Súrrealismi!

Ritari kom við bensínstöð í dag, tók bensín (sem hækkaði í gær,en lækkaði aftur í dag - hvernig er þetta hægt - ekki nema von að allt verðskyn sé farið út í veður og vind) og rakst þar á Bændablaðið.

Bændasamtökin vilja jú ekkert af ESB vita, eru algerlega á móti ESB, segja að landbúnaðurinn muni hrynja við aðild og hvaðeina (hvergi gerst!). 

En samt er Bændablaðið alltaf fullt af fréttum um ESB og yfirleitt hvað ESB sé nú rosalega vont fyrirbæri, rétt eins og Mogginn!

Í Bændablaðinu er t.d. sagt frá fundaherferð samtakanna sem er á dagskrá. Og hvað ætla bændur að ræða - jú, einmitt: ESB!

Og þá verður væntanlega hrópað í kór að ESB vilji leggja niður alla byggð í sveitum landsins.

En að minnast á nothæfan gjaldmiðil, lægri vexti og verðbólgu og betri rekstrarskilyrði bænda verður sennilega ekki gert. 

Salvador Dalí gæti ekki gert betur! 

Athugasemdir

[Gunnar Albert Rögnvaldsson, 18.11.2010 kl. 21:30]

Ritari kom við bensínstöð í dag, tók bensín (sem hækkaði í gær,en lækkaði aftur í dag - hvernig er þetta hægt - ekki nema von að allt verðskyn sé farið út í veður og vind) og rakst þar á Bændablaðið.

Ef nafnlaus ritari Evrópusamtakanna þekkti bara smávegis til í Evrópusambandinu þá ætti hann að vita að þetta er einmitt svona þar. Þangað er þessi fyrirmynd líklega sótt. Þar eyðir fólk ómældum tíma í biðröðum við bensínstöðvar því einn tíma dagsins er verðið X og hinn tíma dagsins er verðið Y. Svo ekur það þúsundir kílómetra á ári til að athuga hvort ekki sé ódýrara bensín að fá hinumegin við hornið. 

Því miður fæst ekkert bændablað á bensínsstöðvum í ESB því þar eru bændur á hausnum. Finnar voru rétt í þessu að uppgötva velta í finnskum landbúnaðarvörum dróst saman um 15% á síðasta ári. 

Þið ættuð að kynna ykkur Evrópusambandið og það líf sem þegnar þess lifa. Það myndi hjálpa ykkur. 

[Jón Frímann Jónsson, 18.11.2010 kl. 22:39]

@Gunnar Albert Rögnvaldsson, 18.11.2010 kl. 21:30, Annarstaðar en á Íslandi er ríkjandi samkeppnni á milli bensínstöðva. Á Íslandi er ríkjandi gervisamkeppni (samráð) á milli bensínstöðva og því lítið uppúr því að hafa fyrir neytandann að flakka á milli bensínstöðva.

Erlendis eru bændablöðin ekki ríkisstyrkt og því fást þau ekki á bensínstöðum þar í landi. Þetta áttu að vita, en virðist engu að síður ekki gera það.

Eins og sjá má hérna. Þá er lítið varið í krónuna.

Ég verð fljótlega íbúi innan ESB ríkisins Danmörku og verð því laus við þessa dellu sem þrífst á Íslandi.