Jón Steindór: Að semja eða semja ekki

Jón Steindór Valdimarsson, lögfræðingur skrifar grein í Fréttablaðið í dag undir fyrirsögninni Að semja eða semja ekki. Í grein sini segir Jón m.a.:

" Ísland og ESB hófu formlegar samningaviðræður um aðild Íslands að ESB þann 27. júlí 2010. Það er merkur áfangi í samskiptasögu landsins við umheiminn og rökrétt framhald vaxandi samskipta og samvinnu við þau 27 ríki sem eiga aðild að ESB.Loksins er hafið ferli sem mun sýna okkur svart á hvítu hvernig aðild okkar getur verið háttað. Í lok þess mun liggja fyrir samningur sem harðsnúið samningalið okkar mun skila af sér til þjóðarinnar. Þar verða ákvæði um þau atriði sem nú er helst deilt um hér innanlands en enginn veit hvernig verða til lykta leidd í samningnum. Það er næsta tilgangslaust að þræta um slík atriði. Skynsamlegra er að lesa samninginn þegar hann liggur fyrir og þá tekur hver og einn afstöðu til þess hvort einstök ákvæði hans og samningurinn í heild eru fullnægjandi.

Ekki er hægt að meta kosti og galla aðildar nema á grundvelli raunverulegs samnings. Fyrr getur þjóðin ekki gert upp hug sinn um hvort aðild sé hagstæð fyrir framtíð Íslands eða ekki. Þeir sem fullyrða annað og þykjast vita upp á hár hver niðurstaðan verður áður en viðræður hefjast eru ekki sannfærandi.

Það er því grátlegt til þess að hugsa að nú sé róið að því öllum árum af sterkum öflum utan þings og innan að koma í veg fyrir að samningaferlið verði til lykta leitt. Markmið þeirra er að svipta þjóðina réttinum til að eiga raunverulegt val um framtíð sína og sess meðal helstu samstarfs- og vinaþjóða sinna.

Flokkadrættir á Alþingi og gamaldags átök stjórnar og stjórnarandstöðu mega ekki spilla þessu stóra máli sem þjóðin vill ræða og taka afstöðu til með atkvæði sínu þegar samningur liggur fyrir."

Öll grein Jóns

Athugasemdir

[Þorsteinn Briem, 27.8.2010 kl. 05:08]

Ísland GÆTI fengið aðild að Evrópusambandinu og gengissamstarfi Evrópu, ERM II, Í ÁRSBYRJUN 2013, EFTIR RÚM TVÖ ÁR, og tekið upp evru Í ÁRSBYRJUN 2015, EFTIR RÚM FJÖGUR ÁR.

"Finnland sótti um aðild að Evrópusambandinu í mars 1992, aðildarviðræður hófust í febrúar 1993 og þeim lauk í mars 1994.

Aðildarsamningurinn var undirritaður í júní 1994, samþykktur í þjóðaratkvæðagreiðslu í Finnlandi í október 1994 og Finnland varð síðan formlega aðili að Evrópusambandinu í janúar 1995."

Skýrsla Evrópunefndar lögð fram af Geir H. Haarde, þáverandi forsætisráðherra, í mars 2007, sjá bls. 76

"The Finnish markka [finnska markið] was added into the ERM system in 1996 and then became a fraction of the euro in 1999, physical euro money arriving later in 2002.

It has been speculated that if Finland had not joined the euro, market fluctuations such as the tech bubble would have reflected as wild fluctuations in the price of markka.

(Nokia, formerly traded in markka, was in 2000 the European company with the highest market capitalization.)"

[Sleggjan og Hvellurinn, 27.8.2010 kl. 11:13]

Ég er sammála þessari fullyrðingu:

"Ekki er hægt að meta kosti og galla aðildar nema á grundvelli raunverulegs samnings. Fyrr getur þjóðin ekki gert upp hug sinn um hvort aðild sé hagstæð fyrir framtíð Íslands eða ekki. Þeir sem fullyrða annað og þykjast vita upp á hár hver niðurstaðan verður áður en viðræður hefjast eru ekki sannfærandi."