Ráða bændur úrslitum á Írlandi?

Á vef BBC má finna frétt um aðkomu írskra bænda að atkvæðagreiðslunni um Lissabon-sáttmálann á Írlandi. Það er almennt talið að írskir bændur hafi hagnast vel að ESB-aðild landsins.

Írar, sem eru fjórar milljónir, framleiða landbúnaðarvörur sem nægir um sexfalt stærri þjóð og því eru markaðir ESB mjög mikilvægir. Leiðtogi írskra bænda telur mikilvægt að Írar haldi áfram að skapa sambönd í Evrópu og hafa áhrif á ákvarðanatöku.

En það eru ekki allir sannfærðir, formaður "Nei-bænda" telur m.a.að þetta muni koma niður á tekjum bænda. Spennan eykst.

Samkvæmt annarri frétt er búist við því að hagvöxtur fari aftur að glæðast á Írlandi á næsta ári og m.a. búist við að vöxtur verði í landbúnaðargeiranum, sem og iðnaði og þjónustugreinum.

Athugasemdir

[Gunnar Rögnvaldsson, 30.9.2009 kl. 01:58]

Það er almennt talið að írskir bændur hafi hagnast vel að ESB-aðild landsins

Almennt talið?

Hvað þýðir það? 

Nágrannar Íra eru Bretar. Það hafa alltaf verið blómleg viðskipti við Breta enda er Bretland það land sem hefur stundað frjálsa verslun lengt af öllum. Það þurfti ekkert ESB til þess. Írar og Bretar gátu alveg fundið út þessu sjálfir.

En nú geta Írar ekki sjálfir gert neina gagnkvæma viðskiptasamninga við nein lönd utan ESB um landbúnaðarvörur. Það bannar ESB. Það þarf allt að fara í gegnum Brussel. Á meðan hleypur Suður Ameríka með viðskiptasamningana við t.d. Asíu. Danir eru hoppandi. 

En já. Mjólkurverð er fallandi í ESB og bændur flykkjast út á göturnar og biðja um meiri stuðning. ESB fer í panik eins og verjulega og nýtt smjörfjall verður sennilega byggt, eina ferðina enn.

Kveðjur