Mannasiði og tillitssemi takk!

Umsjónarmaður þessa bloggs, vill beina því til þeirra sem gera athugasemdir við færslur þess að halda sig innan ákveðinna siðferðismarka. Örökstuddar alhæfingar, dylgjur og skítkast er afar illa séð og höfundum slíks til minnkunnar. Þessi vettvangur á að vera málefnalegur og er það metnaðarmál umsjónarmanns. Ef athugasemdakerfið fer úr böndunum, verður því miður að endurmeta notkun þess. Eyðileggjum ekki lýðræðislegan vettvang með sora.

Sýnið tillitssemi og almenna mannasiði hér á blogginu!

 

Rehn: Umsókn hluti endurreisnar

,,Olli Rehn, stækkunarstjóri Evrópusambandsins, segir umsóknarferli Íslands að ESB vera mikilvægan þátt í endurreisn efnahagslífs Íslands. Reynsla Finna er þeir sóttu um aðild að ESB hafi verið sú að umsókn auki traust á efnahagslífnu og aðgerðum stjórnvalda þar sem hún þyki til marks um stöðugleika." Þetta kemur fram í frétt Pressunnar.

MBL birtir einnig frétt um málið.

ESB hefur einnig afhent stjórnvöldum digran spurningalista með spurningum sem lúta m.a. að stjórnkerfi, efnahagsmálum, dómsmálum og fleira. Svörin munu liggja til grundvallar skýrslu til framkvæmdastjórnar um Ísland.

Þessu tengt: Össur lofar að birta svörin (Pressan.is)

Þögn Sigmundar (FRBL)

Stjórnmálafræðingurinn Gunnar Hólmsteinn Ársælsson skrifar grein í Fréttablaðið í dag, undir fyrirsögninni Þögn Sigmundar, og á þar við Sigmund Davíð Gunnlaugsson, formann Framsóknarflokksins. Gunnari finnst þögn hans um Evrópumálin sérkennileg. Í greininni segir m.a.:,,Sé leitað í greinasafni MBL, FBL og á bloggi Sigmundar kemur í ljós að hann hefur hins vegar ekkert skrifað um Evrópumál. Sömu sögu er að segja um heimasíðu flokksins, þar skrifa einhverjir aðrir um Evrópumál, s.s. Siv Friðleifsdóttir og Gestur Guðjónsson.

Þetta hlýtur því að vekja þá spurningu hvort Sigmundur Davíð hafi áhuga á Evrópumálum. Var hin fína ályktun Framsóknar um Evrópumál bara til þess að slá ryki í augu fólks, láta líta út sem flokkurinn væri að endurnýja sig? Hvað skýrir þessa þögn Sigmundar gagnvart Evrópu?"

Hér er grein Gunnars

Evrusvæðið mun ná sér fyrr

Kristján Vigfússon kennari og forstöðumaður Evrópufræða við Háskólann í Reykjavík skrifar ágæta grein á pressan.is. Þar fjallar hann um hvort Bandaríkin eða Evrópa verði fljótari að vinna sig úr út kreppunni. Kristján skrifar meðal annars:

,,Margir myndu segja að sú leið sem Evrusvæðið hefur farið sé félagslega sanngjarnari en nálgun Bandaríkjanna. Hún verndar fleiri störf, atvinnurekendur þurfa að bera meiri byrgðar með launafólki jafnframt sem ekki er eins mikið af opinberu fé til að styðja við fjármálastofnanir sem margar fóru óvarlega. Það er hins vegar athyglisvert ef rétt reynist að félagslega sanngjarnari leið sé í þessu tilfelli hagkvæmari út frá hefðbundnum mælingum á velferð og efnahagslegum framförum. Hvað skildu Friedman og Hayek segja ef þeir gætu tjáð sig?"

Greinin í heild sinni

Olli Rehn: Fluttur í aðalsal H.Í.

FYRIRLESTUR OLLI REHN, HEFUR VERIÐ FLUTTUR Í AÐALSAL H.Í. SAMI TÍMI! Núna á miðvikudag kl. 10.30.

Reinfelt opnar á Evruna

,,Fljótandi sænsk króna er ekki langtímalausn," sagði Fredrik Reinfelt, forsætisráðherra Svía í samtali við Berlingske Tidende fyrir skömmu.

,,Þegar allt gengur vel er ekkert vandamál að hafa lítinn sjálfstæðan gjaldmiðil, en þegar bjátar á er annað uppi á teningnum. Ég held að hinn almenni Svíi geri sér grein fyrir þessu. Við slitum tengslin við Evruna þegar við gengum í gegnum kreppuna í kringum 1990, en það er ekki framtíðarlausn," sagði Reinfelt í viðtalinu. Hann studdi upptöku Evrunnar, en hinsvegar felldu Svíar Evruna í atkvæðagreiðslu haustið 2003.

Sænska krónan hefur fallið talsvert gagnvart öðrum gjaldmiðlum síðan haustið 2008. Óvíst er þó hvort og hvenær Svíar ganga til atkvæða á ný, en þekkt er að einn stjórnarflokkanna, Frjálslyndi flokkurinn, vill gera það sem fyrst.

,,Jafnvel þó að sjálfstæð, fljótandi króna geti virkað hvetjandi fyrir efnahaginn til skamms tíma, getur þetta einnig leitt til vandkvæða, t.d. hvað varðar kaupmátt innanlands og í samskiptum við helstu viðskiptaaðila okkar," sagði Reinfelt ennfremur.

Hljómar þetta ekki dálítið eins og lýsing á öðru landi? 

Olli Rehn, 10.30, miðvikud. 9. sept

Fyrirlestur Olli Rehn verður n.k. miðvikudag kl. 10.30 í Norræna húsinu. Smellið á myndina og síðan aftur eftir að hún hefur birst í nýjum glugga.

Tilkynnig Alþjóðamálastofnunar

Engin spænsk innrás!

Þann 2. september ræddi Kristinn R.Ólafsson, fréttaritari RÚV á Spáni við Juan Carlos Fragueiro,yfirmann sjávarmála á Spáni. Í viðtalinu kemur fram að það verður ekki um að ræða neina spænska innrás á íslensk fiskimið. Juan Carlos Fragueiro segir einnig að yfirráð Íslands yfir fiskimiðunum muni ekki tapast. Um er að ræða áhugavert viðtal um það sem e.t.v. koma skal í samningaviðræðum, en þær verða væntanlega ekki eins og "að drekka vatn."

Hlustið á viðtalið hér

Ekki bara fiskur og landbúnaður!

ESB snýst ekki bara um fisk og landbúnað fyrir okkur Íslendinga, þó þessi svið séu afar mikilvæg. Sé litið yfir "sviðið" (les: samfélagið) sést að við Íslendingar erum þátttakendur í Evrópusamvinnu á geysilega mörgum sviðum. Við sækjum til Evrópu og Evrópa sækir til okkar. Ánægjulegt dæmi um þetta má finna fréttavef stúdenta H.Í undir fyrirsögninni: Stúdentaleikhúsið fékk vænan styrk frá ESB. Í inngangi fréttarinnar segir: "Stúdentaleikhúsið hefur fengið nærri eina og hálfa milljón króna í styrk frá Evrópusambandinu til að safna gögnum og skrifa sögu leikhússins.Stúdentaleikhúsið fagnar 80 ára afmæli um þessar mundir en það hefur starfað frá árinu 1929."

Menning er hverri þjóð mikilvæg og virkilega ánægjulegt að Stúdentaleikhúsið geti nú ritað sína merku sögu, enda margir frægir listamenn leikið sín fyrstu hlutverk þar.

Hér er öll fréttin

Olli Rehn til Íslands

Olli Rehn, yfirmaður stækkunarmála hjá ESB er væntanlegur til Íslands í næstu viku. Morgunblaðið skýrir frá þessu:

,,Olli Rehn, framkvæmdastjóri stækkunarmála hjá Evrópusambandinu, flytur í næstu viku erindi um viðhorf Evrópu til Íslands í tengslum við aðildarumsóknina. Er fyrirlesturinn á vegum Alþjóðamálastofnunar Háskóla Íslands.

Össur Skarphéðinsson, utanríkisráðherra, opnar fundinn og fundarstjóri er Baldur Þórhallsson, stjórnmálafræðiprófessor og stjórnarformaður Alþjóðamálastofnunar," segir orðrétt í fréttinni.

Án nokkurs vafa verður áhugavert að heyra hvað hann hefur að segja um stöðu mála.