Kostir og gallar ESB aðildar: Frá sjónarhorni Írlands og Bretlands

Hádegisfundur Alþjóðamálastofnunar og Rannsóknaseturs um smáríki.:

Kostir og gallar ESB aðildar: Frá sjónarhorni Írlands og Bretlands

Miðvikudaginn, 4. nóvember frá kl. 12:00 til 13:00 í Lögbergi 103

       Alþjóðamálastofnun og Rannsóknasetur um smáríki standa fyrir opnum fundi með Dr. Andrew Cottey, og Jean Monnet, prófessor í Evrópufræðum við University College Cork á Írlandi. Cottey        hefur starfað hjá International Institute for Strategic Studies og Friðarrannsóknarstofnuninni í Stokkhólmi (SIPRI). Hann er sérfræðingur í alþjóðasamskiptum, öryggis- og varnarmálum og         evrópskum stjórnmálum og hefur gefið út margar rannsóknargreinar á þessum sviðum. Bók hans "Security in the New Europe" er notuð sem kennslubók í alþjóðastjórnmálum við Háskóla Íslands.

       Cottey mun fjalla um eigin afstöðu til kosti og galla Evrópusambandsaðildar fyrir ríki. Hann er breskur ríkisborgari sem hefur búið um árabil á Írlandi og hefur þar af leiðandi haft góð tök á         að skoða málefnið frá sjónarhorni ríkja af mismunandi stærðargráðu og ekki síst út frá því hvaða áhrif stærðarmunurinn kann að hafa á afstöðu fólks til ESB aðildarinnar.

       Alyson Bailes, aðjunkt við stjórnmálafræðideild Háskóla Íslands, er fundarstjóri.

       Fundurinn fer fram á ensku og allir eru velkomnir.  

Ekkert til fyrirstöðu varðandi Lissabon-sáttmála í Tékklandi

Nú í morgun bárust þær fréttir frá Tékklandi að stjórnlagadómstóll landsins hefði ekki gert neinar athugasemdir við Lissabon-sáttmálann. Það var kæra nokkurra öldungardeildarþingmanna sem var til umfjöllunar. Þeir vildu meina að sáttmálinn bryti í bága við stjórnarskrá landsins. Svipað mál hafði verið tekið fyrir hjá stjórnlagadómstólnum og niðurstaðan var sú sama þá; Lissabon-sáttmálinn brýtur ekki gegn stjórnarskrá Tékklands.

Það er því ekkert því til fyrirstöðu að Vaclav Klaus, forseti landsins, skrifi undir og sáttmálinn taki gildi þann 1. desember, eins og stefnt var að.

Þetta eru góðar fréttir fyrir Evrópu, Ísland og Króatíu. Króatía á í aðildarviðræðum við ESB og búist við að landið gangi í ESB 2011 eða 2012. Sjá m.a. hjá BBC

Í annarri frétt hjá BBC lýsir hinsvegar David Cameronyfir vonbrigðum með þessa niðurstöðu stjórnlagadómstólsins. Hvað þýðir það, hefði dómstóllinn að hans mati að dæma gegn óháðu eigin mati? Ef sáttmálinn brýtur ekki gegn lögum Tékklands, þá gerir hann það ekki! Þýðir þetta ekki bara að Cameron hefur núna minni möguleika til að vinna sér fylgis með þessu máli?

Stefán Haukur fer fyrir samninganefnd gagnvart ESB

Utanríkisráðuneytið birti í dag fréttatilkynningur, sem er orðrétt svona:

,,Utanríkisráðherra hefur falið Stefáni Hauki Jóhannessyni sendiherra að vera aðalsamningamaður Íslands í fyrirhuguðum aðildarviðræðum Íslands og Evrópusambandsins. Stefán Haukur er einn reyndasti samninga-maður Íslands á alþjóðavettvangi. Hann hefur verið sendiherra Íslands gagnvart Evrópusambandinu í Brussel frá árinu 2005.

Á árunum 2001 til 2005 var Stefán Haukur Jóhannesson fastafulltrúi Íslands gagnvart Alþjóðaviðskipta-stofnuninni (WTO), EFTA og stofnunum Sameinuðu þjóðanna í Genf. Hann var skipaður formaður vinnuhóps WTO um aðild Rússlands árið 2003 og gegnir því starfi enn. Hann var formaður samningahóps WTO um markaðsaðgang fyrir iðnaðarvörur í Doha-lotunni frá 2004 til 2006, og formaður í þriggja manna gerðardómi WTO árin 2002 og 2003 vegna deilu milli Evrópusambandsins, Kína og fleiri ríkja við Bandaríkin sem snérist um viðskipti með stál. Þá hefur Stefán Haukur leitt fríverslunarviðræður af hálfu Íslands og EFTA við ýmis ríki. Hann réðst til starfa í utanríkisráðuneytinu árið 1986 og tók þátt í rekstri EES-samningsins og annarri Evrópusamvinnu frá árinu 1993. Hann var skrifstofustjóri viðskiptaskrifstofu utanríkisráðuneytisins frá 1999 til 2001. Stefán Haukur er fæddur í Vestmannaeyjum og er lögfræðingur að mennt. Hann er giftur Halldóru Hermannsdóttur og eiga þau þrjú börn.

Gert er ráð fyrir að á næstu vikum eða mánuðum ljúki framkvæmdastjórn ESB gerð álits síns um aðildarumsókn Íslands og að á grundvelli þess taki aðildarríkin ákvörðun um að hefja formlegar aðildar-viðræður. Ætla má að þær hefjist á fyrri helmingi næsta árs og mun aðalsamningamaður í umboði utanríkisráðherra stýra þeim fyrir hönd Íslands. Skipan formanna einstakra samningahópa og annarra fulltrúa í samninganefnd Íslands verður kynnt síðar í vikunni."

(Feitletrun, Evrópusamtökin)

Mikið malt í Maltverjum eftir inngöngu Möltu í ESB

Þeir sem sáu Fréttaukann í kvöld geta varla efast um að innganga Möltu í ESB hefur bætt hag þessarar litlu eyþjóðar í Evrópu. Greinilegt er að þeir hafa nálgast þetta mál af mikilli skynsemi og náð miklu fram með aðild. Athygli vakti að leiðtog Nei-sinna á Möltu lét ekki ná í sig, þrátt fyrir ítrekaðar tilraunir RÚV-manna. Hægt er að horfa á umfjöllunina hér

Fiskur og Evrópa í Sprengisandi

Þeir Guðbjartur Hannesson þingmaður og Friðik J. Arngrímsson frá LÍÚ áttu ágætt spjall um fiskveiðar í Sprengisandi Sigurjóns M. Egilssonar, á Bylgjunni í morgun. Þeirr ræddu einnig Evrópumálin í því samhengi. Hæg er að hlusta hér: http://bylgjan.visir.is/?PageID=2666

Reynsla Möltu í Fréttaukanum í kvöld

Minnum alla áhugamenn um Evrópumál á Fréttaukann í kvöld, eftir sjónvarpsfréttir. Þar verður fjallað ítarlega um reynslu Möltu af inngöngu í ESB.