Malta og ESB - hádegisfundur

Ágæta áhugafólk um Evrópumál, Evrópusamtökin og Rannsóknasetur um smáríki við Háskóla Íslands standa fyrir opnum fundi um Möltu og Evrópusambandið.

Fundurinn verður í Kornhlöðunni (bakvið Lækjarbrekkku í Bankastræti 2), þriðjudaginn 27.október, kl. 12. Boðið verður upp á súpu og brauð.

Frummælendur eru tveir sérfræðingar frá Möltu sem hafa mikla reynslu af samskiptum við Evrópusambandið; Dr. Simon Busuttil og Dr. Roderic Pace, stjórnmálafræðiprófessor við Möltuháskóla.

Busuttil er Evrópuþingmaður og var í forsvari fyrir upplýsingamiðstöð um Evrópumál í aðildarviðræðum Möltu og ESB. Hann er talinn hafa staðið sig með eindæmum vel og t.a.m. komu Maltverjar mjög vel út úr könnun um þekkingu á ESB sem talið er að megi rekja til starfa miðstöðvarinnar. Professor Pace er stjórnmálafræðiprófessor við Háskólann á Möltu og hefur m.a. kennt við sumarskólann Háskóla Íslands. Þeir unnu báðir í samninganefnd Möltu á sínum tíma.

Dagskráin er svona:

Malta and the EU: Expectations and Experience
Malta og Evrópusambandið: Væntingar og reynsla

The Influence of a Small New EU Member State
Dr. Simon Busuttil, Evrópuþingmaður  Heimasíða hans 

Adapting to the EU: The Case of Malta
Roderick Pace, stjórnmálafræðiprófessor við Möltuháskóla

Fundarstjóri er Hanna Katrín Friðriksson, MBA.

Athugasemdir

[Snorri Hrafn Guðmundsson, 22.10.2009 kl. 15:01]

Áhugavert.  Er í miklu sambandi við Möltu; löndin eiga margt sameiginlegt. Vil vísa á þessa grein:

Malta and the EU
Michael Debono
Director & Chief Executive Officer of D-Consulta, Malta

[Evrópusamtökin, www.evropa.is, 23.10.2009 kl. 09:55]

Snorri: Athyglisverð grein! Íslendingar og Möltubúar eiga margt sameiginlegt og samstarf þessara landa væri mjög áhugavert innan ESB (ef til þess kemur!)

[Snorri Hrafn Guðmundsson, 24.10.2009 kl. 14:19]

Hef verið á Möltu og er ágætlega tengdur.  Maltverjar og Íslendingar hugsa keimlíkt, þeir með Ítali, Grikki, Spánverja og Portúgali við hlið en við með Dani, Norðmenn, Svía og Finna. Eini verulegi munurinn er að þeir hafa engar sérstakar auðlindir nema eigið hugvit og það nýta þeir að fullu.