Mörður "stútar" málflutningi Bjarna Ben!

Um síðustu helgi birtist viðtal við Bjarna Benediktsson, Sjálfstæðisformann, í Fréttablaðinu undir fyrirsögninni ,,ESB-ríkin vilja stúta EES" Þar lýsir BB yfir þeirri furðu sinni að Ísland fái ekki að taka upp Evruna í skjóli EES-samningsins. Mörður Árnason gerir þetta (viðtal) að umfjöllunarefni í pistli á www.herdubreid.is og segir m.a.: ,,Bjarni Benediktsson hefur nú komist að því að hið mikla ESB-veldi hafi vígbúist og gert árás … á EES.

Þetta segir hann okkur í Fréttablaði dagsins, og árásin felst í því að Evrópusambandið skuli ekki fyrir lifandis löngu hafa boðið EES-ríkjunum að ganga í myntbandalagið og taka upp evru. Það sé nánast rof á EES-samningunum.

Evran var frá upphafi bundin við ríki Evrópusambandsins og byggist á sameiginlegum ákvörðunum þeirra um efnahagsmál, þar á meðal stöðu ríkissjóðs hvers og eins ríkis í myndbandalaginu (sem þeim gengur sjálfum nógu illa að stilla af!). Þessar sameiginlegu ákvarðanir og hið sameiginlega stjórnkerfi sem þeim fylgir með deildu fullveldi í peningamálum, og líkamnast í Seðlabanka Evrópu, er grundvöllur evrusamstarfsins. Þeir sem vilja uppskera, þeir þurfa líka að sá.

Undanfarin ár – líka fyrir hrun – hefur verið hlaupin hver atrennan af annarri hér heima við að fá evru án þes að ganga í Evrópusambandið, en þær hafa allar fjarað út á þessu einfalda atriði: Evran er gjaldmiðill Evrópusambandsríkjanna í myntsamstarfinu. Ekki annarra."

Öll færsla Marðar er hér

Ps. Bjarni sagði líka: ,,Ég er Evrópusinni og við erum hluti af þessari Evrópufjölskyldu."

Heyr, heyr!

Athugasemdir

[Jón Valur Jensson, 26.11.2009 kl. 04:09]

Bjarni og varaformaður hans eru sannarlega varhugaverð vegna hnéskjálfta síns í Evrópubandalagsmálum. Hér vantar stjórnmálaflokka, sem treysta má, að standi óhvikulan vörð um fullveldi okkar og hafni innlimun í bandalagið. Er Sjálfstæðisflokkurinn slíkur flokkur? Varla án hallarbyltingar.

[Júlíus Björnsson, 26.11.2009 kl. 12:30]

Evran var frá upphafi bundin við ríki Evrópusambandsins og byggist á sameiginlegum ákvörðunum þeirra um efnahagsmál, þar á meðal stöðu ríkissjóðs hvers og eins ríkis í myndbandalaginu (sem þeim gengur sjálfum nógu illa að stilla af!). Þessar sameiginlegu ákvarðanir og hið sameiginlega stjórnkerfi sem þeim fylgir með deildu fullveldi í peningamálum, og líkamnast í Seðlabanka Evrópu, er grundvöllur evrusamstarfsins. Þeir sem vilja uppskera, þeir þurfa líka að sá.

Bretar vilja ekki gefa pund að fjárræði sínu. Vilja ekki setja England [Seðla]Banka undir Seðlabanka Evrópsku Sameiningarinnar [ES]. Vilja ekki fá fasta sneið í prósentum úr heildartekjum ES til framtíðar. Fjármagna skuldir síns ríkissjóðs með eigin fjárfestum.  Vilja ekki láta reikna út samsvarandi miðgengi pundsins til kaupa evrur til markaðssetningar inna sinnar efnahagslögsögu. Sjá Milliríka samninga hluta af ES Samningunum [Stjórnskipunarskránni].   

Ég er læs Evrópu sinni sem vill heldur hafa það betra utan meginlandsins en innlimast inn í vonlausa innri lokaða Samkeppni gegn Þjóðríkjum hundrað örefnahagslögsaga, sumar. 

Ég vil ráðstafa minni uppskeru.  Var ekki að fæðast í gær.  Þeir sem sá arfa uppskera illgresi.

Svei þeim sem þykjast vita og fara með staðlausa stafi.  Treglæsið virðist vera í öllum flokkum á þingi. 

Samkeppni grunn ES er síðan 1957. Nóg ástæða til að samþykkja ekki EES. Ísland er sinn eigin grunnur. 

[Gullvagninn (IP-tala skráð) 26.11.2009 kl. 13:53]

Evrópuþingmaður ávítaður fyrir að gagnrýna Evrópusambandið.  Það er nefnilega BANNAÐ.

http://www.prisonplanet.com/mep-reprimanded-for-exposing-eu-dictatorship.html

[Hjörtur J. Guðmundsson, 26.11.2009 kl. 17:50]

Enga handónýta evru takk :)