Hádegisfundur um ESB

Vekjum athygli á þessum áhugaverða fundi hjá Alþjóðamálastofnu H.Í.

Yfirskrift: Þarf að sækja strax um aðild að Evrópusambandinu?

Frekari upplýsingar hér 

Áhugavert um sænskan landbúnað í DV

Hinn reyndi blaðamaður DV, Jóhann Hauksson, hefur töluvert skrifað um sænskan landbúnað og reynslu sænskra bænda af ESB. Fyrir skömmu birtist mjög áhugvert viðtal við helsta sérfræðing sænsku bændasamtakanna, Peter Lundberg. Hann talar m.a. um það sem sænskir bændur stóður frammi fyrir, við aðild:

,,Við stóðum frammi fyrir erfiðleikum vegna ákvarðana stjórnvalda um umfangsmiklar breytingar á stýringu landbúnaðarframleiðslunnar. Við sáum líka mikil tækifæri á sameiginlegum Evrópumarkaði fyrir sænskar landbúnaðarafurðir. Almennt séð töldu sænsku bændasamtökin að Evrópusambandið væri eftirsóknarvert sem vettvangur fyrir sameiginlegan markað. Þessi afstaða tók ekki aðeins til beinna hagsmuna bænda og búvöruframleiðslunnar, heldur einnig til leitarinnar að meiri stöðugleika fyrir landbúnaðinn í heild sinni. Þarna voru vitanlega tækifæri fyrir sænskar búvörur á stórum markaði. Það er löng hefð fyrir frjálsri verslun í Svíþjóð en bændur eins og aðrir vita einnig að allar breytingar fela í sér áhættu."

Um Ísland og Noreg og bændur þessara landa segir Peter síðar í viðtalinu:

„Ég mundi mjög gjarnan vilja sjá Íslendinga og Norðmenn ganga í Evrópusambandið. Þannig gætum við þróað og samhæft samvinnu landanna enn frekar innan sambandsins. Það bendir allt til þess að norskur og íslenskur landbúnaður geti átt góða framtíð innan Evrópusambandsins. Það er nefnilega þannig að framtíð landbúnaðar í einstökum aðildarlöndum ræðst að mestu innan hvers þjóðríkis en ekki af Evrópusambandinu."

Þetta áhugaverða viðtal er að finna hér í heild sinni:

http://www.dv.is:80/brennidepill/2009/4/29/saenskir-baendur-og-esb/

Yfir 13000 á SAMMÁLA!

Nú eru þeir sem hafa skráð sig á www.sammala.is komnir yfir 13.000 talsins! Óhætt er að segja að viðbrögðin við þessu framtaki hafi verið frábær. Hvetjum enn til þess að fólk skrái sig til stuðnings því brýna hagsmunamáli að sækja um aðild að ESB.

Úr auðlindaskýrslu Sjálfstæðisflokksins!

Í tengslum við auðlinda-umræðuna og ESB er algengt sjónarhorn Nei-sinna að auðlindir þjóðarinnar eins og jarðhitinn, fallvötnin og hugsanleg olía, falli undir lögsögu ESB. Í þeim efnum er gott að vísa á auðlindaskýrslu Evrópunefndar Sjálfstæðisflokksins. Þeim sem fylgjast með Evrópuumræðunni er kunnugt um afgstöðu flokksins til Evrópu sem varð ofan að loknum landsfundi. Í umræddri skýrslu segir meðal annars:

,,Niðurstaða undirritaðra er að aðild að sambandinu muni ekki hafa verulegar breytingar á málefni er tengjast raforku, vatni, jarðvarma, olíu og gasi. Aðild að ESB hefði engin áhrif á yfirráð Íslands yfir Drekasvæðinu. Aðildin mun heldur ekki hafa verulegar breytingar á regluverkið er gildir um hálendið eða á málefni Norðurheimskautsins."

Sjá;  http://www.evropunefnd.is/audlindir/drog/3/

Þessu til stuðnings má einng benda á frétt MBL, þar sem rætt er við orkumálastjóra, Guðna Jóhannesson, sem segir hið sama. Lesið fréttina hér

Evrópusamtökin hvetja til þess að svara rangfærslum Nei-sinna við sem flest tækifæri og með hjálp nútíma samskiptatækni.

Lífseigar bábiljur, Aðalsteinn Leifsson í MBL.

Vekjum athygli ykkar á mjög góðri grein Aðalsteins Leifssonar(mynd), lektors við HR, í Morgunblaðinu í dag. Þar fjallar hann um eitt helsta álitamál þjóðarinnar í samskiptum við Evrópusambandið, þ.e. framtíð íslensk sjávarútvegs innan ESB. Í sjálfu sér kemur ekkert nýtt fram í grein Aðalsteins, en það virðist vera að gamla bábyljan, um að hér myndi allt fyllast af erlendum togurum, dúkki upp aftur og aftur.

Þess má geta að Aðalsteinn er einn helsti sérfræðingur þjóðarinnar í málefnum Íslands og Evrópusambandsins og hefur margra ára reynslu sem starfsmaður utanríkisþjónustunnar, EFTA og starfsmaður margra nefnda Alþingis sem hafa farið yfir málefni Íslands og ESB.

Það er því mikilvægt að halda þessum staðreyndum til haga. Aðalsteinn segir meðal annars:

,,Stærsta bábiljan í Evrópuumræðunni er sú að kvóti færist frá íslenskum stjórnvöldum til annarra aðildarríkja Evrópusambandsins. Staðreyndin er sú að allur kvóti í staðbundnum stofnum umhverfis Ísland verður áfram í höndum íslenskra stjórnvalda eftir aðild að Evrópusambandinu. Samkvæmt gildandi reglum Evrópusambandsins er kvóti í höndum þeirra ríkja sem hafa veiðireynslu í viðkomandi fiskistofni. Ekkert aðildarríkja ESB hefur veiðireynslu umhverfis Ísland í meira en 30 ár. Aldrei hefur verið litið lengur en 9 ár aftur í tímann þegar veiðireynsla er metin.  Þess vegna fer því víðsfjarri að við ESB aðild Ísland muni erlendir togarar gera sig heimakomna í íslenskri lögsögu. Við þurfum hvorki undanþágu eða sérlausn til þess að tryggja að allur kvóti verði í höndum Íslands eftir aðild að Evrópusambandinu. Þetta er mikilsverð staðreynd  sem áhrifamenn í framkvæmdastjórn ESB hafa ítrekað staðfest, m.a. á opnum fundum á Íslandi......

Reglunum um eignarhald á kvóta á grunni veiðireynslu hefur hins vegar aldrei verið breytt og er einn af hornsteinum núverandi sjávarútvegsstefnu ESB. Breytingar eru ákafalega ósennilegar því þær hefðu í för með sér að verðmæti væru færð frá einu aðildarríki til að láta þau í hendur annars. Ef Íslendingar vilja fá algera staðfestingu á því að kvóti í staðbundnum stofnum verði í höndum Íslands, þá má setja ákvæði þess efnis í aðildarsamninginn. Aðildarsamningar hafa sama lagalega gildi og sáttmálar sambandsins og yrði því ekki breytt nema með samþykki Alþingis eða í þjóðaratkvæðagreiðslu á Íslandi. Með þessu væri gulltryggt að allur kvóti í staðbundnum stofnum innan íslensku lögsögunnar verði í höndum Íslands til frambúðar."

Hvetjum alla til að lesa þessa grein.

Blogg Hallgríms

Vekju athygli á góðri færslu á blogginu: http://blog.eyjan.is/ho/ eftir Hallgrím Óskarsson.

 

Leiðarar 27.4.09

Fréttablaðið tekur saman niðurstöður kosninganna í þessum leiðara og segir m.a. að aðildarumsókn að ESB hljóti að vera forgangsmál nýrrar ríkisstjórnar

Morgunblaðið skrifar einnig um kosningarnar í leiðara mánudagsins 27.4 og segir þar m.a:

,,Styrkjamálin, sem komu upp skömmu fyrir kosningar, hafa ekki hjálpað flokknum og ekki heldur Evrópustefnan, sem olli því að einhverjir rótgrónir kjósendur hans kusu fremur Samfylkinguna eða Framsóknarflokkinn." Og í lokin segir þetta: ,,Verði samið um aðild að ESB verður að rjúfa þing og ganga til kosninga til að koma fram nauðsynlegum stjórnarskrárbreytingum vegna aðildar. Og það er líka ögn þverstæðukennt, en af þeirri ástæðu er það orðið hagsmunamál Sjálfstæðisflokksins að samið verði um aðild að Evrópusambandinu sem fyrst."

Leiðarinn í heild sinni er hér

Nægjanleg rök fyrir aðild?

Vert er að benda á þessa frétt á ESB-síðu MBL: Vaxtaávinningur af ESB-aðild: 228 milljarða lækkun

Er ekki til einhvers að vinna?

ESB og bloggið

Málefni tengdu hugsanlegum aðildarviðræðum tröllríða nú bloggheimum. Sitt sýnist hverju og er það eðlilegt.
Evrópusamtökunun langar að benda á ágætan pistil hjá Hallgrími Óskarssyni Eyjubloggara á http://blog.eyjan.is/ho/ Þar veltir hann upp kostum og göllum aðildar og nær fram nokkuð málefnalegum umræðum í kjölfarið. Við hvetjum ykkur til að skoða þessa færslu.

Yfir 12600 SAMMÁLA!!

Fjöldi þeirra sem skrá sig á síðuna www.sammala.is eykst stöðugt. Nú eru rúmlega 12600 Íslendingar búnir að skrá sig. Eins og kunnugt er berst þessi félagsskapur fyrir aðildarumsókn að ESB. Úrslit kosninganna eru samhljóma þessum hugmyndum. Greinilegt er að mjög stór hluti Íslendinga vill aðildarviðræður, hinir pólítísku vindar á Íslandi blása til Evrópu.