

Er þetta ekki það sem Samfyking/Vg eru að gera og hafa allt kjörtímabilið haft fréttastofu Ruv. í vasanum,þótt aðeins hafi dregið úr því núna. Það gat nú verið að einn prófessorinn teldi eitthvað frá Sjálfstæðisflokknum óvenjulega opinskátt. Það óvenjulega er að ríkisstjórn Samfylkingarinnar,hóf feril sinn í forsæti á Alþingi með svikum í öllum málum,hefur það nokkurn tíma gerst fyrr,? Reynið þið að finna ehv. því líkt. Það er bara gott og tilbreyting að menn tala hreinskilnislega og opinskátt,nóg hefur pukrið (sambr. alla Icesave samningana,sem poppuðu upp óforvarendis.) og undirferlið hjá Jóhönnustjórn verið. Ætlast þessi stjórn til að við í andstöðu siglum þögul og blind að feigðarósi? Á svona stundum koma áhrifavaldar og leggja sín lóð á vogaskálarnar,má þar nefna Styrmi fv.ritstjóra. Hann er nú ekki aldeilis hlutlaus hann Þorvaldur Gylfason. Hvað skyldi hann vera að gera annað en að búa í haginn fyrir Kratana,með drög að stjórnarskrá. Þá voru nægir peningar til að flakka með uppkastið út á landsbyggðina og sannfæra fólk um ágætið. Ég dreg nú mínar ályktanir,eftir að hlusta á fólk á útv. Sögu,sem hélt manni lifandi meðan á Icesave-átökunum stóð. Ég ætla ekki að bera neitt á Þorvald,heldur benda á það sem ég hef tekið eftir,að þeir sem snúist hafa með drögunum að stjórnarskránni,er fólk sem líklegt er að hafi fengið þá brýningu að nú skuli,með þessum gjörningi leggja Sjálfstæðisflokkinn,þar sem fólkið hatar hann.það vegur þyngra en vörn gegn fullveldinu.