Best að klára ferlið!

"Þingmenn úr þremur stærstu stjórnmálaflokkunum eru sammála um að ekki sé rétt að draga umsókn Íslands að ESB til baka né að stöðva eða trufla það ferli sem sem Alþingi setti af stað í júlí 2009."

Þannig byrjar frétt og frásögn á www.sterkaraisland.is frá Iðnó-fundinum í síðustu viku.

"Í pallborði sátu þau Katrín Jakobsdóttir, menntmálaráðherra og varaformaður VG, og þingmennirnir Guðlaugur Þór Þórðarson, Sjálfstæðisflokki og Valgerður Bjarnadóttir, Samfylkingunni. Í pallborðinu var til umræðu hvort þingmenn gætu tekið höndum saman um ljúka ferlinu og taka út af borðinu hugmyndir um að rjúfa það. Um það voru þau öll sammála þó Katrín og Guðlaugur Þór lýstu þeirri skoðun að þau væru andvíg aðild að ESB."

Lesa alla fréttina hér, hún er áhugaverð.

UM 100-150.000 í lægri matarkostnað við ESB-aðild

Fréttablaðið var með áhugaverða síðu um hagtölur um helgina. Þar kom fram að meðalfjölskyldan eyðir um 80.000 krónum í mat á mánuði, eða tæpri milljón á ári.

Við aðild að ESB er talið að lækkun á matarverði geti numið að minnsta kosti 10-15%

Um er því að ræða tölur á bilinu 100.000 - 150.000 krónur pr. meðalfjölskyldu.

Hér er skýrsla Neytendasamtakanna um matarverð við aðild.

Össur um ESB á Rás 2

Össur Skarphéðinsson, "utanríkis" var gestur Morgunútvarps rásar tvö í morgun. Hann ræddi þar aðallega ESB-málið og slóg þar á ýmsar bábiljur og annað í sambandi við það mál.

Hlusta hér

Birgitta baðst afsökunar - ætti að vera öðrum fyrirmynd

Annað sem vakti mikla athygli í "Silfrinu" var afsökunarbeiðni Birgittu Jónsdóttur á hinni "mögnuðu" þingsályktunartillögu Vigdísar Hauksdóttur og Ásmundar Daða Einarssonar, sem miðar að því að stöðva umsóknarferlið að ESB, og ekkert annað!

Eyjan birtir m.a. frétt um þetta, en í lok hennar segir; ,,Málið var rætt í Silfri Egils í dag. Þar sagðist hún viðurkenna að það hafi verið mistök að styðja tillöguna, því slík atkvæðagreiðsla yrði til þess að varpa skugga á kosningu til stjórnlagaþings. Baðst hún jafnframt afsökunar á því að hafa stutt tillöguna, en sagðist draga stuðning sinn hér með til baka.

„Það er fatalt. Ég verð að viðurkenna að ég gerði mistök og ég biðst afsökunar á því. Ég kvittaði undir þetta án þess að hugsa alla leið. Ég mun ekki leggja til breytingu á þessu með styttingu á frestinum eða eitthvað slíkt. Mér finnst að stjórnlagaþingið eigi bara að fá að vera í friði,“ sagði Birgitta í Silfrinu."

Birgitta hefur manndóm í sér til þess að viðurkenna mistök sín og það er gott. Hún fær "kredit" fyrir það.

En það eru fleiri sem ættu að taka sér hana til fyrirmyndar! Arfaslök vinnubrögð, sem þessi, hafa vart sést á Alþingi!

Dr. Magnús Bjarnason í "Silfrinu"

Í "Silfrinu" í dag var áhugavert viðtal við Dr. Magnús Bjarnason, sem nýlega varði doktorsritgerð í Amsterdam um möguleg áhrif ESB-aðildar á Ísland. Hér má sjá viðtalið

Jón Baldvin á Bylgjunni

Jón Baldvin Hannibalsson, fyrrum utanríkisráðherra, ræddi Evrópumálin í þættinum Sprengisandi á Bylgjunni í morgun. Heyra má þessar umræður hér og hér (s.s. tveir hljóðbútar)

Steingrímur J á RÚV: Erfitt að slíta aðildarviðræðunum - botn þarf að fást í málið

Að loknu málþingi VG um utanríkismál birti RÚV þessa frétt: ,,Steingrímur J. Sigfússon formaður Vinstri grænna segir málefnaleg rök þurfa að vera fyrir því að slíta umsóknarferlinu við Evrópusambandið nú. Hann segir flokksforystuna hafa fullt umboð til að halda viðræðunum áfram.

Málefnaþingi Vinstri grænna um utanríkismál lauk síðdegis. Hundrað manna áskorun var lögð fram í gær þar sem skorað var á flokksforystuna að hætta nú viðræðum við Evrópusambandið um aðild. Steingrímur J. Sigfússon, formaður Vinstri grænna, ítrekar þá afstöðu flokksins að ekki sé grundvallarágreiningur innan flokksins um stefnuna, Vinstri græn vilji ekki í ESB. Og hann leggur áherslu á að um umsóknarferli sé að ræða en ekki aðlögunarferli. Steingrímur segir háværar raddir séu innan flokksins, sem vilji slíta aðildarviðræðum. Líkt og raddir þeirra sem segi, að þó þeir vilji það helst að viðræðum sé hætt, þá sé það síður en svo einfalt.  Hann telur að málefnaleg rök þurfi að vera fyrir því. Botn þurfi að fást í málið, en forystan hafi fullt umboð til að takast á við þetta mál áfram."

Málið er á hreinu: Fáum aðildarsamning og kjósum um hann. Látum lýðræðið vinna, á allan hátt!

Heimildin

Ásmundur Einar missir sig: ESB pumpar inn ómældu fjármagni til áróðurs!

Fjallað var um málþing VG í hádegisfréttum RÚV og þar fékk Nei-foringinn, Ásmundur Einar Daðason pláss til að fara með bull og vitleysu. Hann segir m.a. í fréttinni að ,,hingað streymi inn ótakmarkað fjármagn til áróðursstarfsemi."

Þetta er auðvitað algjörlega rangt. ESB mun ekki vera með allar pyngjur opnar, eins og ÁED gefur til kynna. Hann veit það, en kýs að segja annað.

ESB hefur ákveðið að kynna starfsemi sína fyrir Íslendingum, en fjölmargir Íslendingar VILJA vita hvað ESB raunverulega ER. Klára ferlið og kjósa um aðildarsamning.

En Ásmundur Einar vill það ekki. Hann vill ekki að Íslendingar öðlist aukna þekkingu um ESB og hann vill ekki að Íslendingar fái að kjósa um aðildarsamning.

Ásmundur Einar ver hið óbreytta ástand og hina raunverulegu kyrrstöðu. Hann vil koma í veg fyrir að eitt mikilvægasta mál í sögu lýðveldisins, fái að hafa lýðræðislegan framgang. 

Hér er frétt RÚV. 

 

Þorsteinn Pálsson í FRBL: Á að þagga rökræðuna niður?

Þorsteinn Pálsson, fyrrum ráðherra, ritar bréf af Kögunarhóli sínum og fjallar um Heimssýnar-tillöguna margfrægu. Þorsteinn segir: ,,Þingmenn Heimssýnar hafa kynnt til sögunnar tvær þingsályktunartillögur sem ætlað er að hafa áhrif á aðildarumsóknina að ESB.

Fyrri tillagan gerir ráð fyrir skoðanakönnun í formi þjóðaratkvæðagreiðslu um hvort afturkalla á umsóknina og þar með hætta allri umræðu. Röksemdir flutningsmanna eru þær að málið sé svo fjarstæðukennt að ástæðulaust sé að eyða í það tíma og fjármunum. Umræður séu af þeim sökum óþarfar.

Vitaskuld geta mál verið svo einföld að rök af þessu tagi eigi við. Hér er hins vegar um að ræða eitt viðamesta og flóknasta mál sem komið hefur á dagskrá þjóðmálanna. Því fer fjarri að allar hliðar þess hafi komið fram með þeim hætti að þjóðin geti metið rök og gagnrök í heild sinni.

Tillagan bendir til að andstæðingar Evrópusambandsaðildar telji að frekari upplýsingar, áframhaldandi umræða og samningsniðurstaða muni veikja málefnastöðu þeirra. Að öðrum kosti myndu þeir vilja halda ferlinu áfram allt til enda og rökræða málið í lokabúningi.

Hitt er einnig áhugavert að flutningsmennirnir vilja ekki að Alþingi sjálft taki afstöðu í málinu. Þetta er eitt af mörgum dæmum um þá þróun að stjórnmálamenn kjósa fremur að þjóðin leiði þá en að þeir hafi forystu um stefnu sem þjóðin tekur síðan afstöðu til.

Ein skýringin á vantraustinu á Alþingi getur verið þessi tilhneiging þingmanna að hafa hlutverkaskipti við þjóðina um forystuskylduna."

Síðar fjallar Þorsteinn um tillögu, sem komið hefur fram um tvíhliða viðskiptasamning við Bandaríkin og sagt hefur verið frá hér. Um hana segir Þorsteinn: ,,Með flutningi þessarar tillögu hafa andstæðingar ESB fallið frá helstu röksemd sinni gegn aðildarviðræðum nú. Það er málefnalegt og virðingarvert.

Heimssýn hefur frá öndverðu viðurkennt að aukið alþjóðlegt samstarf er Íslendingum lífsnauðsynlegt. Það má bara ekki vera við Evrópuþjóðirnar."

Í lokin segir Þorsteinn: ,,Engum vafa er undirorpið að sá tvískinnungur sem fram kemur í þeirri afstöðu að samþykkja aðildarumsókn en leggja um leið stein í götu efnislegra umræðna er ein ástæðan fyrir þverrandi trausti á Alþingi." 

Pistill Þorsteins 

VG: Málþingið búið - Álfheiður: Vænlegast að klára umsóknarferlið

Málþingi VG um utanríkismál er búið. Niðurstaðan er í raun sú að sumir eru með því að klára aðildarferlið, sumir á móti.

Eyja birtir frétt um Álfheiði Ingadóttur, sem hefst svona: ,,Meirihluti félagsmanna Vinstri grænna sem sitja málenfaþing flokksins í Hagaskóla er andsnúinn þeirri vegferð sem þingflokkurinn er í, að sækja um aðild að Evrópusambandinu. Álfheiður Ingadóttir, fyrrverandi ráðherra flokksins, varar við því að hægrimenn stýri umræðu VG um Evrópumál, þeir geri það til þess að koma höggi á formann VG.

Eyjan sagði frá því í gær að fram kom áskourn til forystu VG að sjá til þess að umsóknarferli að ESB verði hætt hið fyrsta. Formaðurinn, Steingrímur J. Sigfússon, vill frekar ljúka umsóknarferlinu og láta þjóðina greiða atkvæði um aðildarsamning, sagði það lýðræðislega leið fyrir fólkið í landinu. Í pallborðsumræðum í morgun ítrekaði hann þessa skoðun sína minnti á að það væri enginn ágreiningur innan VG um aðalatriðin – að flokkurinn vildi ekki sjá Ísland í ESB."

Hún varar við því að Björn Bjarnason og Styrmir Gunnarsson stýri ESB-umræðu flokksins og eins og segir orðrétt í fréttinni: ,,Álfheiður telur því vænlegast að halda umsóknarferlinu áfram og láta þjóðina greiða atkvæði um endanlegan aðildarsamning." 

Öll frétt Eyjunnar 

Visir.is er einnig með frétt um málið 

Samstaða um að ljúka aðildarviðræðum

Á nýjum Vísi segir: ,,Samstaða var um að ljúka aðildar­viðræðum við Evrópusambandið (ESB) og að þingmenn kysu um niðurstöðuna, í pallborði og hjá frummælendum á nýafstaðinni morgunráðstefnu samtakanna Sterkara Ísland.

Pallborðið skipuðu Valgerður Bjarnadóttir, þingmaður Samfylkingarinnar, Guðlaugur Þór Þórðarson, þingmaður Sjálfstæðisflokks og Katrín Jakobsdóttir, menntamálaráðherra og varaformaður Vinstri grænna. Guðlaugur og Katrín kváðust bæði á móti aðild, en Valgerður er henni fylgjandi."

Hér er öll fréttin

 

Hvað er málið VG?

Klukkan 22.35 í kvöld birtist frétt þess efnis á MBL.is að það væri skorað á þingflokk VG að fylgja stefnu VG í ESB-málinu.

Sem er skýr: VG er á móti, en samt eru innan VG aðilar sem eru með og vilja halda ferlinu áfram. Rétt eins og í Sjálfststæðisflokknum!

Er þá ekki bara málið að halda áfram og leyfa íslensku þjóðinni að kjósa um aðildarsamning?

Hvaða brölt er þetta!

 

VG ræðir ESB - klofningur við sjónarröndina?

Á RÚV er sagt frá því að VG ræði ESB-umsóknina. Ljóst er að ESB-málið er erfitt fyrir flokkinn. Mun það kljúfa flokkinn? Þar eru sannfærðir hugsjónamenn og "pragmatistar" (raunsæismenn).

Opinberlega er stefna flokksins að vera á mót ESB, en á sama tíma er sagt að flokkurinn sé að "breikka" og með því er átt við að innan flokksins sé pláss fyrir margskonar lýðræðislegar skoðanir.

Ragnar Arnalds átti að halda ræðu, í frétt sjónvarpsins var Hjörleifur Guttormsson áberandi. Þetta eru menn sem aðhyllast kommúnisma a la Marx og Lenín!

Alræðishyggju, sem byggir á forræði að ofan, valdakerfi, sem er hrunið og er viðhaft á Kúbu, N-Kóreu og Hvíta-Rússlandi. Þar eru m.a. mannréttindi fótum troðin og hungursneyð er "krónískt" vandmál í ríki Kim Jong Il!

VG, verður aldrei alvöru Umhverfisflokkur nema að tileinka sér samtarf við aðrar þjóðir og þar liggur ESB (les: Evrópuþjóðir) næst.

Umhverfisflokkurinn í Svíþjóð gerði sér t.d. grein fyrir þessu fyrir ekki svo löngu síðan og sneru af braut andúðar á ESB og tóku kröfuna um úrsögn Svíþjóðar úr ESB, út út stefnuskrá sinni.

VG Íslands hefur verkefni fyrir höndum. Áhrif á sviði umhverfismála liggja í gegnum ESB! 

Og sem betur fer eru menn innan VG sem er mótvægi við alla vitleysuna!

Enn ræður Jón....

Fram kemur á www.visir.isað Jón Bjarnason, hæstvirtur sjávarútvegs og landbúnaðarráðherra, hefur ráðið Gunnfríði Elínu Hreiðarsdóttur í starf aðstoðarmanns. Var þetta starf auglýst? Það kemur ekki á óvart að Gunnfríður er ekki kjarneðlisfræðingur, heldur búfræðingur. Hún er einnig með meistaragráðu í erfða og kynbótafræðum. Spurning hvernig það nýtist henni í ráðuneyti Jóns Bjarnasonar?

Frétt Vísis er hér

Í Spegli kvöldsins var viðtal við Gunnar Helga Kristinsson, prófessor, sem gerði ráðningamál hins opinbera einmitt að umtalsefni. Hann var ekki par ánægður með það "ráðherraræði" sem ríkir á Íslandi. Heyra má viðtalið við Gunnar Helga hér.

Össur Skarphéðinsson í FRBL: Opið og aðgengilegt samningaferli

Össur Skarphéðinsson, ritaði grein í Fréttablaðið í gær, um ESB-málið. Í greininni segir Össur:

"Í aðdraganda viðræðna okkar um aðild Íslands að Evrópusambandinu hef ég kappkostað að hafa sem mest samráð. Gildir það jafnt um Alþingi, almenning, sveitarfélög, hagsmunasamtök í atvinnugreinum og félagasamtök, forystu einstakra stjórnmálaflokka og aðra sem málið varðar. Ég hef líka gætt þess að upplýsa þá granna okkar og samstarfsþjóðir sem eins og við standa enn þá utan sambandsins. Það er einbeittur vilji ríkisstjórnarinnar að hafa allar upplýsingar á takteinum fyrir almenning, eftir því sem mögulegt er. Þó að Íslendingar hafi síðustu fimmtán árin verið í stöðugt nánara samstarfi við Evrópusambandið, og séu í reynd með hálfgildings aukaaðild að því gegnum EES-samninginn, þá er ákvörðun um að ráðast í samninga um fulla aðild stórt skref fyrir þjóðina.

Það er því mikilvægt, ekki síst af sjónarhóli lýðræðis, að allar upplýsingar um samningaferlið og viðræðurnar séu á hverju stigi sem aðgengilegastar.

Þannig getum við best eytt tortryggni. Það auðveldar landsmönnum að fylgjast með samningaviðræðunum og taka að endingu upplýsta afstöðu með eða á móti samningnum. Því á endanum verður það þjóðin, en ekki stjórnmálamenn, sem ákveður í þjóðaratkvæðagreiðslu hvort það þjónar hagsmunum Íslands að ganga í Evrópusambandið.

Víðtækt og náið samráð

Víðtækt samráð var haft um skipan aðalsamningamannsins, Stefáns Hauks Jóhannessonar sendiherra, og ég afréð ekki skipun hans fyrr en ljóst var að um hana ríkti breið samstaða. Sömu vinnubrögð voru viðhöfð við að skipa samninganefndina sjálfa. Þess var vandlega gætt að faglegir verðleikar og samningareynsla réðu vali á nefndarmönnum. Nefndin endurspeglar bæði viðhorf landsbyggðar og þéttbýlis. Í átján manna samninganefnd er kynjasjónarmiða gætt til fulls. Þar eru jafnmargir karlar og konur. Leiðsagnar utanríkismálanefndar Alþingis um reynda fulltrúa úr háskólasamfélaginu var ríkulega gætt, en varaformenn nefndarinnar hafa gegnt forystuhlutverkum innan háskólanna norðan heiða og sunnan.

Fjölmargir, ríflega 200 manns, koma að samningaferlinu öllu sem þátttakendur í einstökum samningahópum. Tíu samningahópar eru starfandi um einstaka málaflokka, s.s. sjávarútveg, landbúnað, gjaldmiðlamál og byggðamál auk málaflokka á sviði EES-samningsins eins og umhverfismála, neytendamála o.fl. Ég gætti þess vandlega að hafa náið samráð og samstarf við hagsmunasamtök sem tengjast viðkomandi greinum um val fulltrúa í samningahópana. Ekki var gengið frá skipan mikilvægustu formanna samningahópanna fyrr en búið var að ganga úr skugga um að samstaða ríkti um þá.

Raunar komu tillögur að þeim innan úr viðkomandi atvinnugreinum. Þeir voru valdir til forystu án þess að ég hefði hugmynd um hvort þeir væru með eða á móti aðild. Aðalatriðið í mínum huga var að viðkomandi nytu trausts og væru faglega framúrskarandi. Samráðið við hagsmunasamtök hefur því verið með eins opnum og ríkum hætti og þau sjálf hafa kosið. Það er vafalítið lykillinn að því hve breið sátt hefur skapast um samningalið Íslands.

Lesa afganginn hér