Verður Heimssýn að stjórnmálahreyfingu?

Eftirfarandi birtist á www.bylgjan.is í gær:

"Verkefnið er núna að fella ríkisstjórnina..", var á meðal þess sem Páll Vilhjálmsson blaðamaður og stjórnarmaður í Heimsýn sagði í viðtali við Reykjavík Síðdegis á Bylgjunni síðdegis í dag.  Páll segir að samtökin séu verulega ósátt. Andrés Pétursson (formaður Evrópusamtakann, innsk. bloggari) var  á hinni línunni og þeir félagar tókust á um þetta umdeilda mál (ESB-málið, innsk.) og skutu föstum skotum hver á annan um fjármögnun samtakanna Heimsýn og Evrópusamtökin.  Upptökur af viðtalinu má finna hér. 

Í framhaldi af þessu má velta fyrir sér hvort Heimssýnarmenn séu búnir að ákveða að breyta þessari Nei-hreyfingu Íslands í stjórnmálaafl? Á vef þeirra sjálfra stendur: Heimssýn, hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

Áhugavert verður að fylgjast með framhaldinu...

Athugasemdir

[Kjartan Jónsson, 18.7.2009 kl. 17:28]

Er ekki undarlegt að hópur einangrunarsinna skuli kalla sig "Heimssýn"?

Ég sé ekki mikla Heimssýn í því að loka sig af fyrir umheiminum.

[Hjörtur J. Guðmundsson, 18.7.2009 kl. 18:40]

Heimssýn er stjórnmálahreyfing en ekki stjórnmálaflokkur og verður ekki slíkur.

En talandi um fjármögnun þá má væntanlega búast við að Evrópusambandið muni núna stórauka framlög sín til Evrópusambandssinna á Íslandi.