Felldi banka, studdi Ganley og írska Nei-ið

Declan Ganley(mynd), leiðtogi Libertas-flokksins á Írlandi, er sá maður sem talinn er hafa átt hvað mestan þátt í að Írar sögðu nei við Lissabonn-sáttmálanum í fyrra.  Írar settu fram ákveðnar kröfur vegna sáttmálans og að þeim hefur ESB gengið. Írar ganga til kosninga um Lissabonn-sáttmálann öðru sinni á föstudaginn.

Nú hefur komið í ljós að einn helsti stuðningsaðli Declan Ganley er yfirmaður bresks vogunarsjóðs sem tók stórfelldar stöður gegn írsku bönkunum í fyrra og átti meðal annars þátt í falli Anglo Irish Bank. Um er að ræða Crispin Odey, en hann græddi hundruðir milljóna evra á stöðutöku gegn írsku bönkunum. Í fyrra fékk Odey persónulega 35 milljónir evra í bónusa.

Irish Independent greinir frá þessu og fullyrðir einnig að fleiri breskir fjármagnseigendur standi að baki Ganley, sem sjálfur er víst ekki á flæðiskeri staddur, peningalega séð.

Foringi Já-sinna er hinsvegar forstjóri lággjalda-flugfélagsins RyanAir, Michael O'Leary.

Skoðanakannanir benda til þess að Írar muni samþykkja sáttmálann.

Athugasemdir

[Pétur Guðmundur Ingimarsson (IP-tala skráð) 28.9.2009 kl. 23:51]

Nú kusu Írar gegn helsinu í fyrra, en eru þó látnir kjósa aftur nú. Svona er lýðræðið innan ESB, alþýðan látin kjósa aftur og aftur þangað til „rétt“ niðurstaða fæst.

Evrópusambandið væri ekki til ef þjóðirnar fengju að kjósa aftur eftir að hafa gengist undir vald þess.