...þetta er bara byrjunin

Ólafur Stephensen, nýr ritstjóri Fréttablaðsins, skrifar leiðara í blaðið í dag um ESB-málið og þá staðreynd að samningaviðræður þess og Íslands séu að hefjast. Megin áhersla Ólafs er þó að hinar eiginlegu samningaviðræður séu eftir. Hann segir m.a.:

,,Samningaviðræðurnar, sem framundan eru, snúast um það að hversu miklu leyti Ísland getur fengið fram breytingar á afstöðu Evrópusambandsins í mikilvægum málaflokkum. Hvort hægt sé að fá fram einhverjar undanþágur eða aðlögun eða vinna að því að breyta reglum sambandsins, þannig að þær henti Íslandi betur. Dæmin sanna að ESB hefur ævinlega verið reiðubúið að koma til móts við væntanleg aðildarríki á þeim sviðum, sem varða þeirra mikilvægustu þjóðarhagsmuni. En slík tilslökun fæst yfirleitt ekki fyrr en á lokaspretti viðræðna."

Meira hér

(Mynd: FRBL)

Valgerður um dýrð einangrunarinnar

Valgerður Bjarnadóttir, þingkona, skrifar ágætan pistil um Evrópumál á vefsíðuna Herðubreið, undir fyrirsögninni DÝRÐ EINANGRUNARINNAR. Þar segir hún m.a.: ,,

Þeir sem eru andvígir eiga einnig eftir að halda uppteknum hætti og færa úr lagi allt sem fram kemur í þessum málum. Það var örugglega ekki í síðasta sinn á miðvikudag sem Árni Johnsen líkir Evrópusambandinu við Sovét, svo réttmætt sem það nú er. Einungis lýðræðisríki geta orðið aðilar að Evrópusambandinu. Lýðræði verður að ríkja í þeim löndum sem samningarviðræður eru hafnar við. Við Árni Johnsen erum örugglega sammála um að ekki fór mikið fyrir lýðræðinu í gamla Sovét."

Restin er hér

Bændur gerðu könnun

Við setningu Búnaðarþings í gær kynntu Bændasamtökin könnun sem þau létu gera, Í henni kemur fram að um 55% landsmanna eru andvíg inngöngu Íslands í ESB, en 33% er því fylgjandi og um 10% voru óákveðin.  Þar kom einnig fram að stór hluti landsmanna treystir ekki stjórnvöldum til þess að gæta hagsmuna Íslands í málinu.

Þess könnun segir aðeins að það er víðtæk tortryggni í íslensku samfélagi, gagnvart helstu stofnunum þess og aðilum.  

Norskir bændur: Styðja NEI, NEI, NEI-stefnu íslenskra

Búnaðarþing var sett í gær og þar eru að sjálfsögðu erlendir gestir.M.a. Brita Skallerud, varaformaður norsku bændasamtakanna. Við skulum kíkja á bút úr ræðu hennar:

,,Við í Norges Bondelag, og ég get sagt yfir helmingur norsku þjóðarinnar, óskum þess að Ísland standi áfram utan Evrópusambandsins. Ég veit að framkvæmdastjórn þess hefur sagt að þið uppfyllið almennar kröfur til þess að verða aðildarland. Meðal annars að þið standið sterk efnahagslega, þrátt fyrir allt. Það var greint frá því í norska útvarpinu á miðvikudaginn að lönd hallist að Evrópusambandinu á erfiðleikatímum. Það eru einungis tvö lönd sem það hafa ekki gert og það eru Noregur og Sviss. Þau urðu líka ekki meðlimir sambandsins. Það eru sjávarútvegur, landbúnaður og umhverfismál sem líklega eru erfiðustu málaflokkarnir. Ég er sannfærð um að það er mögulegt að sannfæra Íslendinga um að segja nei við aðild. Þið hafið stuðning Noregs og við munum leggja eins mikið og við getum af mörkum. Með reynslu okkar af tveimur Evrópusambandskosningum, sem við höfum gegn öllum líkum sigrað, í farteskinu getum við vonandi orðið að gagni hér á landi."

Greinilegt er að norskir bændur mun styðja þá íslensku með ráðum og dáð, til þess að segja NEI, til þess að taka ekki þátt í þeirri lýðræðislegu umræðu sem þarf að fara fram um ESB-málið og þeirri ábyrgð sem menn taka á sig í þessu máli. En bloggari hélt að Norðmenn, og norskir bændur, héldu fána lýðræðislegrar umræðu á lofti. En það er kannski svo að það skiptir ekki máli í þessu samhengi, að NEI-íslenskra bænda sé hreinleg mikilvægara!

En greinilegt er að íslenskir bændur eru búnið að ákveða að verða s.k. "gullagull" og líklegt að þeir ætli algerlega að firra sig ábrygð á ESB-málinu (sjá umfjöllun hér að neðan). Og þetta ætla norsku bændasamtökin að styðja. Er þetta

Rétt eins og íslenskur landbúnaður er norskur landbúnaðu lítil atvinnugrein, mikilvæg, en nýtur mikils ríkisstuðnings. Framlag norsks landbúnaðar er um 3% af þjóðarframleiðslu. Íslenskur landbúnaður stendur fyrir um 1.1% af þjóðarframleiðslu Íslands. Stuðningur ríkisvaldsins á fjárlögum fyrir árið 2010 er um 10 milljarðar til handa íslenskum landbúnaði. Á fjárlögum má sjá tölurnar:

04-801 Greiðslur vegna mjólkurframleiðslu
Almennur rekstur:
1.01 Beinar greiðslur til bænda .... . . 4.681,0
1.02 Lífeyrissjóður bænda . . . . . .... . . 115,0
1.05 Kynbóta- og þróunarstarfsemi. . . 139,0
1.06 Gripagreiðslur . . . . . . . . . . . . . . . 553,0
1.07 Óframleiðslutengdur stuðningur .  161,0
Almennur rekstur samtals . . . . . . . . . 5.649,0
Gjöld samtals . . . . .. . . . . . . . . . . . . . 5.649,0
Fjármögnun:
Greitt úr ríkissjóði . . . .  . . . . . . . . . . . . 5.649,0
04-805 Greiðslur vegna sauðfjárframleiðslu
Almennur rekstur:
1.01 Beinar greiðslur til bænda . . . . . . . . 2.122,0
1.02 Lífeyrissjóður bænda . . . . . . . . . . . . . . 63,0
1.11 Gæðastýring . . . . . . . . . . . . . . . . . . 1.110,0
1.12 Ullarnýting . . . . . . . . . . . . . . . . . . . . . 347,0
1.14 Svæðisbundinn stuðningur . . . . . . . . . . 53,0
1.15 Nýliðunar- og átaksverkefni . .. . . . . . . . 99,0
Almennur rekstur samtals . . . . . . .  . . . . . 4.165,0
Gjöld samtals . . . . . . . . . . . . . . . . . . . . . . 4.165,0
Fjármögnun:
Greitt úr ríkissjóði . . . . . . . . . . . . . . . 4.165,0

Í rekstrur sjálfra Bændasamtakanna fer um hálfur milljarður:

04-811 Bændasamtök Íslands
Almennur rekstur:
1.11 Ráðgjafaþjónusta og búfjárrækt  . . . . . . 468,6
1.13 Þróunarverkefni og markaðsverkefni . . . . . 70,0
Almennur rekstur samtals . . . . . . . . . . . . 538,6
Gjöld samtals . . . . . . . . . . . . .  . . . . 538,6
Fjármögnun:
Greitt úr ríkissjóði . . . . . . . . . . . . . . 538,6