ESB: Rúmlega helmingur landsmanna vill fá að kjósa um aðild - Fréttatíminn um nýja könnun Já-Ísland

Um 53% landsmanna vilja fá að kjósa um aðild að Evrópusambandinu. Þetta kemur fram í nýrri könnun sem samtökin Já-Ísland létu Capacent gera. Fréttatíminn segir frá þessu. Kíkjum á nokkrar tölur:

Um 70% kjósenda Vinstri Grænna vill halda áfram viðræðum, 99% kjósenda Samfylkingar, þriðjungur kjósenda Sjálfstæðisflokks og um 20% kjósenda Framsóknarflokksins.

Inni í blaðinu er svo ítarlegt viðtal við Stefán Hauk Jóhannesson, aðalsamningamann Íslands gagnvart ESB. Samkvæmt honum hafa viðræðurnar gengið vel og mun hraðar en hjá öðrum ríkjum sem staðið hafa í viðræðum við ESB undanfarin ár.

Í lok viðtalsins segir Stefán að mikilvægt sé að kostir og gallar aðildar séu ræddir.

Það er ekki hægt verði hætt við, þá hangir þetta mál yfir Íslandi eins og Demóklesarsverð!

Jón Steindór Valdimarsson, formaður Já-Ísland, er ánægður með útkomuna, samkvæmt Fréttatímanum. Miðað við þær aðstæður sem við er að glíma í Evrópu um þessar mundir.

Athugasemdir

[Guðmundur Kristinn Þórðarson, 17.11.2011 kl. 23:26]

Samkvæmt þessari könnun vill meirihlutinn draga umsóknina til baka miðað við síðustu capacent könnun á fylgi flokka

[Örn Ægir Reynisson, 17.11.2011 kl. 23:26]

Meiri brandarakarlarnir afhverju eru ykkar skoðanakannanir á skjön við allar aðrar?Það tekur enginn mark á þessum skoðanakönnum ykkar innlimunarsinna minnugur icesave skoðanakannana sem stóðust engan vegin greinilegt orðið að þettað er enn ein aðferðin sem þið notið til að blekkja þjóðina.

Afturköllum ESB-umsóknina, segir þjóðin

Meirihluti þjóðarinnar vill afturkalla umsókn Samfylkingarinnar um aðild Íslands að Evrópusambandinu. Könnun MMR fyrir Andríki sýnir sömu niðurstöðu og könnun Capacent Gallup í sumar fyrir Heimssýn.

Í báðum tilvikum vilja rúm 50 prósent draga umsóknina tilbaka en 35 til 38 prósent vilja halda umsókninni til streitu.

Aðildarsinnar á Íslandi eru fyrir löngu búnir að tapa slagnum um það hvort þjóðin sé fylgjandi eða andvíg aðild Íslands að Evrópusambandinu.

Seinni víglína aðildarsinna, ,,að klára umsóknina til að kíkja í pakkann," er að hrynja.

Staðfest: fullveldi og ESB-aðild fer ekki saman

Jæja, það kom að því. Forseti leiðtogaráðs Evrópusambandsins, Herman Van Rompuy, staðfestir að þjóðir sem ætla að starfa saman í evru-samstarfi tapa sjálfstæði sínu. Núna, rúmum tíu árum eftir að evran var sett a flot, er hægt að viðurkenna að aðild felur í sér missi fullveldis.

Evrópusambandið verður upptekið af því næstu árin að setja bönd á fullveldi aðildarríkjanna. Hvort skert fullveldi þjóðríkja og aukin miðstýring Brussel bjargi evrunni, skal ósagt látið.

Hitt er öllum ljóst að Evrópusambandið sem samfylkingarhluti ríkisvaldsins sótti um aðild að sumarið 2009 er ekki lengur til. Forsendubrestur umsóknarinnar er algjör. Við eigum að afturkalla umsóknina strax.

[Guðmundur Ásgeirsson, 17.11.2011 kl. 23:57]

Þjóð sem er ekki fullvalda í peningamálum, er ekki fullvalda, punktur.

Efnahagsleg örlög hennar væru þá ákveðin af útlendingum.

Í tilfelli evrópska myntbandalagsins eru útlendingarnir þeir sömu og er að sýna sig að kunna ekki fótum sínum forráð í peningamálum.

Að vilja ganga í ESB er því jafngilt því að vilja láta hrunverja stýra peningamálum þjóðarinnar.

Álíka gáfulegt og að vilja gera Davíð Oddsson að fjármálaráðherra.

[Haraldur Hansson, 18.11.2011 kl. 00:15]

Í könnuninni er lýðræðið hengt á annan kostinn en ekki hinn, til að gera hann fýsilegri. Það eru ekki fagleg vinnubrögð við skoðanakönnun, enda beinlínis gert til að stýra atkvæðunum þangað.

Bæði í þessari könnun og þessari eru báðir kostir settir eins upp og spurt hvort menn séu með eða á móti. Hlynntir eða andvígir. Punktur. Þá verður útkoman önnur, skiljanlega.

[Jón Valur Jensson, 18.11.2011 kl. 01:21]

Eitt er að vera svo óforskammaðir að búa til svona augljóslega hlutdræga "skoðanakönnun" með leiðandi spurningum -- annað og enn grófara, í ljósi niðurstöðu hlutlausrar könnunar á sama tíma, að halda áfram að flagga þessari og reyna að blekkja fólk um raunverulega afstöðu þjóðarinnar.

Þrjár staðreyndir:

1) Í öllum 13 (10) skoðanakönnunum eftir umsóknina, frá 4.8. 2009 og áfram, þar sem spurt hefur verið, hvort menn vilji, að Ísland gangi í Esb., hefur svarið verið eindregið NEI! - NEI gegn JÁI hefur verið í þessum hlutföllum (óákveðnir ekki taldir með): 48,5%/34,7% --- 50,2/32,7 --- 61,5/38,5 --- 54/29 (könnun á vegum Hásk. í Bifröst) --- 55,9/33,3 --- 60,0/24,4 --- 69,4/30,5 --- 60/26 --- 50,5/31,4 --- 61,1/38,9 --- 55,7/30 --- 50,1/37,3 --- 64,5/35,5. Þara eru yfirburðir NEISINS við "aðild" ævinlega greinilegir og áberandi.

2) Fullveldissinnar vildu þjóðaratkvæðagreiðslu um umsóknina 2009. Tillaga um slíka þjóðaratkvæðagreiðslu á Alþingi var FELLD af stjórnarflokkunum, þeir vildu ekki og vilja ekki enn leyfa þjóðinni að ráða þessu. Þó vildu 76,3% í skoðanakönnun Capacent Gallup dags. 10. júní 2009 fá slíka þjóðaratkvæðagreiðslu, aðeins 17,8% vildu hana ekki, en 5,8% tóku ekki afstöðu. Stjórnarflokkarnir eru sannarlega ekki í takti við þjóðarviljann.

3) 58,9% þeirra, sem afstöðu taka í MMR-könnun, vilja að umsókn um aðild að Esb. verði dregin til baka, og þetta er ný könnun og með hlutlausu orðalagi, það er a.m.k. ekki í vil fullveldissinna.

[Gunnar Waage, 18.11.2011 kl. 02:51]

Tek undir með ykkur, hlægilega leiðandi könnun

[Valdimar Samúelsson, 18.11.2011 kl. 15:23]

Ég vil að einhver innan ykkar samtaka skýri það hvort það sé sjálfstæði af fara að lögum annars lands. Þetta er einföld spurning og ætti því að vera einfalt má að svara henni.

[Anna Grétarsdóttir, 19.11.2011 kl. 14:01]

Að fylgjast með ykkur ESB sleikjum, gerir ekki annað en að staðfesta grun minn um að heilbrigð skynsemi er af mjög svo skornum skammti í ykkar herbúðum.