Jón K. um ESB - fullveldi - samskipti við aðrar þjóðir

Jón Kristjánsson fyrrverandi ráðherra og þingmaður skrifar ágæta grein á www.pressan.is um fullveldið og samskipti við aðrar þjóðir. Þar segir Jón meðal annars:

 ,,Hin gömlu samskipti við Bandaríkjamenn tilheyra tíma sem er liðinn og kemur aldrei aftur. Herinn fór einn góðan veðurdag og ég upplifði það að vera kallaður í skyndingu á ríkisstjórnarfund þar sem okkur voru færð þau tíðindi. Ég er hins vegar þeirrar skoðunar að við eigum að rækta samstarf og samskipti við Bandaríkin, en þau byggjast miklu fremur á gagnkvæmum viðskiptum á öllum sviðum, en á stöðu okkar sem flugvélamóðurskips. 

Ég er einnig þeirrar skoðunar að við eigum að leggja mikla rækt við tengsl okkar við önnur Evrópuríki. Við erum Evrópuþjóð sem erum og höfum alltaf verið háð sem greiðustum og bestum samskiptum við nágrannaríki okkar á öllum sviðum. Ekki eingöngu aðrar Norðurlandaþjóðir, heldur öll  ríki Evrópu. Þær hremmingar sem þjóðin gengur í gegn um nú og þau sárindi sem þær skapa breyta þessu ekki.      

Nú um stundir er mjög áríðandi að gengið sé af heilindum til þess verks að  ganga úr skugga um hvers konar samningur okkur býðst um aðild að Evrópusambandinu. Ég vil sjá viðræður í alvöru um stöðu sjávarútvegsins og landbúnaðarins við þær aðstæður. Síðan tekur þjóðin afstöðu til þess  á grundvelli þeirra upplýsinga hvort hún vill tengjast sambandinu. Ég er hins vegar þeirrar skoðunar að aðild að samtökum annarra þjóða geti samrýmst fullveldi og sjálfstæði Íslendinga."      

Greinin í heild sinni

 

Athugasemdir

[Jón Valur Jensson, 2.12.2009 kl. 13:56]

Jón Kristjánsson fylgist ekki með. Hið gamla Efnahagsbandalag Evrópu breyttist í Evrópuyfirráðabandalagið, bandalag með stórveldismetnað, sem nú er orðið sjálfstæð lögpersóna með eigin forseta og utanríkisráðherra og yfirgnæfandi úrslitavald fulltrúa stórþjóðanna, en Lissabon-sáttmálinn o.fl. ákvarðanir leiða til þess, að þetta verður eitt stórríki, sambandsríki með hverfandi neitunarvaldi partanna, og þá verða smáríkin þar eins og hver önnur héruð í heildinni. Ísland myndi missa tök á næstum öllu sínu löggjafarvaldi, ef við létum narrast inn í þessa villtustu drauma, soon come true, hjá valdakörlunum í Brussel.

[Hjörtur J. Guðmundsson, 4.12.2009 kl. 13:33]

Einmitt, og ríki Bandaríkjanna eru sjálfstæð og fullvalda :)