Hugemann eða ekki Hugemann, það er spurningin!

Í síðasta sunnudagsblaði Morgunblaðsins, á besta stað, við hlið leiðara, birtist grein eftir Sigfried nokkurn Hugemann, þar sem hann varar Íslendinga við því að ganga í ESB. Eins og nafnið gefur til kynna er Hugemenn útlendingur. Menn hafa verið að velta fyrir sér þessum Hugemann og það gerir t.d. Jóhann Hauksson (mynd), fréttamaður DV á bloggi sínu. Jóhann og fleiri hafa nefnilega reynt að "gúggla" Hugemann, en ekki fundið neitt bitastætt um kappann!

Sagt er að þeir sem séu ekki á Google, séu ekki til! Þetta er náttúrlega grín, en alvara þó. Sérstaklega í ljósi þess að Hugemann titlar sig sem ráðgjafa og segist hafa unnið fyrir fjölda banka í Evrópu. En í hverju var ráðgjöf hans fólgin? Að hafa ,,low profile" eða eitthvað slíkt?

Hvað um það, hér eru pælingar Jóhanns Haukssonar

Athugasemdir

[Kristinn Snævar Jónsson, 6.10.2009 kl. 23:15]

Ég tek undir það að ég varð ekki mikils fróðari um umræddan Hugemann á Google er greinin birtist í Morgunblaðinu, mánudaginn 5. okt. s.l.; við getum þess vegna í gamni kallað hann Sigurð Fáfnisbana eftir fornafni hans í samræmi við hina þekktu goðsögn.

Það sem skiptir mestu máli í sambandi við greinina er hins vegar sá hugvekjandi rökstuðningur og ábendingar sem þar koma fram.

Hér leggur Sigfried þessi til atlögu gegn "dreka" nútímans, sem enn er á söguslóðum goðsögunnar, þ.e. í Evrópu.

Ég hvet fólk til að lesa greinina, hverjar svo sem skoðanir þess liggja núna. Hún ætti að vekja alla lesendur til umhugsunar.

[Kristinn Snævar Jónsson, 6.10.2009 kl. 23:20]

Leiðrétting:

Ég hvet fólk til að lesa greinina, hverjar svo sem skoðanir þess eru núna. Hún ætti að vekja alla lesendur til umhugsunar.

[Jón Steinar Ragnarsson, 7.10.2009 kl. 03:49]

Dæmigert slandur hjá ykkur í stað þess að takast á við efnisatriði greinarinnar.

Hér hafið þið enn og aftur drullað í brækurnar. 

Kannski kemur færsla næst um þaðhvað Eiríkur Bergmann bandamaður ykkar er vitlaus, er það ekki?

[Anna Sigríður Guðmundsdóttir, 7.10.2009 kl. 14:51]

Lesum allt og metum sjálf hvað okkur finnst rétt og hvað rangt út frá okkar eigin hyggjuviti. Allir hafa eitthvað rétt og eitthvað rangt. Hver og einn getur bara lifað eftir sinni tilfinningu og reynt að gera sitt besta.

[Eiður Svanberg Guðnason, 7.10.2009 kl. 16:25]

Er Hugemann ekki bara hugarfóstur þeirra í Hádegismóum ?

[Kama Sutra, 7.10.2009 kl. 16:50]

Ég tek eiginlega undir með Eiði - er nokkuð búið að útiloka að þetta sé "huge man" úr Hádegismóum?