Leið Finnlands inn í ESB

Antti Kuosmanen, sendiherra Finnlands hjá OECD, heldur fyrirlestur á vegum Alþjóðamálastofnunar og Rannsóknaseturs um smáríki í samstarfi við finnska sendiráðið og Norræna húsið, þriðjudaginn 13. september frá kl. 12:30 til 13:30 í fundarsal Norræna hússins.

Umræðuefnið er leið Finnlands inn í ESB. Ókeypis er inn og allir velkomnir.

Nei-sinnar í hoppandi fýlu! Ásaka Fréttablaðið um að falsa könnun!

Samtök Nei-sinna eru hoppandi fúl yfir könnun Fréttablaðsins, sem birt var í dag og sýnir að tveir þriðju þeirra sem svöruðu (svarhlutfall var um 80%) vilja halda aðildarviðræðum við ESB áfram og fá að kjósa um málið.

Nei-sinna ásaka Fréttablaðið um að falsa veruleikann, sem er mjög alvarleg ásökun.

Er þetta það eina sam Nei-sinnar geta gert, að bera ásakanir um lygar á Fréttablaðið? Bara af því að útkoman er ekki Nei-sinnum í hag?

Hjá Nei-sinnum er það fyrirferðarmikil hugmynd að leyfa landsmönnum EKKI að KJÓSA um aðildarsamning.

Lýðræðisást þeirra er heit - eða hitt þó heldur!

Vigdís spyr og spyr og spyr!

Á vef DV.is stendur: "Starfsmenn utanríkisráðuneytisins og embættismenn undirstofnana fóru 336 ferðir erlendis á síðasta ári. Þetta kemur fram í svari Össurar Skarphéðinssonar við fyrirspurn Vigdísar Hauksdóttur, þingkonu Framsóknarflokksins."

Vigdís spyr og spyr eins og henni sé borgað fyrir það! Spurningar Vigdísar hafa kostað íslenska skattgreiðendur fúlgur!Og ekkert fær stoppað Vigdísi, að því er virðist.

Við DV segist Vigdís vera með spurningaflæðið vegna ESB-málsins, sem samkvæmt heimildum ES-bloggsins er algerlega á kostnaðaráætlun.

Og í DV kemur fram að ferðum á vegum Utanríkisráðuneytisins hefur fækkað stórlega, úr 537 árið 2007 í 336 í fyrra!

Í framhaldi af spurningaflóði Vigdísar er hæglega hægt að velta fyrir sér hlutverki þingmanna - sem á jú að vera að semja lög. Fyrir það fá þeir borgað.

Kannski vill Vigdís að enginn sem vinnur í stjórnsýslunni fari eitt eða neitt, að allir séu bara hér á Íslandi, andandi að sér íslensku lofti, á íslenskum mat og drekki íslenskt vatn?

 

Ólafur Stephensen um aðildarferlið í FRBL

Ólafur Þ. Stephensen skrifar leiðara í Fréttablaðið í dag og snýr hann að ESB-málinu. Ólafur segir:

"Á vefnum skynsemi.is er nú efnt til undirskriftasöfnunar til stuðnings því að Alþingi leggi umsókn Íslands um aðild að Evrópusambandinu til hliðar. Þar koma fram þrjár meginröksemdir fyrir því að hætta aðildarviðræðunum. Í fyrsta lagi að Evrópusambandið hafi breytzt frá því að sótt var um aðild og óvissa ríki um framtíð þess og myntbandalags Evrópu. Í öðru lagi sé umsóknin dýr og stjórnsýslan eigi fremur að beina kröftunum að „mun brýnni verkefnum". Loks sýni skoðanakannanir yfirgnæfandi og vaxandi andstöðu við aðild að ESB.

Ef mark væri takandi á rökunum um breytingar á Evrópusambandinu og óvissu um framtíðina hefði ekkert ríki átt að sækja um aðild að ESB frá upphafi, því að samstarf ríkjanna í sambandinu er í stöðugri þróun og sífelld óvissa er um framtíðina. Þrátt fyrir ótal spádóma um endalok Evrópusamstarfsins hefur ESB bæði stækkað – aðildarríkin eru nú 21 fleiri en í upphafi – og samstarfið dýpkað.
ESB var stofnað til að auðvelda aðildarríkjunum að leysa ýmiss konar vandamál með því að leggja saman krafta sína og deila ríkisvaldinu á ákveðnum sviðum. Spurningin um aðild að Evrópusambandinu snýst ekki um stöðu mála í sambandinu á hverjum tíma, heldur þessa aðferðafræði við að leysa vandamál. Hún hefur gefizt vel og í langflestum aðildarríkjunum er það almenn skoðun að aðildin hafi reynzt vel.

Þeir sem halda því fram að enn eigi að bíða með aðildarumsókn minna á manninn sem vildi ekki fá sér sjónvarp á sínum tíma af því að hann taldi víst að þróun sjónvarpstækninnar væri svo hröð að bezt væri að bíða þangað til komin væru betri sjónvörp. Hann hefur misst af sjónvarpsdagskránni alveg frá 1966, því að alltaf er meiri breytinga að vænta."

Allur leiðarinn

Næstum tveir þriðju vilja halda aðildarviðræðum áfram: Könnun FRBL

Á www.visir.is stendur:

"Tæplega tveir af hverjum þremur landsmönnum vilja að Ísland ljúki aðildarviðræðum við Evrópusambandið svo hægt sé að halda þjóðaratkvæðagreiðslu um niðurstöður viðræðnanna samkvæmt skoðanakönnun Fréttablaðsins og Stöðvar 2. Alls sögðust 63,4 prósent þeirra sem afstöðu tóku í könnuninni vilja halda viðræðum áfram en 36,6 prósent vildu draga aðildarumsóknina til baka.

Örlítið virðist hafa dregið úr stuðningi við að ljúka viðræðum frá því Fréttablaðið kannaði afstöðu til málsins síðast, í janúar síðastliðnum. Þá vildu 65,4 prósent ljúka viðræðum en 34,6 prósent draga umsóknina til baka."

 

Kostnaður við Evruhamfarir hrikalegur!

Nokkuð athyglisverð frétt birtist a EuObserver.com, síðu sem fjallar nær eingöngu um Evrópumál. Fréttin er svona á ensku:

"The collapse of the euro would cost each German taxpayer between €6,000 and €8,000, whereas a default of Greece, Ireland and Portugal would cost €1,000 per person, Swiss UBS bank says. If a troubled country left the eurozone, the cost for each of its citizens would be €9,500-€11,500."

Snarað:

Hrun Evrunnar myndi samkvæmt þessari frétt kosta hvern þýskan skattgreiðanda um 6-8000 Evrur en um 1000 Evrur fyrir hvern þýskan skattgreiðanda færu Grikkland, Írland eða Portúgal í gjaldþrot.

Ef eitthvert Evruland í vandræðum myndi yfirgefa Evruna myndi kostnaðurinn fyrir hvern skattgreiðanda á Evrusvæðinu verða á bilinu 9500-11500 Evrur.

Þetta er samkvæmt útreikningum UBS bankans í Swiss, sem fyrir skömmu tengdi sinn franka við Evruna.

Gengi Evrunnar er um 160 ÍSK og reikni nú hver sem betur getur!

 

Hagvöxtur jákvæður

Þjóðarframleiðsla jókst um 0.2% bæði í ESB27 og á Evrusvæðinu á öðrum ársfjórðungi þessa árs, miðað við ársfjórðunginn þar á undan. Þetta er samkvæmt spá sem Eurostat hefur gefið út.

Miðað við annan fjórðung 2010 jókst hagvöxtur um 1.6% á Evrusvæðinu og 1.7% hjá ESB27.

Metnaðarfull vetrardagskrá hjá HÍ: Samræður við fræðimenn

Eins og sagt var frá hér á blogginum hélt Dr. Clive Archer fyrirlestur í Háskóla Íslands síðastliðinn föstudag á vegum Alþjóðamálastofnuna og Rannsóknarseturs um smáríki við H.Í.

Í vetur verður metnaðarfull dagskrá og á heimasíðu segir: 

"Alþjóðamálastofnun og Rannsóknarsetur um smáríki við Háskóla Íslands standa fyrir vikulegri hádegisfundaröð á haustmisseri. Erlendir fræðimenn kynna rannsóknir sínar. Að auki fléttast inn í fundaröðina málstofur í samvinnu við aðra aðila. Fundirnir fara fram í Odda 201 frá kl. 12-13 á föstudögum í vetur."

Öll dagskráin er svo hér.

Umhverfismál á dagskrá - opinn fundur í Iðnó - í beinni á www.jaisland.is

Minnum aftur á þetta! 

Opinn fundur um umhverfismál verður haldinn á morgun laugardag ávegum samtakannaJá Ísland.

Í kjölfarið af ábendingum frá fólki af landsbyggðinni sem lýsti miklum áhuga á fundinum hefur verið ákveðið að sýna fundinn í beinni útsendingu hér á vefnum www.jaisland.is

Fundurinn fer fram sem fyrr segir í Iðnó kl 11 – 13 og ber fyrirsögnina -  Loftið, sólin, sjórinn og fjöllin – hvað gerir ESB fyrir umhverfismálin? 

Á fundinum tala Svandís Svavarsdóttir umhverfisráðherra, Árni Finnsson formaður Náttúruverndasamtaka Íslands, Páll Ásgeir Ásgeirsson leiðsögumaður og Þórunn Sveinbjarnardóttir fyrrverandi umhverfisráðherra. Fundastjóri er Björg Eva Erlendsdóttir framkvæmdastjóri Norðurlandasamstarfs Vinstri – Grænna flokka.

 Dagskrá fundarins:

Svandís Svavarsdóttir, umhverfisráðherra:

Umhverfismál, Evrópusambandið og EES samningurinn

 Árni Finnsson, formaður Náttúruverndasamtaka Íslands:
Hvaða erindi á Ísland í ESB?

 Þórunn Sveinbjarnardóttir, fyrrverandi umhverfisráðherra
 um umhverfisstefnu Evrópusambandsins

 Páll Ásgeir Ásgeirsson, rithöfundur og leiðsögumaður:
 Enga merkimiða takk

 Fundastjóri
 Björg Eva Erlendsdóttir, framkvæmdastjóri Norðurlandasamstarfs Vinstri – Grænna flokka.

Allir velkomnir

Ísland fær stuðning Ítalíu í ESB-umsókninni

Á www.visir.is stendur: "Ítalski utanríkisráðherrann, Franco Frattini, lýsti fullum stuðningi við aðildarumsókn Íslendinga að Evrópusambandinu á fundi sem hann átti í morgun með Össuri Skarphéðinssyni utanríkisráðherra. Þetta kemur fram í tilkynningu frá Utanríkisráðuneytinu.

Ráðherrarnir fóru yfir stöðuna í aðildarviðræðum Íslendinga við Evrópusambandið og lýsti Frattini eindregnum vilja Ítala til að viðræðurnar gengju sem greiðast. Hann hvatti Íslendinga til að knýja á dyr Ítala ef flækjur kæmu upp í samningunum, og kvaðst hafa mikinn skilning á mikilvægi fiskveiða í efnahagslífi Íslendinga.

Utanríkisráðherran árréttaði sérstaklega hversu langt Íslendingar væru nú þegar komnir í samstarfi við Evrópuríki gegnum EES samninginn, segir í tilkynningunni.

„Frattini ræddi stöðu mála á evrusvæðinu og aðgerðir sem gripið hefur verið til meðal annars á Ítalíu þar sem ríkisstjórnin tók í morgun ákvörðun um aðgerðir til að ná niður fjárlagahalla á næstu tveimur árum. Kvaðst hann þess fullviss að evran kæmi sterkari út úr þeim aðgerðum sem nú er verið að grípa til á evrusvæðinu." Öll fréttin

Eru íslenskir neytendur algert aukaatriði?

Á vef DV.is segir:

„Þetta er móðgun við íslenska neytendur. Við erum búin að bíða eftir þessu í átta ár en reglugerðin tók gildi 2003 í Evrópusambandinu. Hagsmunaaðilar hafa bara náð að stoppa þetta eina ferðina enn,“ segir Oddný Anna Björnsdóttir, fulltrúi framkvæmdanefndar Samtaka lífrænna neytenda.

Þann 1. september átti að taka gildi reglugerð um merkingar og rekjanleika á erfðabreyttum matvælum og fóðri en sama dag gaf Jón Bjarnason sjávarútvegs- og landbúnaðarráðherra út reglugerð þar sem gildistökunni er frestað til 1. janúar 2012.

Þessu mótmæla Samtök lífrænna neytenda og Slow Food Reykjavík en í sameiginlegri tilkynningu frá þeim segir að með þessu sé ráðuneytið greinilega að verja hagsmuni örfárra fyrirtækja sem flytji inn matvæli frá landi þar sem neytendavernd sé fórnað fyrir hagsmuni fjölþjóðafyrirtækja og hunsi hagsmuni íslenskra neytenda. „Þetta er blaut tuska í andlit neytenda og við förum fram á að fá ítarlegan rökstuðning ráðuneytisins fyrir frestun gerðarinnar,“ segir þar jafnframt."

Síðar segir í fréttinni: "Oddný segir að Ísland sé það land í Evrópu sem stendur sig sem verst í að upplýsa neytendur um innihald matvæla. „Við vitum ekkert hvað við erum borða og eina leiðin til að vera viss núna er að velja lífrænt ræktað. Þetta er því mjög mikið hagsmunamál fyrir íslenska neytendur, að hafa val,“ segir Oddný."

Þetta atriði er sérlega athyglisvert í ljósi þeirrar umræðu um "fæðuöryggi" sem fram fer hér á landi. Upplýsingar til neytenda hljóta að vera mjög mikilvægar í því samhengi. Eða er bara nóg að framleiða lambakjöt?

Og stóra spurningin er: Á hvaða forsendum er þessi neitun? Á vef ráðuneytis Jóns Bjarnasonar er ekki stafur um þetta.

Friðrik Jónsson bætir við pistli um ESB-málið

Það virðist rigna inn pistlum um ESB-málið á netið, einn nýr er eftir Friðrik Jónsson, sem skrifar reglulega á Eyjuna. Hann segir:

"Samfylkingin er jafnan gagnrýnd af fulltrúum annarra flokka á þingi fyrir það að hafa enga aðra framtíðarsýn en aðild Íslands að Evrópusambandinu.

Þessi gagnrýni beinist augljóslega jafnframt að okkur sem ekki eru félagar í Samfylkingunni, en eru hlynntir aðild Íslands að ESB.

Sú gagnrýni er við nánari skoðun ósköp léttvæg, þó ekki væri nema af tveimur megin ástæðum.

Annars vegar vegna þess að framtíðarsýnin Ísland í ESB er ansi mögnuð og fæli í sér verulegar breytingar á ýmsum sérviskuháttum íslenskum. Alvöru fríverslun við okkar helstu nágrannaþjóðir á svo að segja öllum sviðum yrði stærsta merkjanlega breytingin frá fyrsta degi, áhrif á stjórnsýslu yrðu önnur breyting, margt til batnaðar, sumt íþyngjandi, og víðtæk efnahagsleg áhrif yrðum við vör við í vaxandi mæli, sérstaklega í aðdraganda upptöku Evru sem gjaldmiðils, og ekki síst þegar því takmarki yrði náð, svo fátt eitt sé talið.

Hins vegar vegna þess að þeir sem gagnrýna með þessum hætti hafa ekki boðið upp á neina sambærilega framtíðarsýn eða valkost sem hægt væri að stilla upp andspænis aðild að ESB. Vefur Heimssýnar, hreyfingar sjálfstæðissinna í Evrópumálum, er skýrt dæmi um þetta. Þar á forsíðu er tengill í skjal sem yfirskriftina “12 ástæður til að hafna Evrópusambandsaðild”. Allar ganga þær meira og minna út á að hafna aðild út frá mestmegnis bábyljurökum um hversu afleitt samband þetta er, en hvergi er reynt að setja fram annan heildarvalkost. (Leturbreyting, ES-blogg)

Landbúnaðarmálin í leiðara FRBL

Góður leiðari Fréttablaðsins í dag fjallar einnig um ESB-málið, þ.e. landbúnaðarmál og er eftir Ólafur Stephensen. Hann skrifar:

"Andstæðingar þess að Íslendingar fái að kjósa um aðildarsamning við Evrópusambandið í þjóðaratkvæðagreiðslu gera nú mikið úr því að ESB hafi sett skilyrði fyrir því að hægt sé að fara að ræða landbúnaðarmál í aðildarviðræðunum.

Hvaða skilyrði eru það? Jú, að Ísland leggi fram tímasetta áætlun um hvernig það hyggst uppfylla kröfur Evrópusambandsins um m.a. stjórnsýslu landbúnaðarmála og breytingar á löggjöf, fari svo að þjóðin segi já við aðildarsamningi.

Af hverju eru þessi skilyrði sett? Vegna þess að Ísland lýsti yfir að það hygðist ekki byrja að laga stjórnsýslu, löggjöf og stofnanir sínar að regluverki ESB fyrr en eftir þjóðaratkvæðagreiðslu, færi svo að þjóðin segði já. Í rýniskýrslu sinni um landbúnað gerir Evrópusambandið engar athugasemdir við þessa aðferðafræði íslenzkra stjórnvalda, þótt hún sé frábrugðin því sem gerzt hefur í öllum öðrum ríkjum sem sótt hafa um aðild.

Af hverju kemst Ísland upp með þetta? Eina ástæðan fyrir því er að íslenzk löggjöf, stofnanir og stjórnsýsla eru nú þegar mjög vel aðlagaðar regluverki ESB vegna aðildar Íslands að Evrópska efnahagssvæðinu. Það sem á eftir að gera, komi til ESB-aðildar, er algjörir smámunir miðað við aðlögun undanfarinna sextán ára. Ísland er reyndar einna stytzt komið í aðlögun á sviði landbúnaðar, en það hjálpar þó heilmikið til að Alþingi skyldi í desember 2009 samþykkja frumvarp Jóns Bjarnasonar landbúnaðarráðherra um að taka upp stóran hluta af matvælalöggjöf Evrópusambandsins, sem gerbreytir öllu regluverki á sviði matvælaöryggis."

Allur leiðarinn

Björgvin G. með pistil um ESB-málið

Björgvin G. Sigurðsson, fyrrum ráðherra , skrifar einnig pistil um ESB-málið á Pressuna. Hann segir:

"Nú er samningaferlið á milli Íslands og ESB að komast á hástig. Í júní voru opnaðir fjórir kaflar af tæplega fjörutíu. Tveimur var lokið strax og hinir eru í ferli.

Hinsvegar er mikilvægt að ná sem allra fyrst að opna erfiðu kaflana; þ.e. um landbúnað, sjávarútveg og gjaldmiðilsmálin. Eftir því hefur verið kallað og nauðsynlegt er að svo verði til að hægt sé að halda þjóðaratkvæðagreiðslu snemma árs 2013 um hvort við göngum í ESB. Fyrir þingkosningar í maí það ár.

Því er verra þegar landbúnaðar- og sjávarútvegsráðherra skuli hægja á ferlinu með því að setja sitt fólk ekki til verka við undirbúning viðræðna við sambandið. Auðvitað er óhugsandi að einn ráðherra reyni að taka sér það alræðisvald að fara gegn ályktun Alþingis og ákvörðun um aðildarumsókn. Það voru jú meginrök Jóns Bjarnasonar í hvalveiðimálinu á dögunum.

Ráðherrann var þar í seldri sök, að eigin sögn, vegna ályktunar Alþingis frá 1999 um hvalveiðar. Hann gat því ekki annað en stutt veiðar áfram þrátt fyrir andstöðu margra úr stjórnarflokkunum gegn Hvalveiðum.

Sama á auðvitað við vegna umsóknarinnar um aðild að ESB. Vel þekkjum við heita umræðu liðinna ára um yfirgang framkvæmdavaldsins gagnvart löggjafanum. Ekki skal því haldið fram hér að slíkt sé í uppsiglingu enda óhugasandi með öllu að ráðherra gangi gegn ákvörðun Alþingis í nokkru máli.

En að erfiðu köflunum. Rýniskýrsla ESB um landbúnaðarmálin á Íslandi er einkar áhugavert skjal. Gefur skýrslan væntingar um jákvæða samningsniðurstöðu okkar í þessu erfiða máli. Markmið Alþingis er að verja stöðu landbúnaðarins og gera greininni kleift að sækja fram í kjölfar aðildar. Rýniskýrslan gefur fyrirheit um að það geti vel gengið eftir. Samið verði um sérlausnir fyrir íslenskan landbúnað."

Allur pistil Björgvins

Bryndís Ísfold um andstæðingana sem eru á móti

Bryndís Ísfold Hlöðversdóttir, framkvæmdastjóri hjá Já-Ísland skrifar enn einn fínan pistil á Eyjubloggið. Nú um hina sérkennilegu kröfu andstæðinga ESB að draga beri umsóknina til baka. Bryndís segir:

"Í mörg ár sýndu skoðanakannanir að meirihluti þjóðarinnar vildi hefja viðræður við Evrópusambandið, þá hristu andstæðingar aðildar hausinn ákaft og sögðu að það væri ekki rétti tíminn því það væri svo mikill uppgangur á Íslandi – við fengjum bara lélegan samning ef við værum of rík.

Eftir hrun var mikill þrýstingur á að sótt yrði um aðild, þá fannst andstæðingum heldur ekki rétti tíminn, því samningurinn yrði svo lélegur ef við værum svona illa stödd fjárhagslega.

Þegar svo sótt var um með stuðning meirihluta þjóðarinnar í skoðanakönnunum þá vildu andstæðingar alls ekki að þingið hæfi aðildaviðræður án þess að halda sérstaka þjóðaratkvæðagreiðslu um hvort Íslendingar ættu að sækja um aðild.  (sem engin þjóð hefur gert enda með öllu óljóst hvað felst í samningi fyrr en samið hefur verið um hann).

Síðasta ár hafa sömu menn í sífellu viljað draga umsóknina til baka – þeir sem standi að aðildarumsókninni eru ýmist föðurlandssvikarar eða ætla sér að kasta sjálfstæði landsins út í hafsauga. Þrátt fyrir það vilja þeir halda trygglega í EES samninginn og finnst bara í himnalagi að láta þá þarna í Brussel um að setja lög fyrir okkur.

Frá því sótt var um aðild hafa kannanir sveiflast, fyrir um ári voru 74% fylgjandi aðildarviðræðum, nú segja andstæðingar að það séu 51% á móti og nú heitir það að það eigi að ,,leggja umsóknina til hliðar” vegna þess hve margir séu á móti viðræðunum.

Ef rök andstæðinga eru notuð er ekki gott að sækja um aðild að ESB ef við erum of efnuð eða ekki nógu efnuð."

Allur pistill Bryndísar