Grímur um "hagsmuni hinna fáu"

Grímur Atlason, Eyjubloggari, ræðir einnig ESB-málin í sínum nýjasta pistli og segir m.a.:

" Hef verið að tjá mig um ESB umræðuna og vald hinna fáu á kostnað fjöldans   Þetta hefur farið fyrir brjóstið á sumum ef marka má ummæli hér og á fésbók. Ekki síst fór vanþóknun mín á vægi fámennra, háværra og einangraðra hagsmunahópa í umræðum um hugsanlega aðild Íslands að sambandinu, fyrir brjóstið á nokkrum pennum. Ég byggði þessa vanþóknun mína á þessu:  

Ungbændur eru m.a. á móti ESB vegna ímyndaðrar herskyldu þeirra í framtíðinni. Síðan er það forystan í Bændahöllinni sem segir að ósaminn mögulegur samningur okkar að ESB muni leiða hana og þjóðina alla í glötun. LÍÚ eru á því að 180 stórskuldugir aðilar verði að eiga kvótann og „yfirráð“ þessara sömu aðila á auðlindinni sé upphaf og endir alls. Þessir strákar eru að auki með afskrifaða milljarða eftir fáheyrt hlutabréfafyllerí sem við erum enn að borga fyrir. ESB virðist þannig vera skrattinn sjálfur í augum þessara hópa og það fáum við að heyra daglega í keyptum miðlum þeirra og víða annar staðar.

Þrátt fyrir ramakvein og ýmis skot úr hornum stend ég algjörlega við þessa skoðun mína. Ég held ég hér sé dæmi um þá hálfgerðu plágu hér á landi sem er sú hvað fáir ráða ótrúlega miklu langt umfram tilefni. Það eru þeir örfáum sem gala hæst og þeirra er gjarnan niðurstaðan. Þetta hefur grafið um sig í samfélaginu."

Allur pistill Gríms

 

Illugi Jökulsson: MIKIÐ GÆFUSPOR FYRIR ÍSLENDINGA

Í nýlegri færslu á blogg sitt, Trésmiðjuma, skifar Illugii Jökulsson um ESB-málið:

 "Mér finnst það merkur og góður áfangi að alvöru viðræður um inngöngu Íslands í sambandið séu í þann veginn að hefjast.

Ef af inngöngu verður, getur það orðið mikið gæfuspor fyrir Íslendinga.

Það mun efla stöðugleika í landinu, bæta stjórnsýslu, styrkja velferð og lækka matarverð."

Og síðar segir: " Það eina sem ef til vill gæti orðið til þess að ég greiddi atkvæði gegn væntanlegum aðildarsamningi við ESB væri ef við færum eitthvað sérlega illa út úr sjávarútvegsmálunum.

En til þess eru viðræðurnar að komast að því - og við getum grætt svo margt annað á aðild að ESB að það væri fáránlegt, já, það væri dónaskapur við komandi kynslóðir, að halda ekki áfram viðræðunum af fullri einurð og hörku, í þeirri von og trú að út úr sjávarútvegsmálunum komi eitthvað sem við getum vel sætt okkur við.

Látið nú ekki hræðsluáróður sjálfhverfra hagsmunaaðila draga úr ykkur kjark, gott fólk. Við eigum að ganga stolt til samstarfs við aðrar þjóðir, ekki einangra okkur hér svo smákóngar vorir fái enn um sinn stjórnað leifum herja sinna í rústunum.

Nei, aðildarviðræður við ESB eru mesta tækifæri sem Ísland hefur fengið til að bæta sinn hag í langan, langan tíma.

Notum það tækifæri, glutrum því ekki niður."

(Mynd: DV)

Uffe Elleman: Íslendingar tapa ekki sjálfstæðinu við ESB-aðild

Moggi gerir sér mat úr nýjustu bloggfærslu Uffe Elleman Jensen, fyrrverandi utanríkisráðherra Danmerkur. Best að gera það líka! Uffe segir að það sé of snemmt fyrir Ísland að ganga í ESB. Hér má lesa frétt MBL

Uffe fer víða í færslunni, sem er ítarleg. Hann segist vera mikil fylgismaður þess að bæði Ísland og Noregur gangi í ESB og telur aðild til mikilla hagsbóta fyrir bæði löndin. Hinsvegar talar hann um að vegna "stemningarinnar" í landinu (vondir útlendingar og allt það, innskot ES-blogg), sé et.v. betra að bíða.

"Selv om jeg er varm tilhænger af at få Island og Norge med i EU – og selv om jeg tror på, at det vil være en enorm fordel for begge lande at komme med – så tror jeg alligevel på, at det kan være det bedste at vente til situationen er en anden."

Uffe skrifar síðan: "Det forudsætter en indgående diskussion internt i Island, renset for de overdrivelser og den selvopgivenhed, som præger situationen i dag. Men først og fremmest en forståelse for, at det at gå med i EU ikke handler om at opgive sin selvstændighed. Her kunne lande som Danmark og Sverige og – især – Finland gøre en god gerning ved at bidrage med egne erfaringer."

Hann telur að staðan á Íslandi í dag sé "ýkt" (overdrivelser) og að hún einkennist af uppgjöf (selvopgivenhed) . Uffe telur að umræðan þurfi að breytast, að ítarleg umræða sé forsenda þess að ganga í sambandið.

Hann segir það líka vera forsendu að skilja að aðild að ESB feli EKKI í sér afsal sjálfstæðisins. Sem dæmi til stuðnings nefnir Uffe Elleman, nágrannalönd okkar; Danmörku, Svíþjóð og Finnland.

En er mat Uffe rétt? Hversvegna að bíða? Það hefur verið tekin lýðræðisleg ákvörðun um að sækja um (búið) og nú taka aðildarviðræður við. Úr þeim verður til aðildarsamningur, sem hin forna lýðræðisþjóð, Ísland, á að kjósa um í þjóðaratkvæðagreiðslu. Þetta tekur tíma, bið er ekki af hinu góða. Það er of mikið í húfi. Þeir sem vilja bíða og jafnvel draga umsóknina til baka eru þeir sem hafa hag af óbreyttu ástandi eða eru hræddir við breytingar.

Íslendingar er langþreyttir á óðaverðbólgu, "óða"-vöxtum og landið er með gjaldmiðilinn í öndunarvél!

Uffe líkir málinu við glímu laxveiðimannsins við laxinn. Vissulega getur sú barátta tekið langan tíma, sterkur lax er seinþreyttur, því þarf veiðimaðurinn á að halda allri sinni þekkingu og klókindum til að landa skepnunni. Og þetta er heiðarlega barátta.

Það sama gildi kannski um komandi ESB-ferli, þar þarf að beita þekkingu og klókindum, til að landa samningi, sem síðar verður kosið um.

 

Timo Summa: Ávinningur Íslands mikill

Fréttablaðið birti í gær viðtal við sendiherra ESB á Íslandi, Timo Summa. Tilefnið er opnun aðildarviðræðna Íslands og ESB.

Grípum aðeins niður í viðtalið:

" Ávinningur Íslands mikill

Til umræðu hefur verið að draga aðildarumsóknina að ESB til baka og hefur Sjálfstæðisflokkurinn til að mynda ályktað í þá veru. Summa vildi ekki svara því hvernig ESB myndi taka því ef umsóknin yrði dregin til baka. Hann segir að ríkisstjórnin hafi sótt um aðild og sambandið muni því setjast við samningaborðið af heilum hug. Það sé Íslendinga að ákveða hvernig haga skuli umsókninni. Hann hefur hins vegar litlar áhyggjur af því að samskipti Íslands og ESB kunni að súrna hafni Íslendingar að lokum aðild í þjóðaratkvæðagreiðslu. "Með aðild Íslands að EES og Schengen-samningunum er landið nú þegar í nánu samstarfi við ESB og það mun ekki breytast. Viðræðuferlið mun leiða til þess að aðilarnir öðlist meiri skilning hvor á hinum. Ég held því að það muni hafa jákvæð áhrif á samstarfið hvernig sem þjóðaratkvæðagreiðslan svo fer."

Summa segist hafa orðið var við að margir Íslendingar líti til fordæmis Noregs sem hefur kosið að standa utan við ESB. Hann segir samanburðinn ekki endilega heppilegan. "Ísland er ekki Noregur. Ef þú berð löndin saman þá sérðu fljótt að þau búa við mjög ólíkar aðstæður. Tækifæri þeirra og áskoranir eru ólíkar og til að mynda hentar evran ekki Norðmönnum en hún hentar Íslendingum vel. Ávinningur Íslands af því ganga í ESB yrði gríðarlega mikill til langs tíma séð. Noregur hefur efni á því að standa fyrir utan en Ísland hefur það trauðla."

Margir Íslendingar hafa áhyggjur af því að áhrif Íslands innan sambandsins verði lítil þegar á hólminn er komið. Summa telur ekki ástæðu til þess að óttast það. "Lítil lönd í ESB, á borð við heimaland mitt Finnland, geta haft mjög mikil áhrif ef þau eru virk innan sambandsins og beita sér fyrir þeim málefnum sem skipta þau máli. Auðvitað hafa lönd mismikið vægi þegar kemur til atkvæðagreiðslna en það er nær aldrei gripið til þeirra. Yfirleitt er ferlið þannig að ákvörðunum er frekar slegið á frest ef ekki næst samstaða um þær en síður kosið um þær. Ég hef stýrt yfir hundrað stórum fundum aðildarríkjanna og á þessum fundum hefur aldrei, ekki einu sinni, verið kosið um niðurstöðuna. Ríkin setjast niður, rökræða og komast að niðurstöðu sem allir geta sætt sig við."

Allt viðtalið

 

Framkvæmdastjóri NEI-sinna: Kallar Össur lygara

Það er ljóst að NEI-sinnar Íslands eru tjúllaðir vegna þess að samningaferli Íslands og ESB er formlega hafið. Menn missa sig algerlega og AMX-vefnum, mest hægri af öllu hægri hér á landi, ofbýður.

Dæmi: Framkvæmdastjóri NEI-samtakanna, bloggarinn Páll Vilhjálmsson, kallar Össur Skarphéðinsson,utanríkisráðherra landsins, lygara:

"Lygi til heimabrúks, um að Ísland væri á leið í könnunarviðræður, og lygi á erlendum vettvangi, t.d. að þjóðin standi að baki umsókn Samfylkingar, er starfsaðferð Össurar Skarphéðinssonar utanríkisráðherra. Hér heima hefur Össuri orðið ágengt og á sæti í ríkisstjórn."

Morgunblaðið vitnar núorðið oft í PV. En meira að segja AMX-vefnum ofbýður orðfæri framkvæmdastjórans og þar segir um tilvitnunina hér að ofan:

"Þó smáfuglarnir hefðu valið mildari orð en Páll verður ekki undan því vikist að viðurkenna að Páll hefur rétt fyrir sér. Össur sagði viðræðurnar við ESB vera könnunarviðræður en nú er orðið ljóst það sem bent var á að þær eru fátt annað en fullgildar aðildarviðræður þar sem Ísland lagar sig að ESB - en ekki öfugt."

AMX-menn geta ekki á sér setið og taka undir þetta, kalla þar með Össur einnig lygara.

ÞAÐ ER MEÐ ÓLÍKINDUM HVAÐ LAGST ER LÁGT!

Baldur á BBC um Evrópumálin - Einar og Anders einnig í SR

Dr. Baldur Þórhallsson var gestur í The World Today á BBC í gær þar sem Evrópumálin voru rædd.

Hægt er að hlusta hér:

Og fyrir þá sem hlusta á og skilja sænsku, þá voru Einar Karl Haraldsson og sendiherra Svía á Íslandi, Anders Ljunggren í sænska útvarpinu (SR) að ræða sama mál.

Séra Þórir um ósýnilegan her, MBL ofl.

Sr. Þórir Stephensen, rótgróinn sjálfstæðismaður, skrifar í dag góða grein í Morgunblaðið í dag undir fyrirsögninni EVRÓPUHERINN ÓSYNILEGI. Í henni segir Þórir meðal annars:

" Morgunblaðið (Mbl) hefur stundað það undanfarið ár að gera hugsanlega aðild okkar að ESB tortryggilega. Blaðið hæðist að því, þegar talað er um að taka »upplýsta« ákvörðun í þessu máli. Upplýst ákvörðun felst í því að taka aðildarsamninginn, lið fyrir lið, og útskýra fyrir þjóðinni hvað hann myndi þýða fyrir líf okkar, atvinnu, menningu, alþjóðleg samskipti, peningamál og margt fleira. Að lokinni slíkri kynningu vilja menn að þjóðin tjái vilja sinn í almennri atkvæðagreiðslu. Þetta er, held ég, sannleikurinn um upplýsta ákvörðun. Leiðarahöfundur Mbl hæðist að þeim sem svona hugsa og segist vera með svörin á reiðum höndum. Við hin þurfum ekki að lesa eða hugsa. Við eigum að treysta honum og þeim sem skrifa í hans anda. Hugsanlega er hin upplýsta umræða svo hættuleg af því að þá er ekki hægt fyrir Mbl að slá fram hverju sem er.

Leiðari Mbl 20. júlí sl. ber yfirskriftina »Myrkvuð umræða«. Undirfyrirsögn er »Hinir »upplýstu« gera hvað þeir geta til að kasta ryki í augu annarra«. Miðað við málflutning leiðarans er þetta furðuleg fyrirsögn. Verið er að gera því skóna, að ESB-aðild hafi herskyldu í för með sér og tekið undir áhyggjur ungra bænda af því. Síðan eru kallaðir til vitnis þeir próf. Haraldur Ólafsson og Tryggvi Hjaltason öryggisfræðingur, sem báðir hafa nýlega skrifað greinar í Mbl. Haraldur skrifar um horfur á skyldu ESB-landa til hervæðingar. Tryggvi víkur m.a. að aukinni samvinnu Evrópuþjóða í varnarmálum, sem gæti leitt til sameiginlegs hers. Höfundur leiðarans telur þetta styðja hugmyndirnar um að aðild að ESB leiði til herskyldu. Þarna er því miður mjög óupplýst umræða á ferð. Í nýlegri, ítarlegri skýrslu utanríkisráðherra til Alþingis um utanríkis- og alþjóðamál, skýrslu sem byggist á þekkingu vönduðustu sérfræðinga ráðuneytis hans, er bent á að með Lissabonsáttmálanum skapist ekki grundvöllur fyrir sameiginlegum her ESB. Til að skýra nánar ákvæði sáttmálans, sem snúa að sameiginlegum vörnum sambandsins, fékk Írland samþykkta yfirlýsingu, sem kveður á um að hverju ríki sé í sjálfsvald sett hvernig framlagi til sameiginlegra varna sé hagað og að aðildarríki eru ekki skuldbundin til að taka þátt í hernaðarlegum aðgerðum á vegum bandalagsins."

En þar sem Morgunblaðið er LÆST öðrum en áskrifendum, er ekki hæg að vísa á krækju með afganginum af greininni.

 

Ísland/ESB: Aðildarviðræður hafnar

Fréttablaðið greinir frá í dag:

"Aðildarviðræður Íslands við ESB hófust formlega með ríkjaráðstefnu sambandsins í gær. Íslensk stjórnvöld og forsvarsmenn ESB lögðu fram greinargerð um viðfangsefni samningaviðræðnanna auk þess sem Össur Skarphéðinsson utanríkisráðherra, Stefan Füle, stækkunarstjóri ESB, og Steven Vanackere, utanríkisráðherra Belgíu, fluttu ræðu.

Össur sagði í ræðu sinni að umsókn Íslands væri rökrétt skref enda hefðu Íslendingar ávallt best tryggt sjálfstæði sitt og hagsmuni með virkri þátttöku í samstarfi vestrænna lýðræðis­ríkja. Hann gerði grein fyrir helstu hagsmunamálum Íslands í komandi samningaviðræðum og lagði sérstaka áherslu á efnahagslegt mikilvægi sjávarútvegs fyrir Ísland. Finna þyrfti sérlausn sem tekur tillit til sérstakra aðstæðna Íslands og tryggir áframhaldandi öflugan og sjálfbæran sjávarútveg, sem og forræði Íslands yfir auðlindinni. Enn fremur sagði Össur að tryggja þyrfti bændum og fjölskyldum þeirra öruggt lífsviðurværi og nefndi aðild Íslands að evrusvæðinu sem mikilvægan þátt í endurreisn Íslands eftir efnahagshrunið."

Síðar um daginn var Króatía afgreidd á samskonar fundi, en landið er nú á fullu í samningaviðræðum, eftir að lendingu var náð í landamæradeilum Króata og Slóvena. Króatar hafa nú lokað 22 köflum af 35, samkvæmt þessari frétt , nú síðast í gær um matvælaöryggi og fjárhagseftirlit.

Menn verða nefnilega að gera sér grein fyrir því að ESB vill ekki taka inn lönd sem eiga í alvarlegum deilum við önnur lönd. Ekki á meðan deilurnar standa yfir.

Tyrkir og Kýpverjar eiga í deilum um Kýpur, Tyrkland mun ekki fara inn í ESB meðan sú deila er "lifandi". 

Þetta grundvallast á því að ESB-er friðarbandalag, með það að markmið að virða mannréttindi, frið og stuðla að öryggi íbúa sinna og almennri velferð.

 

Öll fréttin

Perlur!

Þetta tengist ekki neitt Evrópumálum, en sumar fyrirsagnir eru hreinlega perlur:

Full flugumferðarstjórn í Eyjum um verslunarmannahelgina

MBL, 27.7.2010

UTN um Ísland/ESB

Bendum á frétt hjá Utanríkisráðuneytinu um atburði þessa sögulega dags í Brussel, þar sem samningaferli Íslands og ESB var sett í gang.

http://www.utanrikisraduneyti.is/frettir/nr/5768

START!

"Lögð er þung áhersla á sérstöðu Íslands og tekið fram að lausnir á deilumálum viðræðnanna verði að þjóna hagsmunum beggja aðila. „Ísland yrði minnsta, strjálbýlasta og vestasta aðildarríki ESB. Það er langt frá hinum ríkjunum og glímir við óblíða náttúru. Þessar staðreyndir eru til merkis um sérstöðu Íslands og munu móta viðræðurnar," segir í greinargerðinni. Þar segir enn fremur að viðræður um þá hluta löggjafar ESB sem EES-samningurinn nær yfir ættu að vera einfaldar. Íslendingar muni hins vegar færa rök fyrir því að þær sérlausnir sem þegar eru viðurkenndar í EES-samningnum byggi á gildum rökum. Þar er til að mynda um að ræða reglur um fjárfestingu og um orku- og umhverfismál. Einnig þurfi að taka tillit til sjálfbærrar nýtingar Íslendinga á til dæmis hvölum og ákveðnum fuglategundum. Þá skuli eignarréttur og yfirráð yfir orkuauðlindum og vatni eingöngu vera á höndum aðildarríkjanna sjálfra."

Þetta er hluti fréttar í Fréttablaðinu í dag um þá staðreynd að í dag hefst í raun með formlegum hætti það samningaferli sem sett var í gang með umsókn Íslands að ESB, Evrópusambandinu.

Ljóst er að mikil áhersla verður lögð á sérstöðu Íslands sem þjóðar (og efnahagskerfis). Það er einnig ljóst að það er ekki ætlunin að afsala yfirráðum yfir auðlindum landsins.

Fréttamannafundur um málið verður haldinn í Brussel kl. 10.00 og má sjá hann hér

En hvernig bregst dagblað Nei-sinna, Morgunblaðið, við þessu? Kíkjum á leiðara dagsins:

" Eitt blómlegasta skeið íslenskrar efnahagssögu stóð frá 1991 í hálfan annan áratug. Kaupmáttur óx jafnt og þétt. Atvinnuástand var í blóma. Veruleg eignamyndun átti sér stað hjá fólki og fyrirtækjum. Skattar voru lækkaðir ár frá ári og ýmsir skattar aflagðir."

Á þessum tíma stórjukust líka samskipti og viðskipti okkar við Evrópu, ekki síst vegna tilkomu EES-samningsins, sem í upphafi átti að vera einskonar "fordyri" að ESB.

"Frelsi einstaklinga til orðs og æðis snýst um samkeppni, frjálsan markað og umfram allt fagleg og lögleg vinnubrögð."

Segja má að þetta sé ESB í hnotskurn, ESB snýst að mjög miklu leyti um VIÐSKIPTI, virka samkeppni, frelsi á mörkuðum og fagleg og lögleg vinnubrögð. Þarna hittir leiðarahöfundur Morgunblaðsins naglann á höfuðið, sem er jákvætt!

Og í lokin segir í leiðaranum:

" Á Íslandi skaut rótum illgresi í lystigarði frjáls atvinnulífs sem skipaður var af um það bil 20-25 viðskiptaóvitum. Nú hefur illgresinu verið eytt, enda er grundvallaratriði í huga frjálshyggjumanna að láta ekki skattgreiðendur bera kostnaðinn af misheppnuðum viðskiptaævintýrum einkaaðila. Evrópulöndin ákváðu öll að bjarga sínum bönkum með tilheyrandi kostnaði skattgreiðenda. Íslendingar eru að því leyti heppnir - bankarnir eru búnir að fara á hausinn og nýtt upphaf er næsta skref."

Úff, hvað við erum í raun heppin að allt HRUNDI hér á skerinu, KRÓNAN, BANKARNIR! Lukkunnar pamfílar!

Kannski er þetta bara það besta sem nokkurn tímann hefur gerst í sögu landsins? Sitja t.d. uppi með gjaldmiðil í höftum og sem aðrar þjóðir skrá ekki einu sinni hjá sér, reikna ekki með! Skemmtilegt!

En hvað er svo næsta skref? Um það segir ekkert.

Fyrir Evrópusinna er hinsvegar málið alveg á hreinu: Aukin og mun virkari samskipti við Evrópu, virk aðild að ESB, þjóð meðal þjóða!

David Cameron vill Tyrkland í ESB-mun berjast fyrir því

Leiðtogi breskra Íhaldsmanna og "forsætis" Breta, David Cameron, vill stuðla að því að Tyrkland gerist aðili að ESB. Í opinberri heimsókn í landinu sagði Cameron að hann myndi berjast fyrir þessu. Röksemdir hans eru m.a þær að Tyrkland sé sterkt efnahagslega og vegna áhrifa landsins í Mið-austurlöndum og Mið-Asíu.

Það er t.d. sagt að Tyrkland gæti orðið einskonar brú milli austurs og vesturs, nokkuð sem lengi hefur loðað við landið.

Því er nokkuð ljóst að David Cameron hyggst ekki einbeita sér að því að Bretland segi sig úr ESB, annars væri hann varla að láta þetta frá sér.

Tyrkland sótti um aðild að ESB árið 1987, landið annað stærsta aðildarland NATO, sjötta stærsta efnahagskerfi Evrópu og 16. stærsta í heiminum.

En það eru mörg ljón í veginum fyrir aðild, m.a. staða mannréttindamála í Tyrklandi, og fleira.

Lesa meira í Independent

Um Tyrkland og ESB

Óli Kr. vonast eftir málefnalegri og vitlegri umræðu

Óli Kr. Ármannsson, leiðarahöfundur Fréttablaðasins í dag skrifar um ESB málið, en hann vonast eftir málefnalegri umræðu um þetta mikilvæga mál. Hann skrifar:

" Full ástæða er til að fagna upphafi viðræðnanna og þeirri vonarglætu sem þær hafa í för með sér um að umræðan hér heima um ágæti aðildar geti orðið málefnalegri og fái byggt á staðreyndum fremur en rakalausum fullyrðingum.

Afstaða til aðildar að ESB virðist oft fremur ráðast af tilfinningum en raunverulegu mati á kostum og göllum. Enda er ekki hægt að leggja slíkt mat á hlutina fyrr en sést svart á hvítu hverju aðildarviðræðurnar skila. Í stað þess að fólk láti afstöðu sína ráðast af draugasögum um missi yfirráða yfir auðlindum, afhroð bændastéttarinnar eða sögum af gerræðislegum valdboðum um lögun gúrkna, getur það látið afstöðuna ráðast af staðreyndum. Niðurstöður viðræðnanna varpa ljósi á hvað er að marka háværan hræðsluáróður hagsmunasamtaka gegn, ekki bara aðild, heldur aðildarviðræðunum sjálfum. Einkennileg er sú afstaða að vilja ekki einu sinni láta á viðræður reyna.

Í öllu falli hlýtur fólk að geta sammælst um að allra hagur sé að sem best niðurstaða fáist í viðræðunum. Þær snúast um hagsmuni lands og þjóðar til framtíðar. Aðildarsamningur sem byggir á viðræðunum verður svo lagður fyrir þjóðina og ætti þá að liggja ljóst fyrir hvernig grundvallarhagsmunir landsins verði tryggðir."

Allur leiðarinn

Einnig er hér frétt Eyjunnar um málið, en þar segir m.a. að Samtök Iðnaðarins fagni þessum tímamótum.

 

Ísland - ESB: Viðræður hefjast formlega

Evrópusamtökin fagna því að í dag hefjast formlega viðræður Íslands og ESB um aðild að sambandinu. Þetta gerist með þátttöku Íslands í ríkjaráðstefnu, sem hefst í Brussel í dag. Þar mun utanríkisráðherra, Össur Skarphéðinsson taka þátt. 

Á vef Bloomberg fréttastofunnar er m.a. greint frá þessu. Það hafa innlendir miðlar einnig gert sjá t.d. hér

Í Fréttablaðinu segir m.a.: "Össur bætir svo við að í ræðu sinni muni hann fara yfir sérstöðu Íslands hvað varðar sjálfbærar fiskveiðar, endurnýjanlega orku og svo stjórnmálalega mikilvæga stöðu Íslands við Norðurskautið.
Össur segist enn fremur ætla að fara yfir það sem einstakt sé varðandi meginmálaflokka Íslands. „Stærsti efnispunkturinn í okkar greinargerð er sjávarútvegurinn. Svo mun ég fara yfir stöðu landbúnaðar hér á landi og hversu gríðarlega mikilvægt það er að búa við fæðuöryggi. Ég fer yfir byggðamál, efnahagsmál og myntsamstarfið auk þess að draga fram hvað Ísland á mikið sameiginlegt með Evrópu," segir Össur.

Á morgun verður m.a. hægt að sjá beint frá fréttamannafundi um málið:

http://video.consilium.europa.eu/

Að hræðast orðið JÁ - goðsagnir um ESB

A.m.k. tvo góða pistla er að finna á Eyjunni núna um ESB-málin (og enn fleiri eru að ræða málið). Þeir eru eftir þau Bryndís Ísfold Hlöðversdóttur og Elvar Örn Arnarson. Elvar skrifar um goðsagnir og ESB og segir m.a.:

"Flestar sögusagnirnar eiga uppruna sinn í Bretlandi, þar sem efasemdaraddir gagnvart Evrópusambandinu eru útbreiddar.  Það er vinsælt umfjöllunarefni í bresku pressunni – sérstaklega hjá tabloid-blöðunum –  að segja frá sérkennilegum reglugerðum sem koma frá Brussel. Bretar virðast hafa gaman af því að lesa um embættismennina í Brussel, sem hafa ekkert betra fyrir stafni en að trufla daglegt líf fólk með fáránlegum reglugerðum.

Þessar sögusagnir eru öflugt vopn í höndum andstæðinga Evrópusambandsins, því fæstir hafa fyrir því að afla sér upplýsinga um sannleiksgildi þeirra. Í langflestum tilvikum er bara eitt lítið sannleikskorn í sögunum sem síðan er skrumskælt og ýkt."

Allur pistill Elvars

Pistill Bryndísar fjallar hinsvegar um hræðslu íslenskra Nei-sinna við JÁ-ið, að loknum AÐILDARSAMNINGUM! Birtum hér pistil hennar í heild sinni:

ÓTTINN VIÐ JÁ

Það er magnað að fylgjast með andstæðingum ESB aðildar á AMX, Evrópuvaktinni og nú síðast í utanríkismálanefnd þingsins.  Frá og með deginum í dag eru aðildaviðræður okkar við ESB hafnar og ljóst að nú ættu allir að leggjast á eitt við að ná fram sem bestum samningi fyrir Ísland.  Það vita allir að það er mikil og löng vinna fyrir höndum fyrir samninganefndina og á endanum er það þjóðin sem ákveður hvort hún vilji inn í ESB eða ekki.

Svo virðist hins vegar að þeir fyrrgreindu, sem eru hörðustu andstæðingar ESB aðildar, óttist ennþá ekkert meira en að þjóðin segi já við samningnum þegar hann verður lagður í dóm hennar – því í stað þess að reyna að sannfæra þjóðina um að hún eigi ekkert erindi inn í ESB leggja þeir allt kapp á að þjóðin fái aldrei að velja.   Svo mikil er lýðræðisástin.

Óttinn við já-ið er ekki ástæðulaus hjá andstæðingum ESB því það eru margar góðar ástæður fyrir því að við eigum að íhuga það alvarlega að ganga alla leið inn í ESB.