Yfirlýsing um að stefnt sé að ESB eykur stöðugleika til skamms tíma

Eyjan.is er með góða úttekt á orðum Árna Páls í Silfri Egils í gær, þar sem hann sagði að til skamms tíma mundi það stuðla að efnahagslegum stöðugleika og auðvelda mönnum að ná tökum á efnahagsástandinu ef íslensk stjórnvöld gefi yfirlýsingu um að þau stefni að aðild að Evrópusambandinu. Í fréttinni segir einnig

Yfirlýsing af þessu tagi hafi haft þau áhrif fyrir ýmis Austur-Evrópuríki að auðvelda þeim við að ná efnahagslegum stöðugleika. Íslendingar eigi við grundvallarvanda að ræða og flest bendi til að alþjóðlegir markaðir hafi vantrú á uppbyggingu íslensks efnahagslífs.

Hagfræðingarnir Ársæll Valfells og Ólafur Ísleifsson tóku undir það síðar í þættinum og kom fram í samtali þeirra við Egil Helgason að frá því að Eystrasaltsríkin lýstu því yfir að þau stefndu að aðild að ESB hefði þróun gjaldmiðils þeirra gagnvart evru verið mjög stöðug.