ESB:Opnar sendiskrifstofu hér á landi

,,Össur Skarphéðinsson, utanríkisráðherra, skrifaði í dag undir  samkomulag við Benitu Ferrero-Waldner, sem fer með utanríkismál í framkvæmdastjórn Evrópusambandsins, um stofnun sendiskrifstofu ESB í Reykjavik sem taka mun til starfa í upphafi næsta árs."

Þannig byrjar frétt á MBL.is um þá sendiskrifstofu sem ESB hyggst opna hér. Visir.is greindi einnig frá sama máli.

Meira um Benitu

Nei-sinnar fá nýja formann

Heimssýn, samtök Nei-sinna, á Íslandi fengu nýjan formann í dag. Óhætt er að segja að samtökin hafi yngt upp hjá sér, af störfum lét Ragnar Arnalds (fæddur 1938), en við tók ungur bóndi, Ásmundur E. Daðason, þingmaður VG (fæddur 1982). MBL birti fréttum þetta í dag.

Nei-sinnar vörpuðu síðan fram þeirri fáránlegu hugmynd að draga umsóknina að ESB til baka. Malta lenti í þeirri ógæfu á sínum tíma og þeir sem til þekkja þar segja að það hafi verið hrein og klár hörmungarákvörðun. Halda mætti að Nei-sinnar séu ekki með fullu ráði!

Nokkrir bloggarar tengdu blogg sín við frétt MBL og "kommentin" tala sínu máli:

Haraldur Bjarnason segir: ,,Mjög táknrænt að fundur þessa fólks skuli hafa verið haldinn í Þjóminjasafninu. Þarna er hópur fólks sem vill halda í gömul gildi. Hópurinn vill ekki samningaviðræður um aðild að ESB og um leið að þjóðin fái ekki að vita hvað er í boði þar og fái því ekki að greiða atkvæði um aðild."

Róbert Björnsson segir: ,,Öfgasinnaðir einangrunarsinnar af hægri og vinstri jaðarsvæðum íslenskra stjórnmála sameinast nú undir merkjum Heimssýnar í þeim tilgangi að reyna að koma í veg fyrir að Íslenska þjóðin fái að kjósa um Evrópusambands-aðild.  Heimssýn ályktar að kjósa skuli um að draga umsókn Íslands að Evrópusambandinu til baka áður en aðildarviðræður fara af stað og áður en þjóðin fær að vita hvers konar samning okkur stendur til boða að þeim loknum.

 Heimssýnar-menn þykjast vera svo vissir um að þjóðin felli aðild, þegar þar að kemur, að það taki því ekki einu sinni að eyða peningum í viðræður.  Við hvað eru þeir svona hræddir?  Af hverju treysta þeir ekki dómgreind Íslendinga í þjóðaratkvæðagreiðslu?... Er hættulegt að leyfa fólkinu að ráða?"

Hægt er að taka heilshugar undir orð Róberts, sem, nota bene, á eftir að taka afstöðu og ákveða sig. Nei-sinnar vilja ekki leyfa íslensku þjóðinni það. Þeir telja sig vita best hvað sé íslenskir þjóð fyrir bestu. Heitir það ekki að setja sig á háan hest?

Önnur viðbrögð:

Mörður Árnason

D-Élítan sýpur kveljur!

Elítan í Sjálfstæðsiflokknum virðist súpa kveljur yfir þeirri staðreynd að Þorsteinn Pálsson hafi verið skipaður í samninganefnd Íslands gagnvart ESB. Sturla Böðvarsson, fyrrum forseti Alþingis ræðst fram á ritvöllinn og hellir úr skálum sínum á www.pressan.is

Sturla segir m.a.: ,,Það er nær óskiljanlegt að fyrrverandi formaður Sjálfstæðisflokksins skuli láta véla sig til þeirra verka að ganga erinda þeirra Össurar og Jóhönnu Sigurðardóttur í fullkominni andstöðu við þá stefnu sem Bjarni Benediktsson formaður Sjálfstæðisflokksins hefur mótað. Sú afstaða er byggð á samþykkt Landsfundar Sjálfstæðisflokksins."

Á Þorsteinn s.s. að beygja sig skv. línu flokksins, er þetta spurning um að ,,fall in line" eins og sagt er á hermannamáli?

Hefur það ekki verið eitt af aðalsmerkjum Sjálfstæðisflokksins (samkvæmt þeirra eigin mati) hvað flokkurinn er "breiður" og hvað í honum rúmast margar skoðanir? Þá hlýtur Þorsteinn Pálsson að hafa rétt á því að hafa sínar skoðanir á Evrópumálum. Það er ekkert sem hann þarf að afsaka gagnvart einum eð neinum, eins og Sturla krefst í greininni.

Fyrir þá sem hafa fylgst með, hafa skrif Þorsteins um Evrópumál (og tölur hans á fundum um þau mál) einmitt einkennst af því ískalda hagsmunamati sem Sjálfstæðisflokkurinn segist hafa notað þegar lína flokksins gegn ESB var lögð á síðasta landsfundi. Og Þorsteinn metur það svo að Íslandi sé það í hag að gerast aðili að ESB.

Annar D-maður og fyrrum dómsmálaráðherra, Björn Bjarnason, virðist einnig hafa fengið létt sjokk yfir þessu og segir m.a. á vef sínum, www.bjorn.is: ,,Að Össur skuli hafa leitað til Þorsteins endurspeglar þann þátt ESB-aðildarbrölts Össurar, sem miðar að því að draga úr samheldni innan Sjálfstæðisflokksins. Ástæðulaust er þegja um þennan þátt málsins, því að hann er líklega helsta beita Össurar til að festa vinstri-græna á ESB-öngulinn."

Er Össur s.s. með þessu að reka fleyg í Sjálfstæðisflokkinn? Er flokkurinn ekki þegar klofinn á málinu? Er Björn hræddur um að það hrikti í stoðum flokksins? Kannski ekkert skrýtið, því meðal margra sjálfstæðismanna er megn óánægja með Evrópustefnu flokksins, alveg upp í toppinn á maskínunni!

Var ekki Össur bara að ráða hæfan mann, sem er laus við öfga og kreddur, mann með yfirgripsmikla þekkingu og skýra sýn á þau nauðsynlegu skref sem Ísland þarf að taka, m.a. til þess að fá hér nothæfan gjaldmiðil!

Sema og Ingvar skrifa um ESB og unga fólkið

Samtökin Ungir Evrópusinnar voru stofnuð um daginn. Í Fréttablaðinu birtist í gær grein eftir tvo stjórnarmenn um Evrópumál, en þetta eru Sema Erla Serdar (mynd) og Ingvar Sigurjónsson.

Þau segja m.a. i grein sinni:,,Ungir evrópusinnar telja að Evrópusambandsaðild hafi margt að bjóða ungu fólki. Evrópusambandið rekur til dæmis sérstaka stefnu í málefnum ungs fólks, svokallaða Ungmennaáætlun. Hún stuðlar meðal annars að auknu samstarfi og skilningi milli þjóða með því að auðvelda ungu fólki að öðlast reynslu í öðrum Evrópuríkjum, hvort sem það er með því að stunda nám, starfa eða vinna sjálfboðastörf innan Evrópusambandsins. Ekki þarf að fjölyrða um mikilvægi þess að unga fólkið okkar hafi kost á því að afla sér reynslu erlendis.

Þrátt fyrir að Ísland sé nú þegar þátttakandi í ungmennaáætlun sambandsins njóta Íslendingar ekki allra sömu réttinda og íbúar Evrópusambandsins. Sem dæmi má nefna að þar sem við erum ekki aðildarríki ESB þurfum við að borga mun hærri skólagjöld meðal annars í Bretlandi, en þar getur munurinn verið allt að 10.000 pund fyrir árið. Aðild að Evrópusambandinu myndi því gera ungum Íslendingum auðveldara með að mennta sig annars staðar í Evrópu. Aðild myndi þar að auki leiða til fjölbreyttara og öflugara atvinnulífs hér á landi og ungt fólk fengi því fleiri tækifæri til þess að nýta menntun sína og reynslu hér heima."

Öll greinin

Bókhald ESB samþykkt

Annað árið í röð hefur Evrópska endurskoðendaskrifstofan gefið út heilbrigðisvottorð á bókhald og reikninga ESB. Skv. skrifstofunni gefa reikningar ársins 2008 "sanna og rétta" mynd af fjármálum ESB. Fyrirkomulag greiðslna á styrkjum ESB hefur almennt færst í betra horf, en úrbóta er samt þörf og þá helst við útborgun á styrkjum til uppbyggingarmála, en það er á hendi aðildarlandanna að greiða út þá styrki. Það að athugasemd hafi verið gerð við tiltekna greiðslu þarf ekki að þýða að misferli hafi átt sér stað heldur að ekki hafi verið farið nákvæmlega eftir reglum um útborgun.

Stundum er því haldið fram að innan ESB sé óheyrilegum fjárhæðum eytt í botnlausa skrifræðishýt. Veruleikinn er hins vegar sá að aðeins 6% af fjárlögum ESB er varið til stjórnsýslu sambandsins. Hlutfallslega eru fjárlög ESB heldur ekki há, aðeins rétt rúmlega 1% af vergum þjóðartekjum aðildarríkjanna. Framkvæmdastjórnin hefur tekið saman lista yfir helstu goðsögur og staðreyndir um fjárlög og bókhald ESB. Lesa meira hér

Enn meira: www.esb.is

Evran tryggir stöðugleika

,,Upptaka evru myndi hjálpa í baráttunni við atvinnuleysi hér á landi, segir Vladimír Špidla, atvinnumálastjóri Evrópusambandsins. Sambandið hefur hrundið af stað viðamikilli áætlun til að vinna gegn atvinnuleysi." Svo segir í frétt sem RÚV birti í gærkvöldi í tilefni fyrirlesturs Špidla í gær. Fyrir fullu húsi talaði hann um aðgerðir ESB gegn atvinnuleysi. Ræðu Špidla má lesa hér

Frétt RÚV

Ráðstefna: ESB-Rússland í næstu viku

Sendinefndir frá ESB og Rússlandi munu hittast í Stokkhólmi, þarnæsta miðvikudag, 18. nóvember. Þar er ætlunin að ræða loftslagsmál, einnig er búist við að öryggismál verði ofarlega á baugi.

Fredrik Reinfelt, forsætisráðherra Svía, sem fara með formennsku í ESB, segist hafa mikinn áhuga á að fá Rússa til að hækka markmið sitt um niðurskurð í losun gróðurhúsategunda. Rússar hafa sagst ætla að minnka þetta um 10-15% fram til 2020, en Reinfelt vill að þeir leggi harðar að sér og lofi 20-30% skerðingu á losun. Það er markmiðið sem rætt er um í sambandi við loftslagsráðstefnuna í Kaupmannahöfn í desember.

EuObsever greindi frá

ESB: Mikilvægt samkomulag um internetið og fjarskipti

Í síðustu viku náðist samkomulag milli ráðherraráðs ESB og Evrópuþingsins sem m.a. lýtur að réttaröryggi internet-notenda. Málið kemur meðal annars inn á niðurhal á efni af internetinu. Í samkomulaginu er m.a. kveðið á um að ekki megi loka fyrir netsamband einstaklinga vegna niðurhals, nema réttarleg meðferð hafi átt sér stað. Þá á að gilda sú regla í sambandi við þetta að nauðsynlegt verður að færa fram sannanir áður en hægt verður að dæma einstaklinga fyrir ólöglegt niðurhal.  Réttarreglan, ,,saklaus, þar til sekt sannast," er því höfð að leiðarljósi.

NET-sérfræðingar og almennir notendur netsins hafa fagnað þessu samkomulagi. Ráðherrar ýmissa aðildarlanda hafa einnig fagnað og segja að með samkomulaginu, sem inniheldur fleiri atriði, muni samkeppni aukast á sviði tölvusamskipta og að það muni auka gæði breiðbandstenginga í Evrópu. Einnig muni þær verða ódýrari, þannig að þetta sé klárlega hagsmunamál neytenda.

Einnig hefur verið bent á að þetta samkomuleg sé dæmi um hvernig grasrótaröfl (les:almennir netnotendur) geti haft áhrif á ráðmenn innan ESB og Evrópuþingið.

Sjá: http://ec.europa.eu/news/science/071113_1_en.htm

Jón Baldvin með fyrirlestur í Finnlandi

Jón Baldvin Hannibalsson, fyrrverandi utanríkisráðherra,  flutti nýlega áhugavert erindi í Finnlandi á vegum stofnunar sem nefnist ,,The Foundation for European Progressive Studies"  Jón Baldvin segir meðal annars; ,,The widespread resentment felt by the general public in Iceland and the sense of injustice at being forced by the EU, through the IMF, to accept the moral obligation – if not a legal one – to pay the enormous debt left behind by irresponsible venture-capitalists, has poisoned the atmosphere surrounding the domestic debate, concerning Iceland’s application for membership in the EU.  

Immediately after the crash a strong majority among the public was convinced that EU membership and the prospect of adopting the euro in the near future, was part of the long-term solution to Iceland’s problems.  Now, when the IMF has delayed the crucial review of their rescue programme for Iceland for more than half a year, since the British and Dutch governments have made it conditional for Iceland to accept responsibility for the bankruptcy of private banks, polls indicate that public support for seeking EU membership is rapidly vaining."

Hann segir einnig;
,,In this context it is interesting to compare the fates of the sister islands of Iceland and Ireland.  Both island economies had been enjoying sustained periods of rapid economic growth.  In both countries economic growth had been fuelled by a steady influx of foreign capital investments.  In both countries the real estate boom spiralled out of control and turned into a bubble.  In both countries the standard of living and the level of consumption exploded.  Both economies were feeling the strain of overheating.  

But this is where the comparison ends.  Cynics are saying that the difference between Iceland and Ireland was one letter and one week.  The big difference is that Ireland is a member of the European Union and a partner in the monetary union, using the euro as a national currency.  Iceland, on the other hand, has been experimenting with its krona within the smallest currency area of the world, in an environment of free flow of capital, under a regime of wide open financial open markets.  

This has turned out to be a world of difference.  Iceland has suffered a twin-crisis: a collapse of the financial system and a massive devaluation of the krona.  The currency crisis has magnified Iceland’s foreign debt and caused serial bankruptcies of both companies and households.  But Iceland’s weak currency – itself the cause of so much misery – evokes the prospect of a quicker recovery, due to an improved competitive position.  This raises the question of what price to pay for long term stability?   For some the euro may look like a salvation.  After the crash, maintaining our own weak currency, Iceland may entertain the prospect of inflating itself out of debt.  But at what price, in terms of the stability required for long-term growth?"

 

Greinin í heild sinni  

Múrinn - 20 ár

Í kvöld var þess minnst í Berlín að 20 ár eru liðin frá því að Berlínarmúrinn var rifinn niður. Fólkið reif hann niður, enda tákn um kúgun, mannfyrirlitningu og dauðadæmda hugmyndafræði. Austur-Þýskaland (DDR) var komið að fótum fram.

Stasi, hin illa leyniþjónusta DDR var 12 sinnum stærri en Gestapó og 35 sinnum KGB í Sovétríkjunum. Uppljóstranir, alltumlykjandi persónunjósnir var hennar aðalsmerki. Gögn Stasi um íbúa austur-Þjóðverja voru um 200 km að lengd, væri þeim raðað og mæld þannig. Framúrskarandi kvikmynd um stemmninguna í A-Þýsklandi er  THE LIFE OF OTHERS

Berlín er höfuðborg sameinaðs Þýskalands í Evrópusambandi, sem hefur mannréttindi og jafnrétti að leiðarljósi. Í Evrópusambandið gengu árið 2004 næstum öll þau ríki sem voru á áhrifasvæði Sovétríkjanna (og var m.a. haldið undir járnhæl þeirra). Af hverju skyldi það vera?

Evrópusambandið er byggt á friðar og samvinnuhugsjón, samt eru þeir til hér á landi sem óska þess heitt að þetta samband hrynji, rétt eins og múrinn. Er það ekki sérkennilegt?