Raunsær lögmaður Færeyinga vill nálgast ESB/EFTA

Lögmaður Færeyinga, Kaj Leo Johannesen, var í opinberri heimsókn hér í vikunni. Hann hefur áhuga á að Færeyingar nálgist ESB og EFTA. Hann segir það vera pólitíska nauðsyn fyrir Færeyinga að taka þessi mál til skoðunar og. Verður að segjast eins og er að á þessari stuttu frétt á RÚV má skynja að hér sé raunsæismaður á ferðinni, sem leggur kalt hagsmunamat á hlutina.

Fréttin í heild sinni er hér og sennilega er hún klippt út úr komandi þætti VIÐTALSINS hjá Boga Ágústssyni.

Athugasemdir

[Sigurður Þórðarson, 15.10.2009 kl. 12:21]

Hann er það raunsær að honum myndi aldrei detta í hug að gefa Evrópusambandinu fiskimið Færeyja. Þið íslensku Evrópusinnar ættuð að taka hann ykkur til fyrirmyndar.

[Andrés.si, 15.10.2009 kl. 16:58]

addInitCallback(commentWatch.init);

Ég kem af og til á þetta blog og það eina sem ég spyr er:

Hverjir borguðu ykkur að vera hér sem upplysinga streymi fyrir hönd EB?

[Þráinn Jökull Elísson, 15.10.2009 kl. 21:09]

Eftir ellefu ára búsetu tel ég að Færeyingar viti hvað þeir eru að tala um. Ólíkt alltof mörgum Íslendingum. Kveðja.

[Þráinn Jökull Elísson, 15.10.2009 kl. 21:11]

Úps, þetta átti að sjálfsögðu að vera: Eftir ellefu ára búsetu í Færeyjum...Ég hiksta stöku sinnum á tungumálunum.

[Evrópusamtökin, www.evropa.is, 15.10.2009 kl. 22:52]

Þráinn: Hvernig lítur þetta út frá þínum bæjardyrum? Alltaf gaman að heyra í mönnum sem búa á staðnum. Hvað eru Færeyingar að pæla í þessum efnum?