Bla bla bla!

Gula pressan í Bretlandi er dugleg að birta æsifréttir. Daily Express birtir frétt í dag um að Evrópusambandið sé að setja nýjar reglur um öryggi á vegum Bretlands. Þetta sé enn eitt dæmið um hvernig ESB sé að troða sér í málefni sem eigi best heima í nærsamfélaginu.

Staðreyndin er hins vegar sú að ESB setur engin lög sem snerta öryggi á vegum. Það er alfarið málefni ríkjanna sjálfra. Hins vegar er ljóst að umferðaröryggi er málefni sem snertir öll aðildarlöndin og því rökrétt að löndin ræði þessi mál og reyni að læra hvert af öðru. Þessi aðgerðaáætlun gengur út á að sérfræðingar í löndunum vinna saman og læri hver af öðrum. Það er hins vegar undir löndunum sjálfum komið hvort þau nýti sér þær tillögur eða úrræði sem þar eru rædd.

Evrópusamtökin í Bretlandi hafa birt ágæta frétt um þetta mál.

http://euromove.blogactiv.eu/2010/01/21/the-truth-about-road-transport/

Það verður spennandi að sjá hvort þessi "bull-ESB-frétt" rati inn í íslenska fjölmiðla eins og stundum hefur gerst.

Athugasemdir

[Gunnar Heiðarsson, 21.1.2010 kl. 17:48]

Ég held að þú ættir kannski að kynna þér þetta mál aðeins betur, Ísland er ekki í ESB og verður vonandi aldrei, en samt erum við tengd því það mikið að hér eru fjölda mörg lög sem snúa að umferð og umerðaröryggi sem sett hafa verið vegna evróputilskipana. Það er að vísu rétt að ESB setur ekki lög í viðkomandi landi, ESB skipar að lögin séu sett

[Guðmundur Jónsson, 21.1.2010 kl. 22:46]

Í ESB er bannað að nota þumlunga.

Það er samt svo skrítið að jafvel þó það sé bannað að nota þumlunga í ESB þá eru ESB búar samt með þumlunga eins og annað fólk.

Dráttarbúnaður á farartækjum er gjarnan með svokölluðu kúlutengi sem lengst af var 7/8", 2" eða 2 1/2".eftir stærð ætlaðs eftirvagns. Evrópusambandið hefur bannað allar svona dráttarkúlur og í dag má eingöngu nota tæplega 2" kúlur (50mm.) Íslendingar fá til dæmis ekki lengur skoðun á bílinn sinn nema hann sé með 50mm kúlu. Það grátlega við þetta er að Þetta hefur ekki neitt með öryggi að gera, þetta bara venjuleg heimska.

[Evrópusamtökin, www.evropa.is, 22.1.2010 kl. 16:52]

Gunnar: ,,ESB skipar að lögin séu sett.." ??? Geturð styrkt þessa fullyrðingu þína með dæmum?

[Birgirsm, 24.1.2010 kl. 20:05]

Í pistlinum hér fyrir ofan stendur eftirfarandi:

" Það er hins vegar undir löndunum sjálfum komið hvort þau nýti sér þær tillögur eða úrræði sem þar eru rædd."

Eruð þið að reyna að halda því fram að aðildarlönd ESB hafi eitthvað um það að segja hvort þau virði tilskipanir Evrópusambandssins eða ekki ? 

Í pistlinum stendur einnig :

Staðreyndin er hins vegar sú að ESB setur engin lög sem snerta öryggi á vegum.   

Ég veit ekki annað en að kontoristar Evrópu-ríkisins hafi hrúað í þúsunda-tali niður Tilskipunum, Breytingum, Breytingum á tilskipunum, Lögum, Reglum, breytingum á Lögum og Reglum, og svo framvegis, varðandi öryggismál á vegum.  

 Ég tek sem dæmi lög og reglur frá ESB um tilskilin ADR-réttindi ökumanna sem flytja hættulegan farm, sem aðildar-ríkin EIGA og VERÐA að fara eftir ! ..og er Ísland þar ekkert undanskilið v/ EES

Þið getið kannski frætt mig á þeirri refsingu og á þeim þvingunum sem það aðildar-land (t.d Spánn) myndi lenda í, ef landið tæki upp á því einn daginn að segja:

"Hér gilda ekki þau lög og þær reglur sem spænsk yfirvöld hafa sett samkvæmt tilskipunum frá Evrópusambandinu varðandi flutning á hættulegum efnum "

p.s ég vil fá svar á íslensku