Jaðarríki sem gengur vel í ESB - dæmi frá Eystrasalti

Friðrik Jónsson, Eyjubloggari, skrifar áhugaverðan pistil um jaðarríkin í ESB á blogg sitt. Hann ræðir þar Eystrasaltsríkin og segir: "Árangur ríkja innan ESB, sem samstarf sjálfstæðra ríkja, virðist fyrst og fremst byggja á getu og atorku ríkjanna sjálfra til að standa sig. Aðildin að ESB þjónar hins vegar eins og smurning og viðbótaraflgjafi fyrir þau ríki.

Í þessu má t.d. horfa til vina okkar í Eystrasaltsríkjunum. Þau ríki hafa vissulega gengið í gegnum ákveðna eldskírn á undanförnum árum, m.a. í tenglsum við efnhagshrunið 2008. En hvernig vegnar þeim í dag?

Eistland tók upp evruna um síðustu áramót og var hagvöxtur þar á fyrsta ársfjórðungi sá mesti í Evrópu, 8,5%.

Hagvöxtur í Lettlandi á sama tíma var 3,4% og gáfu þeir út skuldabréf í síðustu viku, rétt eins og Ísland. Kjörin voru töluvert betri, tæpir 240 punktar (bréf Íslands var með 320 punkta álagi), og tímalengdin helmingi lengri, eða tíu ár.

Hagvöxtur í Litháen var 6.9% á sama tíma."

 

Pistill Friðriks:

http://fridrik.eyjan.is/2011/06/velgengni-jaarrikja-esb.html 

Athugasemdir

[Valdimar Samúelsson, 14.6.2011 kl. 20:27]

Einfaldir eru sumir. Var ekki hagvöxtur hér á landi fyrir hrun og hefir ekki alltaf verið hagvöxtur hér meir og minna. Hvernig eystrasaltasíkjunum gengur er bara gott mál en hvernig gengur Finnum og Sænskum já og Noregur. Þeim gengur best að öllum enda utan ESB. Hvernig gengur Grikkjum, Spánverjum, Portúgal og öllum smáríkjunum í Evrópu. Komdu með allan sannleikan Mr. Friðrik Jónsson.

[Þorsteinn Briem, 15.6.2011 kl. 19:50]

Valdimar Samúelsson,

Heildarskuldir íslenskra fyrirtækja voru 22.675 milljarðar króna í árslok 2008, sem er andvirði 170 Kárahnjúkavirkjana.

Stýrivextir Davíðs Oddssonar voru komnir í 18% haustið 2008 og verðbólgan hér var 18,6% í janúar 2009.

Vegna hárra vaxta hérlendis keyptu útlendingar Jöklabréf fyrir nokkur hundruð milljarða króna, sem við sitjum nú uppi með.

Seðlabanki Íslands varð gjaldþrota og hér eru nú gjaldeyrishöft.

Noregur á eins og Ísland aðild að Evrópska efnahagssvæðinu en Noregur er olíuríki með sterkan gjaldmiðil, norsku krónuna. Og önnur Norðurlönd, sem eru í Evrópusambandinu, þurfa heldur ekki að kvarta.

Við Íslendingar þurfum hins vegar nauðsynlega á kjarabótum að halda en ekki nokkurra prósenta hækkun á launum og bótum, sem svo er étin upp með hækkun á verðlagi hér á nokkrum mánuðum.

"Gengi Ísland í Evrópusambandið yrðu tollar á vörur frá Evrópusambandsríkjum felldir niður en þaðan kemur ríflega helmingur alls innflutnings."

"Þannig eru lagðir þrjátíu prósenta tollar á kjöt, mjólkurvörur og egg, tuttugu prósent á sætabrauð og kex, fimmtán prósent á fatnað og sjö og hálft prósent á heimilistæki."

Hver yrðu áhrif aðildar á íslenska neytendur?

Seðlabanki Evrópu ákveður stýrivexti á öllu evrusvæðinu og þeir eru nú 1,25% en stýrivextir Seðlabanka Íslands eru 4,25%.

Og með upptöku evru hér verður verðtrygging afnumin.

[Þorsteinn Briem, 16.6.2011 kl. 11:28]

Stýrivextir hækka í 18% í Hvíta-Rússlandi