Nýtt fréttabréf um Ísland og ESB

Fastanefnd framkvæmdastjórnar ESB fyrir Ísland og Noreg, með aðsetur í Osló, gefur reglulega út fréttabréf sem tengjast ESB og málum þess. Eitt nýtt slíkt er nú komið út. Það má nálgast hér. Þar skrifar sendiherra ESB gagnvart Íslandi og Noregi, Percy Barnevik. Hann spyr þessarar spurningar: Er það virkilega svo að ESB ráði yfir náttúruauðlindum aðildarríkja ESB ?

Evrópukosningar hafnar

Kosningar til Evrópuþingsins hefjast formlega í dag og standa fram á sunnudag. Kosið er um 736 þingmenn í 27 aðildarríkkjum ESB. Búist við að þátttaka í kosningunum verði lakari en síðast, en þátttaka hefur farið minnkandi, þeirri staðreynd er ekki hægt að neita. Þátttakan er þó mjög mjög mismunandi á milli landa, t.d. er hún mjög góð í Belgíu (90% 2004) og hinum Benelux-löndunum, en lítil í Bretlandi, þar sem þátttaka í almennum kosningum getur verið mjög slæm (61% 2005, 38% í Evrópuþingskosningum 2004).

 Evrópuþingið tekur hinsvegar á mjög veigamiklum málum, s.s. loftslagsmálum og áhrif þess fara vaxandi. Slíkt er einnig ætlunin með Lissabonn-sáttmálanum, þ.e. að auka völd Evrópuþingsins. Það má kannski segja að Evrópuþingið sé að fjalla um mál sem almenningur finnur kannski ekki mikið fyrir dags daglega. Það fjallar t.d. ekki um skólamál eða heilbrigðismál eða önnur þau málefni sem ríkisstjórnir landanna sjálfra taka ákvarðanir um. Um 375 milljónir eru á kjörskrá.

Í Speglinum í gær var ágætt viðtal við Dr. Baldur Þórhallsson um Evrópukosningarnar.

Hlusta: http://dagskra.ruv.is/ras2/4463006/2009/06/02/3/

Vefur Wikipedia um Evrópuþingið: http://en.wikipedia.org/wiki/European_Parliament

Evrópuþingið sjálft (á ensku): http://www.europarl.europa.eu/news/public/default_en.htm

Kosningarnar: http://en.wikipedia.org/wiki/European_Parliament_election,_2009

Efnahagsleg bremsa

Áhugavert efni úr Úr MBL, 2.6.09, bein tilvitnun:

"FYRIRTÆKIÐ Applicon ehf., dótturfélag Nýherja, hefur allt frá því bankarnir fóru á hliðina hér á landi í október á síðasta ári lagt áherslu á að koma starfsmönnum fyrirtækisins í störf á erlendri grundu.

Ingimar G. Bjarnason, framkvæmdastjóri Applicon, segir að unnið hafi verið markvisst að þessu. Nú þegar hafi átta sérfræðingar fyrirtækisins farið til starfa erlendis í mislangan tíma og stefnt sé markvisst að því að koma fleirum út á næstu misserum.

„Við gerðum okkur grein fyrir því hvert stefndi síðastliðið haust og hófumst strax í nóvember handa við að reyna að verða okkur úti um verkefni erlendis,“ segir Ingimar. „Enn sem komið er höfum við einungis náð að tryggja okkur um 5-10% af þeim fyrirspurnum sem okkur berast. Þetta er því enn óplægður akur fyrir okkur. Í sumum tilvikum höfum við ekki haft þekkinguna, en í öðrum hafa keppinautar orðið fyrir valinu eða talið áhættusamt að bjóða í stærri verkefni vegna óvissu með gengisþróun. Sveiflur í gengi krónunnar hafa mikil áhrif á hvort okkur tekst að koma fólki í verkefni út. Það er því lykilatriði að hér skapist jafnvægi í gengismálum á næstunni. Þrátt fyrir þessa annmarka er verulegur áhugi á íslensku starfsfólki í þekkingariðnaði. Við höfum orð á okkur fyrir að vera vel menntuð, með breiða þekkingu á viðfangsefnunum og göngum með réttu hugarfari að þeim verkefnum sem okkur eru falin hverju sinni. Starfsmenn Applicon hafa fengið mjög góða umsögn hjá þessum erlendu viðskiptavinum. Við gerum okkur ágætar vonir um að þessi leið skili okkur fleiri og spennandi verkefnum þegar fram líða stundir. Það má líta á þessa vinnu sem maraþon; árangurinn næst ekki strax heldur þurfum við að vera vakandi yfir þeim tækifærum sem bjóðast og styrkja enn frekar þá reynslu sem við höfum af alþjóðlegum verkefnum. Þannig getum við viðhaldið þekkingu innan fyrirtækisins og verðum í stakk búin til að takast á við ný verkefni þegar þau bjóðast hér á landi síðar.“ (Feitletrun, bloggari ES)

Þessi rödd úr viðskiptalífinu segir kannski það sem segja þarf um þau höft sem krónan og staða gjaldeyrismála halda þjóðinni í. Þetta er lýsing á efnahagslegri bremsu!

Fyrirsögn fréttar: Sveiflur í gengi krónunnar hafa mikil áhrif á árangurinn

Stefanía greinir ESB-málið

Stjórnmálafræðingurinn Stefanía Óskarsdóttir hefur að undanförnu látið að sér kveða í umræðunni um ESB og ritar tvær,,greiningar" á ESB-málinu á vefsvæðið Pressuna (www.pressan.is). Fyrir áhugasama er það þess virði að lesa Stefaníu, en það er á hægt á þessum slóðum. Einnig væri gaman að heyra í fleiri konum um þessi mál, á því er mikil "karla-slagsíða." ESB-málið er að sjálfsögðu fyrir alla!

ESB, þingið og þjóðarvilji (29-5-09)  

Hliðarspor Evrópuhraðlestarinnar (2-6-09)

Sjávarútvegsmál: Össur kynnir sér reynslu Möltu

Frá því var sagt í hádegisfréttum RÚV að Össur Skarphéðinsson, utanríkisráðherra, er staddur á Möltu til að kynna sér reynslu þeirra af sjávarútvegsmálum ESB. Malta gekk í ESB árið 2004 og fékk landið hagstæðar undanþágur og ákvæði fyrir sjávarútvegsmál. Össur hyggst kynna sér reynslu fleiri ríkja á ferð sinni.

RÚV/texti: http://ruv.is/heim/frettir/frett/store64/item276763/

Hlusta: http://dagskra.ruv.is/ras2/4435679/2009/06/02/6/

Frétt Malta Indpendent: www.independent.com.mt/news.asp?newsitemid=88924

Pressan.is

Árni Þór um ESB-tillögur

Árni Þór Sigurðsson, formaður utanríkismálanefndar skrifar pistil á www.pressan.is um þá meðferð sem ESB-málið fær á næstunni. Málið fer s.s. til umfjöllunar í nefndinni og það þýðir að athyglin eykst verulega á þeirri nefnd. Meðal annars hefur verið rætt um að fundirnir verði opnir, en bloggara er þó ekki kunnugt um hvort sú verður raunin. Það sem hinsvegar skiptir lykilmáli í sambandi við ESB-málið er að það fái faglega umfjöllun í nefndinni, undir stjórn Árna. Það er hlutverk fastanefnda Alþingis að fjalla faglega um mál, sem á dagskrá eru.

Slóð nefndarinnar: http://www.althingi.is/vefur/ut.html?lthing=.&nefnd=ut

 

 

Írland: Aukinn stuðningur við Lissabonn-sáttmála

Í frétt The Irish Times í dag segir að stuðningur við Lissabonn-sáttmálann fari nú vaxandi þar í landi. Samkvæmt fréttinni myndu 54% Íra segja JÁ við sáttmálanum, væri kosið í dag. Um fjórðungur myndi segja NEI.

Krækja á fréttina.