Eyjan: Fríverslunarsamningur ESB og USA í bígerð?

Eyjan segir frá í frétt (ES-bloggið sagði frá þessu fyrir nokkru, en þetta er athyglisvert): "Líkur eru á að Bandaríkin og Evrópusambandið hefji viðræður um fríverslunarsamning á næstunni. Þetta er meðal annars gert til að bregðast við uppgangi ríkja eins og Kína, Brasilíu og Indlands.

Fríverslunarsamningurinn myndi ná yfir öll svið viðskipta, þar með talið landbúnað, að því er vefsíðan Euractiv greinir frá. Tvíhliða viðskipti yfir Atlantshafið nema árlega um 490 milljörðum evra, en slíkur samningur myndi að líkindum stórefla viðskipti þessara tveggja viðskiptablokka.

Sérstakur starfshópur vegna hugsanlegra fríverslunarviðræðna hefur verið stofnaður og er hann leiddur af Ron Kirk viðskiptaráðherra í ríkisstjórn Baracks Obama og Karel De Gucht, framkvæmdastjóra viðskiptamála í framkvæmdastjórn ESB. Það er til marks um alvöru málsins að svo hátt settum einstaklingum sé falið að leiða starfshópinn."

Athugasemdir

[Sigurgeir Jónsson, 10.4.2012 kl. 21:34]

Þetta er eins og hvert annað rugl.Ef Bandaríkin koma að slíkum samningi geta þau lent í því að öll Asíu og Afríkuríkin mýndi viðskiptablokk gegn þeim.Það er ESB sem er með þessa tilburði vegna eigin vandræða.Nei við ESB og vanræðagangi þess og tilburðum við að nauðga Íslandi þar inn.Þar að auki verður kominn nýr forseti Bandaríkjanna eftir ár sem hendir öllu ESB rugli Obama í klósettið.Og ekki mun þetta ESB rugl Obama hjálpa honum í kosningabaráttunni.Nei við ESB.