Meirihluti landsmanna hlynntur aðild að ESB

Fréttablaðið birtir nýja skoðanakönnun í dag um fylgi þjóðarinnar við aðild að ESB. Þar kemur fram að rúm 55% þjóðarinnar segjast nú vilja að Ísland sæki um aðild að Evrópusambandinu og hefur stuðningur við umsókn aukist um 19% frá því í janúar 2007 þegar 36% voru hlynnt því að Ísland sækti um aðild. Ekki hefur áður mælst svo mikill stuðningur við að sækja um aðild í skoðanakönnunum Fréttablaðsins áður.

Þessi stuðningur er í fullu samræmi við Capacent-Gallup kannanir undanfarinna ára sem Samtök iðnaðarins hafa staðið fyrir undanfarin ár og hafa sýnt mikinn stuðning þjóðarinnar við aðild að ESB. Næsta könnun Capacent Gallup er væntanleg í tengslum við Iðnþing 2008 sem verður haldið 6. mars næstkomandi. Það verður áhugavert að sjá niðurstöður þeirrar könnunar.

Hægt er að lesa um skoðanankönnunnina í Fréttablaðinu á þessari slóð; http://www.visir.is/article/20080226/FRETTIR01/102260163

Stuðningur við ESB rúm 55%

Athugasemdir

[Jónas Tryggvi Jóhannsson, 26.2.2008 kl. 17:00]

Þá hlýtur þú að vera sammála því að boða til þjóðaratkvæðargreiðslu um málið og sjá hvernig þetta fer er það ekki?

[Fannar frá Rifi, 27.2.2008 kl. 09:41]

Hvernig væri að ESB sinnarnir í Samfylkingunni myndu þora að fara með málið inn í kosningar svona til að byrja með áður en það er farið að krefjast þjóðaratkvæðagreiðslu. Ekki fóru Evrópumálin sett á oddinn fyrir síðustu kosningar. hvað er málið?

já og plús það þá eru fréttablaðskannanir þar sem hringt er í 700 til 800 manns valdir úr símaskránni ekki nákvæmar upplýsingar. já það er valið úr símaskránni blaðsíður og röð hverja hringt er í. skekkjumörkin þessara kannanna geta verið allt að 10 sinnum meiri heldur en þeim sem gallup gerir.  

[Jónas Tryggvi Jóhannsson, 3.3.2008 kl. 08:11]

Samfylkingin er með á stefnuskránni að sækja um aðild að ESB, og var með á í síðustu kostningum, þannig að ég veit ekki hvað þú ert að fara Fannar. Reyndar er Samfylkingin eini flokkurinn sem hefur þorað að ræða opinskátt um Evrópusambandið og taka einharða afstöðu um hvort eigi að ganga inn eða ekki, á meðan t.d. Sjálfstæðisflokkurinn sem þú ert í hefur alltaf slegið því á frest með því að segja að þetta sé ekki rétt tímasetning (rétt eins og Bjarni Ben gerði núna síðast).

.

7-800 manns úrtak gefur nú bara mjög góða mynd af Íslandi - ég held að það sé mjög óráðlegt hjá þeim sem líkar ekki við niðurstöðuna að fara rífast um þá tölfræði.