Gömlu brýnin skeggræddu

Það var stund gömlu brýnanna í Sprengisandi Sigurjóns M. Egilssonar á Bylgjunni (mynd). Þar mættust Jón Baldvin Hannibalsson, Styrmir Gunnarsson, Ragnar Arnalds og Halldór Blöndal. Þeir skeggræddu margt og mikið, efnahagsmál, stjórnmál og ekki síst Evrópumál. Athyglisvert var að heyra Styrmi Gunnarsson viðurkenna að hér hafi stórkostleg mistök verið gerð í hagstjórn.

Ragnar Arnalds, fyrrum formaður Heimssýnar skellti alfarið skuldinni á reglur ESB um fjármálastarfsemi og sagði þetta vera helstu orsök hrunsins. Halldór Blöndal tók undir með Ragnari og Styrmi í andstöðu þeirra við ESB. Það var því á brattann að sækja fyrir Jón Baldvin í málflutningi sínum. Hann sagði m.a. að heildarstaða sjávarútvegsins væri nú verri en fyrir hrun, vegna stórkostlegs gengisfalls krónunnar.

Það sjónarmið kom fram hjá báðum aðilum að eitthvað þyrfti að gera í gjaldmiðilsmálum landsins, þar sem krónan væri ekki framtíðargjaldmiðill Íslendinga.

Þáttinn má heyra á www.visir.is eða www.bylgjan.is.

Athugasemdir

[Hjörtur J. Guðmundsson, 22.11.2009 kl. 13:38]

Ef evran hefði verið gjaldmiðill Íslands væru sennilega flest útflutningsfyrirtæki, og þ.m.t. útgerðarfyrirtæki, gjaldþrota vegna hás gengis evrunnar. Einfaldlega vegna þess að erfiðlega gengi þá að selja vörur til annarra landa. Útflutningur ríkja sem nota evruna eins og Finnlands og Írlands hefur verið stórkostlegan skaða af háu gengi hennar sem endurspeglar á engan hátt stöðuna í hagkerfum landanna. Útflutningsfyrirtæki hafa flutt rekstur sinn í hrönnum frá þessum ríkjum og þangað sem annar gjaldmiðill en evran er notuð. Þannig hafa mörg slík fyrirtæki flutt sig frá Finnlandi og yfir til Svíþjóðar en Svíar nota enn sænsku krónuna. Spurningin er hvort betra er að lánin hækki á sama tíma og tekjurnar aukast líka verulega eða að sala dragist verulega saman og fyrirtækin geti ekki borgað af lánunum þó lægri séu? Nei, það er engin spurning. Það síðarnefnda er miklu verra.

[Gunnlaugur I., 22.11.2009 kl. 17:45]

Rök ESB aðildarsinna halda engu vatni og stangast hvert á annars horn. Rök okkar þjóðfrelsismanna gegn ESB aðild og fyrir fullu sjálfstæði og fullveldi þjóðarinnar og það að rök okkar virðast hafa náð eyrum u.þ.b. 2/3 hluta landsmanna fer afskaplega mikið í taugarnar á þeim. Þeirra stóri ESB rétttrúnaður virðist ekki ætla að eiga uppá pallborðið hjá þjóðinni þetta virðist hafa hrakið stóran hóp ESB sinna í skografir upphrópana og uppnefninga eins og að kalla okkur sem viljum ekki ganga þessu Bandalagi tafarlaust á hönd "NEI SINNA"

Lélegur málflutningur og dæmir sig sjálfur. Hvar eru rök ykkar og svarið þið rökum okkar með málefnalegum hætti ekki útúrsnúningum. Ég auglýsi eftir því. Ykkur vantar sárlega sterkari rök og klárari áróðursmeistara. Meira að segja þó JBH sé klár þá á hann enginn svör við sterkum rökum okkar þjóðfrelsismanna.

Þar höfum við andstæðingar aðildar algerlega vinninginn, hvar eru ykkar menn sem hljóta að vera mikið hér á þessari áróðurssíðu ykkar. Það heyist varla í þeim, en við þjóðfrelsismenn höfum hér tögl og haldir í umræðunni og hrekjum rök ykkar og áróður hér enn og aftur útí hafshauga.

[Hjörtur J. Guðmundsson, 22.11.2009 kl. 20:14]

Jón Baldvin lýsti því meira segja yfir fyrir skömmu að hann teldi að inngöngu í Evrópusambandið yrði hafnað í þjóðaratkvæði. Sennilega rétt hjá honum þó því verði auðvitað ekki tekið sem gefnu.

[Hákon Ísfeld Jónsson, 22.11.2009 kl. 23:19]

Þetta stenst náttúrulega ekki. Samkvæmt þessu ættu t.d. flest svissnesk útflutningsfyrirtæki að vera gjaldþrota í dag. Svissneski frankinn er jú svo sterkur.

[Gunnlaugur I., 23.11.2009 kl. 10:57]

Til að svara Hákoni Ísfelld, þá er það rétt að Svissnenski frankinn er sterkur og það þrátt fyrir að Sviss inni í miðri Evrópu er ekki í ESB.

Sjálfsagt einangrað land eins og þið ESB sinnar viljið halda fram um Ísland.

En hátt gengi lítils og sjálfstæðs gjaldmiðils getur alveg staðist ef innistæða er fyrir því og efnahagur og atvinnuhættir eru þeir sömu og eða mjög svipaðir á öllu myntsvæðinu, eins og er í Sviss.

Þetta stenst hinns vegar ekki með Evruna þar sem hún nær yfir fleiri lönd með að sumu leyti ólíka og mismunandi atvinnuhætti og mismunandi útflutningsverslun.

Þetta á sérstaklega við um Íra og Finna og reyndar mörg önnur ESB lönd líka eins og Spán og mörg af nýju austantjalds landvinningum ESB Stórríkisins.

Þar bara passar ekki að hafa svona miðstýrðan gjaldmiðil sem haldið er uppi með handafli Þýskra og Franskra peningastjórnunar cómmizara innan ESB apparatsins.

Frosin Evran hefði komið enn verr fyrir íslenskan efnahag í kjölfar hrunsins og sett íslenskan útflutningsiðnað í frost og a.m.k. þrefaldað atvinnuleysið miðað við hvað það er núna.

[Evrópusamtökin, www.evropa.is, 23.11.2009 kl. 13:32]

...en það er náttúrlega æðislegt að vera með gjaldmiðil sem er hruninn í verðgildi, enginn reiknar með (og í) á erlendri, grundu, sem er braskað með og er verkfæri spákaupmanna. Gjaldmiðill sem er gjaldfelldur bara svona þegar það þarf. Gjaldmiðil sem þarf að eyða hrikalegum fúlgum í til þess eins að halda honum lifandi, á floti, eða hvaða orð nú eru notuð. Þetta er alveg súper!

[Gunnlaugur I., 23.11.2009 kl. 14:42]

Það þarf engan að undra að íslenska krónan sé lágt skráð nú um þessar mundir en hún er nú samt að vinna sitt verk. Eftir allt það sem á undan er gengið að nánast allt bankakerfi þjóðarinnar hrundi á einni nóttu. Að stórum hluta var þessi ofvöxtur bankakefisins mögulegur áhættusæknin gerð leyfileg vegna þess að eftirlitsverkið var meingallað og hriplekt allt gert í anda og þágu þessa margrómaða fjórfrelsisins í EES samningnum og var svo í ofanálag með meingallað og handónýtt regluverk sem kom beint frá ESB apparatinu og við tókum hér upp eins og heilagur páfagaukur hefði oss verið sendur.

Síðan beitir þetta ESB Bandalag og apparöt þess sér með fjárkúgunum og algerlega ólögmætum hætti gagnvart Íslandi og meinar okkur meira að segja að leita réttar okkar fyrir dómstólum.

Svo viljiði að við göngum þessu Stórríki kúgunar og óréttlætis á hönd.

ÉG SEGI NEI TAKK OG ÞAÐ MUN STÆRSTUR HLUTI ÞJÓÐARINNAR LÍKA GERA.

MENN ERU BÚNIR AÐ SJÁ REFASKOTTIN UNDAN SAUÐAGÆRUNNI Á ÞESSUM ANNARS KLÆÐALAUSA KÚGUNARRISA !

ÁFRAM ÍSLAND - EKKERT ESB !

[Hjörtur J. Guðmundsson, 23.11.2009 kl. 21:18]

Naflausi ESB-bloggari, það er betra en að vera með gjaldmiðil sem hentar engan veginn viðkomandi hagkerfi, tekur ekkert tillit til þess og því líklegri til þess að valda skaða frekar en að gera gagn. Svo ekki sé minnzt á sem stendur á algerum brauðfótum vegna þess að efnahagslegt bakland hans á enga samleið.